09-Sep-2024

ବରଗଡ଼(ନିରଞ୍ଜନ ତ୍ରିପାଠୀ)-ପଶ୍ଚିମ ଓଡ଼ିଶାର କୃଷିଭିତ୍ତିକ ଗଣପର୍ବ ନୂଆଁଖାଇ ପଶ୍ଚିମାଞ୍ଚଳର ଐତିହାସିକ କିମ୍ବଦନ୍ତୀ ପୂର୍ଣ୍ଣ ତିର୍ଥକ୍ଷେତ୍ର ଶ୍ରୀଶ୍ରୀ  ନୃସିଂହନାଥ ପୀଠରେ ମହାସମାରୋହରେ ପାଳିତ ହୋଇଯାଇଛି।ଏ ପରିପ୍ରେକ୍ଷୀରେ ହଜାର ହଜାର ଭକ୍ତ ଏକତ୍ରିତ ହୋଇ ଜାତି ଧର୍ମ ବର୍ଣ୍ଣ ନିର୍ବିଶେଷରେ ନୂଆଁଖାଇ ପର୍ବ ଅତି ଆନନ୍ଦ ଉଲ୍ଲସିତ ଭାବେ ପାଳନ କରିଥିଲେ। ନୂଆଁଖାଇ ପଶ୍ଚିମଓଡିଶାର ମହାନ ଓ କୃଷିଭିତ୍ତିକ ଗଣପର୍ବ ହୋଇଥିବାରୁ ଯେ ଯେତେ ଦୂରେ ଥାଉନା କାହିଁକି ନୂଆଁଖାଇ ଖାଇବା ପାଇଁ ପହଞ୍ଚି ଥାନ୍ତି ନିଜ ଜନ୍ମମାଟି କୁ। ସ-ପରିବାର ମଧ୍ୟରେ ଦେଖା ଦେଇଥାଏ ଉତ୍ସାହ ଉଦ୍ଦିପନା।ପ୍ରତି ଗାଁ ଠୁ ଆରମ୍ଭ କରି ସହର ମାନଙ୍କରେ ଖୁସିରେ ପାଳନ ହୋଇଛି ନୁଆଁଖାଇ ପର୍ବ।ନୂଆଁ ଶସ୍ୟ ଧାନରୁ ଉତ୍ପନ୍ନ ନବାନ୍ନ ପାଇଁ "ଚୁଡ଼ା" ତିଆରି କରି ନିଜ ନିଜ ଇଷ୍ଟଦେବୀଙ୍କୁ ପ୍ରଥମେ ଅର୍ପଣ କରାଯାଏ।ଏ ଅବସରରେ ପଶ୍ଚିମ ଓଡ଼ିଶାର ପ୍ରାଚୀନ ପ୍ରସିଦ୍ଧ ତୀର୍ଥକ୍ଷେତ୍ର ଶ୍ରୀ ଶ୍ରୀ ନୃସିଂହନାଥ ମନ୍ଦିର ମହାପ୍ରଭୁ ମାର୍ଜାର କେଶରୀଙ୍କ ଠାରେ ଲାଗି ହୋଇଥିଲା ନବାନ୍ନ।ପ୍ରଭୁ ନୃସିଂହ ଠାକୁରଙ୍କୁ ନବାନ୍ନ ଅର୍ପଣ ପରେ ପାର୍ଶ୍ଵ ଦେବାଦେବୀଙ୍କୁ ନବାନ୍ନ ଲାଗି କରା ଯାଇଥିଲା। ଏହା ପରେ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଭକ୍ତମାନେ ଏକାଠି ବସି  ନବାନ୍ନ ଭକ୍ଷଣ କଲେ ।ଆନନ୍ଦ ଉଲ୍ଲାସ ଶାନ୍ତିଶୃଙ୍ଖଳା ସହ ମହାପ୍ରଭୁ ନୃସିଂହନାଥ ପୀଠରେ ନବାନ୍ନ ଭକ୍ଷଣ କରି ନିଜକୁ ଧନ୍ୟ ମନେ କରିଛନ୍ତି ସାଧାରଣ ଜନତା। ନୃସିଂହନାଥ ମନ୍ଦିରରେ ଭଗବାନଙ୍କୁ ବିଶେଷ ପୁଜା କରାଯାଇଥିଲା । ବାଳବ୍ରହ୍ମଚାରୀ ପୂଜକ ମାନେ ମନ୍ଦିରରେ ବିଶେଷ ପୁଜା ପରେ ଭକ୍ତ ମାନଙ୍କୁ ଦର୍ଶନ କରାଇଥିଲେ | ନୃସିଂହ ନାଥ ମନ୍ଦିର କାର୍ଯ୍ୟ ନିର୍ବାହୀ ଅଧିକାରୀ ପୁରୁଷୋତ୍ତମ ପ୍ରଧାନ ଅନେକ ଭକ୍ତ, ଶ୍ରଦ୍ଧାଳୁ ଏକତ୍ରିତ ହୋଇ ବହୁତ ସୁନ୍ଦର ଭାବେ ନୁଆଁଖାଇ ପର୍ବ ପାଳନ କରିଥିବାରୁ ଅଞ୍ଚଳବାସୀଙ୍କୁ ନୂଆଁଖାଇ ଜୁହାର କରିବା ସହ ଅଶେଷ ଅଶେଷ ଧନ୍ୟବାଦ ସହ ଶୁଭେଚ୍ଛା ଜଣାଇଛନ୍ତି।