09-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ଏକ ମାସ ଆଜି ହୋଇଗଲା ହେଲେ କୋଲକତା ଆର ଜି କର ମେଡ଼ିକାଲ ହସ୍ପିଟାଲ୍ ରେ ଘଟିଥିବା ଘଟଣାର ନ୍ୟାୟ ପାଇଲେନି ପୀଡ଼ିତାଙ୍କ ପରିବାର। କାର୍ଯ୍ୟରତ ମହିଳା ଡ଼ାକ୍ତର , ନର୍ସ , ସୁଇପର ଆଦି ମହିଳା କର୍ମଚାରୀ ଆଜି ଦେଶରେ ଆଦୌ ସୁରକ୍ଷିତ ନାହନ୍ତି। ନିଜ ଜୀବନକୁ ବାଜି ଲଗାଇ ଦିନ ରାତି ରୋଗୀଙ୍କ ସେବା ଯତ୍ନ କରୁଥିବା ମହିଳା କର୍ମଚାରୀ ଆଜିକାର ଦିନରେ ସମ୍ପୂର୍ଣ୍ଣ ଅସୁରକ୍ଷିତ ମଣୁଛନ୍ତି। ସରକାର ଗୋଟେ ମାସ ପରେ ବି ପୀଡ଼ିତାଙ୍କ ପରିବାରକୁ ନ୍ୟାୟ ଦେଇ ପାରି ନାହାଁନ୍ତି। ଦେଶରେ ଗୋଟିଏ ପରେ ଗୋଟେ ଏମିତି ହୃଦୟ ବିଦାରକ କାଣ୍ଡ ଘଟୁଛି ହେଲେ ସରକାରଙ୍କ ନିଦ ଭାଙ୍ଗୁନି କି କୌଣସି ନିୟମ କାନୁନ୍ ଲାଗୁ କରୁନାହାନ୍ତି।ବର୍ତ୍ତମାନ ଦେଶରେ ମହିଳା କର୍ମଚାରୀ ସୁରକ୍ଷା ନିହାତି ଜରୁରୀ। ଆଜି ଫାସ୍କ ପକ୍ଷରୁ ସାରା ଭାରତରେ ପ୍ରତିବାଦ କରାଯାଇଛି। କୋଉଠି ଧାରଣା ଦିଆଯାଇଛି ତ, କୋଉଠି ବିକ୍ଷୋଭ ପ୍ରଦର୍ଶନ କରାଯାଇଛି। ପୀଡ଼ିତାଙ୍କ ପରିବାରକୁ ନ୍ୟାୟ ଦେବା ପାଇଁ । ଆଜି ବରଗଡ଼ ଠାରେ ଡ଼ାକ୍ତର ଶକ୍ତି କୁମାର ତ୍ରିପାଠୀ ଙ୍କ ଅଧ୍ୟକ୍ଷତାରେ ଏକ ସାମ୍ୱାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। ଡ଼ାକ୍ତର ପ୍ୟାରୀଲାଲ ତ୍ରିପାଠୀ,ଡ଼ାକ୍ତର  ସୁବଳ କର ଆଇଏମ୍ଏ ର ସଂପାଦକ-ଡ଼ାକ୍ତର ଅର୍ଜୁନ ମେହେର, ଡ଼ାକ୍ତର ପ୍ରବୀଣ ଅଗ୍ରୱାଲ, ଡ଼ାକ୍ତର ଇପ୍ସିତା ଦେବତା, ଡ଼ାକ୍ତର କଲ୍ଲୋଲା ବେଜ୍, ଡ଼ାକ୍ତର ଅଶ୍ଵିନୀ ଭୋଇ,ଶୀତଳ ଅଗ୍ରୱାଲ ପ୍ରମୁଖ ଉପସ୍ଥିତ ଥିଲେ। ଏତେ ବଡ ଘଟଣାକୁ କେନ୍ଦ୍ର ସରକାର ତଥା ରାଜ୍ୟ ସରକାର ହାଲକା ଭାବରେ ନେଉ ଥିବାରୁ କ୍ଷୋଭ ପ୍ରକାଶ କରିଥିଲେ ।ତୁରନ୍ତ ପୀଡ଼ିତା ପରିବାକୁ ନ୍ୟାୟ ମିଳୁ ବୋଲି ସରକାରଙ୍କୁ ଦାବି ଜଣାଇଛନ୍ତି ।