10-Sep-2024

ବରଗଡ଼(ପ୍ରେରଣା ଖବର): ଆଜି ମଙ୍ଗବାର ଦିନ ଅମ୍ବାଭୋନା ବ୍ଳକ ଅନ୍ତର୍ଗତ ପଞ୍ଚାୟତ ବାଳିକା ଉଚ୍ଚ ବିଦ୍ୟାଳୟରେ ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ଶ୍ରୀମତୀ ପୁଷ୍ପାଞ୍ଜଳି ସାହୁଙ୍କ ଅଧ୍ୟକ୍ଷତାରେ ପଞ୍ଚାୟତ ବାଳିକା ଉଚ୍ଚ ବିଦ୍ୟାଳୟ ଭୁକ୍ତାରେ ସ୍ବଚ୍ଛତା ପକ୍ଷର ଦଶମ ଦିନରେ ଆଜି ସ୍ୱଚ୍ଛତା ଅଂଶଗ୍ରହଣ ଦିବସ ଓ ହାତାଧୂଆ ଦିବସ ପାଳିତ ହୋଇଯାଇଛି । ପ୍ରଥମେ ସମସ୍ତେ ଅଗ୍ରପୂଜ୍ୟ ଗଣେଶଙ୍କ ମୂର୍ତ୍ତିରେ ଧୂପଦୀପ ଓ ନୈବେଦ୍ୟ ଅର୍ପଣ କରିଥିଲେ । ସହକାରୀ ଶିକ୍ଷୟିତ୍ରୀ ଶ୍ରୀମତୀ ଅଲିନା ଦାଶ ସଭାର ଉଦ୍ଦେଶ୍ୟ ପ୍ରଦାନ କରିଥିଲେ । ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ପୁଷ୍ପାଞ୍ଜଳି ସାହୁ ଦୈନନ୍ଦିନ ଜୀବନରେ ହାତ ଧୋଇବାର ଆବଶ୍ୟକତାକୁ  ଛାତ୍ରୀମାନଙ୍କ ମଧ୍ୟରେ ସଚେତନତା ସୃଷ୍ଟି କରିବା ସହିତ ଖାଇବା ପୂର୍ବରୁ ଓ ପରେ, ଶୌଚାଳୟ ବ୍ୟବହାର ପରେ, ବାଗିଚା କାମ,,ସଫେଇ ପରେ  ଠିକ୍ ଭାବରେ ହାତ ଧୋଇବାର କୌଶଳ  ଶିକ୍ଷା ପ୍ରଦାନ କରିଥିଲେ । ବିଜ୍ଞାନ ଶିକ୍ଷକ୍ ଚୌବାର୍ଗ ଭୋଇ ନିରାପଦ ପାନୀୟ ଜଳ ବ୍ୟବହାର,ଜଳ ସଂପର୍କିତ ରୋଗ ସମ୍ପର୍କରେ ଛାତ୍ରୀମାନଙ୍କୁ ସଚେତନ କରାଇଥିଲେ । ବରିଷ୍ଠ ଶିକ୍ଷକ ଶ୍ରୀଯୁକ୍ତ ସନ୍ତୋଷ ମେହେର ବିଦ୍ୟାଳୟକୁ , ନିଜ ଘର, ନିଜ ଗ୍ରାମ ପରିବେଶକୁ ପରିଷ୍କାର ପରିଚ୍ଛନ୍ନ ରଖିବାପାଇଁ  ଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ । ସ୍ୱଚ୍ଚ ରହିବା ପାଇଁ ପ୍ରତ୍ୟେକ ଛାତ୍ରୀ ବୃକ୍ଷରୋପଣ କରି ଗୋଟିଏ ଲେଖାଏଁ ବୃକ୍ଷର ଯତ୍ନ ନେବା ପାଇଁ ବୁଝାଇଥିଲେ । ସହକାରୀ ଶିକ୍ଷକ ଶ୍ରୀଯୁକ୍ତ ଗୋଲେଖ ପଧାନ ଓ ଜ୍ୟୋତ୍ସ୍ନାରାଣୀ ସାହୁ ଛାତ୍ରୀମାନଙ୍କ ମଧ୍ୟରେ ତର୍କ, ସଙ୍ଗୀତ ଚିତ୍ରାଙ୍କନ ପ୍ରତିଯୋଗିତା କରାଇଥିଲେ ।

ସଙ୍ଗୀତ ପ୍ରତିଯୋଗୀତାରେ  ପ୍ରଥମ ନନ୍ଦିନୀ ସା ନବମ ଶ୍ରେଣୀ, ଦ୍ୱିତୀୟ ସନ୍ଧ୍ୟା ଦାସ ନବମ ଶ୍ରେଣୀ,  ପୂଜା ସିଂହ ନବମ ଶ୍ରେଣୀ ତୃତୀୟ ସ୍ଥାନ ଅଧିକାର କରିଥିବାବେଳେ ଚିତ୍ରାଙ୍କନ ପ୍ରତିଯୋଗିତାରେ ଗାୟତ୍ରୀ କୁମ୍ଭାର ନବମ ଶ୍ରେଣୀ ପ୍ରଥମ, ରଶ୍ମୀ ପଟେଲ ନବମ ଶ୍ରେଣୀ ଦ୍ବିତୀୟ,ପ୍ରୀତି ସେଠ୍ ତୃତୀୟ ସ୍ଥାନ ଅଧିକାର କରି  ପୁରସ୍କୃତ ହୋଇଥିଲେ । ଏଥିରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ସମସ୍ତ ଛାତ୍ରୀ ସହଯୋଗ କରିଥିଲେ ।  ଶେଷରେ ବିଦ୍ୟାଳୟର ଚିତ୍ତରଂଜନ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।