09-Sep-2024

ହରଭଙ୍ଗା(ଦେବବ୍ରତ ଦାଶ):-ବିକାଶର ବିକଳ ଚିତ୍ର । ଗାଁକୁ ଆସିପାରିଲା ନି ଆମ୍ବୁଲାନ୍ସ । ଖଟିଆ ରେ ବୁହା ହେଲେ ରୋଗୀ । ଟିକେ ଭଲରେ ଦେଖନ୍ତୁ ଏ ଦୃଶ୍ୟ । କିଭଳି ଗ୍ରାମବାସୀ ଖଟିଆ ରେ ବୋହି ନେଇ ଯାଉଛନ୍ତି ରୋଗୀ କୁ । ରୋଗୀ କୁ ଖଟିଆ ରେ ବୋହିକି ନେବା ସମୟରେ ଅଧା ରାସ୍ତା ରେ ଅକାଳରେ ଚାଲିଗଲା ବୃଦ୍ଧା ଙ୍କ ଜୀବନ । ସୂଚନାମୁତାବକ ବୌଦ୍ଧ ଜିଲ୍ଲାର ହରଭଙ୍ଗା ବ୍ଲକ ଅନ୍ତର୍ଗତ ରାଶିସାହି ଗ୍ରାମର ଦୁର୍ଯ୍ୟଧନ ନାୟକ ଙ୍କ ମା ଇନ୍ଦୁମତୀ ନାୟକ ଙ୍କ ଦେହ ଅସୁସ୍ଥ ହୋଇ ପଡିବାରୁ ପରିବାର ଲୋକେ ଆମ୍ବୁଲାନ୍ସ କୁ ଖବର ଦେଇଥିଲେ । କିନ୍ତୁ ରାଣୀସାହି ଗାଁ କୁ ପକାରାସ୍ତା ନଥିବାରୁ ଆମ୍ବୁଲାନ୍ସ ଆସିପାରିଲା ନାହିଁ । ଗାଁ ଠାରୁ ଦୂରରେ ଅପେକ୍ଷା କରି ରହିଲା । ଆମ୍ବୁଲାନ୍ସ ଆସି ନ ପରିବାରୁ ଗାଁ ଲୋକେ ଇନ୍ଦୁମତି ଙ୍କୁ ଖଟ କୁ ଦୋଳା କରି ଆମ୍ବୁଲାନ୍ସ ନିକଟକୁ ଆଣିବା ପାଇଁ ପ୍ରୟାସ କରିଥିଲେ । ଗୋଟିଏ ପଟେ ଗାଁ କୁ ରାସ୍ତା ନଥିବା ବେଳେ ଅନ୍ୟପଟେ ଦୋଳରେ ବୋହି ପାହାଡ ରାସ୍ତା ଅତିକ୍ରମ କରି ଆସିବା ରେ ବହୁ ବିଳମ୍ବ ହୋଇଥିଲା । ଫଳରେ ଅଧାରାସ୍ତାରେ ଇନ୍ଦୁମତି ଙ୍କ ଦେହ ଅଧିକ ଅସୁସ୍ଥ ହେବାରୁ ତାଙ୍କର ମୃତ୍ୟୁ ଘଟିଥିଲା । ପରେ ପରିବାର ଲୋକେ ଆମ୍ବୁଲାନ୍ସ ନିକଟରୁ ପୁର୍ନବାର ଇନ୍ଦୁମତି ଙ୍କ ଶରୀର କୁ ଗାଁ କୁ ଫେରାଇ ଆଣିଥିଲେ ଆମ୍ବୁଲାନ୍ସ ଫେରି ଯାଇଥିଲେ । ଯାହାକୁ ନେଇ ଗାଁ ରେ ଏକ ପ୍ରକାର ଶୋକାକୁଳ ପରିବେଶ ସୃଟି ହୋଇଛି । ଅନ୍ୟପଟେ ଗାଁ କୁ ଗୋଟିଏ ପକା ରାସ୍ତା ନିର୍ମାଣ ପାଇଁ ଆଜି ପର୍ଯ୍ୟନ୍ତ ଜିଲ୍ଲା ପ୍ରଶାସନ ନିକଟରେ ଗ୍ରାମବାସୀ ଦାବି କରି ଆସୁଥିଲେ ମଧ୍ୟ କୌଣସି ପ୍ରକାର ସମାଧାନ ହୋଇପାରୁ ନାହିଁ । ଯାହାଫଳରେ ଆଜି ଏଭଳି ଏକ ଦୁଃଖଦ ଘଟଣା ଘଟିଗଲା । ରୋଗୀ କୁ ଠିକ ସମୟରେ ସ୍ୱାସ୍ଥ୍ୟସେବା ନ ମିଳିବାରୁ ଅକାଳ ରେ ଚାଲିଗଲା ବୃଦ୍ଧା ଙ୍କ ଜୀବନ । ଅନ୍ୟପଟେ ପ୍ରତିବର୍ଷ ଏହି ଭଳି ଭାବେ ଆମ୍ବୁଲାନ୍ସ ନ ପରିବାରୁ ବହୁ ରୋଗୀ ଙ୍କ ଜୀବନ ଅକାଳ ରେ ଚାଲିଯାଉଛି ବୋଲି ଗ୍ରାମବାସୀ ସୂଚନା ଦେଇଛନ୍ତି । ଯାହାକୁ ନେଇ ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିବା ବେଳେ ଗାଁ କୁ ଯଥାଶୀଘ୍ର ରାସ୍ତା ନିର୍ମାଣ ପାଇଁ ଦାବି ହୋଇଛି ।