11-Sep-2024

ବରଗଡ଼ ଜିଲ୍ଲା ଅତାବିରା ବ୍ଲକ ପ୍ରଗତି କ୍ଳବ୍ ପକ୍ଷରୁ ପଶ୍ଚିମ ଓଡ଼ିଶା ର ଗଣ ପର୍ବ ନୂଆଁଖାଇ ଅବସରରେ ଏକ ଦିବସୀୟ ୭ ତମ ମହିଳା ଫୁଟବଲ  ପ୍ରଦର୍ଶନୀ ଅତାବିରା ହାଇ ସ୍କୁଲ୍ ପଡ଼ିଆରେ ଅନୁଷ୍ଠିତ ହୋଇଯାଇଛି। କ୍ଳବ୍ ର ସଭାପତି ପ୍ରକାଶ ପ୍ରଧାନ ଙ୍କ ତତ୍ତ୍ଵାବଧାନରେ ଅନୁଷ୍ଠିତ ଏହି  ପ୍ରଦର୍ଶନୀ ରେ  ବରଗଡ଼ ମାହେଶ୍ୱରୀ ନର୍ସିଂ ମହାବିଦ୍ୟାଳୟ ର ପ୍ରତିଷ୍ଠାତା ଫକିର କର୍ଣ୍ଣ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ। ଫାଓ ର ଉପ ସଭାପତି  ତଥା ଯୁବ ଆଇନଜୀବୀ ରବି ନାରାୟଣ ପଣ୍ଡା, ଦୈତାରି ପ୍ରଧାନ, ଦୟାସାଗର ପ୍ରଧାନ ଓ ସୁନିଲ ସାହୁ, କ୍ଳବ୍ ର ସମ୍ପାଦକ  ଅକ୍ଷୟ ପ୍ରଧାନ ସମ୍ମlନୀତ ଅତିଥି ଭାବେ ମଞ୍ଚାଷୀନ ଥିଲେ। ଏହି  ଫୁଟବଲ ପ୍ରଦର୍ଶନୀ ରେ  ସୁନ୍ଦରଗଡ଼ ଓ ସମ୍ବଲପୁର ର ମହିଳା ଫୁଟବଲ ଦଳ ଭାଗ ନେଇଥିଲେ ।ଅତିଥି ମାନଙ୍କ ଦ୍ଵାରା  କ୍ରୀଡା ପତାକା  ଉତ୍ତୋଳନ ପରେ ଖେଳ ର ଶୁଭାରମ୍ଭ ହୋଇଥିଲା ।  ଦୁଇ ଦଳ  ଖେଳରେ ଡ୍ର ହେବା ପରେ  ଉଭୟ ଦଳକୁ ୪ ଟି ଲେଖାଏଁ  ପେନାଲ୍ଟିକ  ଦିଆଯାଇଥିଲା ।ସେଥିରେ ମଧ୍ୟ ଦୁଇ ଦଳ ଡ୍ର ହୋଇଥିଲେ
।ତେଣୁ  ପୁଣି ଗୋଟିଏ ଲେଖାଏଁ   ପେନାଲ୍ଟିକ୍ ଦିଆଯାଇଥିଲା ।ସେଥିରେ ସୁନ୍ଦରଗଡ଼ ଦଳ ଗୋଲ ଦେଇ ୫_୪ ରେ  ବିଜୟୀ ହୋଇଥିଲେ । ଉଭୟ  ଦଳ କୁ ଟ୍ରଫି  ଓ ମେଡାଲ ପ୍ରଦାନ କରି ପୁରସ୍କୃତ କରାଯାଇଥିଲା । ସମ୍ବଲପୁର ର ଲଲୋ ଓରାମ, କଳାପାଣି ର ଗୋପାଳ ନାଏକ, ବରପାଲି ର  ପ୍ରଦୀପ ଦାଶ ଖେଳ ପରିଚାଳନା କରିଥିଲେ ।   ଅବସର ପ୍ରାପ୍ତ ଖେଳ ଶିକ୍ଷକ ଲବ ସାହୁ ମଞ୍ଚ ପରିଚାଳନା କରିଥିଲେ । ଏହି ମହିଳା  ଫୁଟବଲ ପ୍ରଦର୍ଶନୀ କୁ  ଓକିଲ ସଂଘର  ପୂର୍ବତନ ସଭାପତି ଉନୀ କ୍ରିଷ୍ଣା ନାୟାର, ଅମୃତ ପ୍ରଧାନ, ପରବେଜ୍ ମହମ୍ମଦ, ଖେଳ ଶିକ୍ଷକ ସୁଦୀପ୍ତ ସାହୁ  ସକ୍ରିୟ ସହଯୋଗ କରିଥିଲେ ।ଏହି  ଉଭୟ ଦଳର ଫୁଟବଲ   ଖେଳାଳୀ ମାନଙ୍କ  ମଧ୍ୟରେ ଚିତ୍ତାକର୍ଷକ ଖେଳ ହୋଇଥିଲା ।ଏହାକୁ ଦେଖିବା ପାଇଁ ଆଖ ପାଖ ଅଂଚଳର  ଶହ ଶହ ଦର୍ଶକ  ଉପସ୍ଥିତ ରହି ଖେଳକୁ ଉପଭୋଗ କରିଥିଲେ ।