09-Sep-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ ବର୍ତୁଣ୍ଡା ଉଚ୍ଚ ବିଦ୍ୟାଳୟର ନବମ ଶ୍ରେଣୀରେ ପାଠ ପଢ଼ୁଥିବା ଛାତ୍ର,ନିଲାଥର ଗ୍ରାମର ଶ୍ରୀଯୁକ୍ତ ଲୋକନାଥ ସାହୁଙ୍କ ପୁତ୍ର ଶ୍ରୀ ଧବଳେଶ୍ବର ସାହୁଙ୍କୁ ନେଇ ଏବେ ଖୁବ ଚର୍ଚ୍ଚାର ଖିଅ ପାଲଟିଛି  । କାରଣ ଧବଳେଶ୍ବର ଯିବେ ସୁଦୂର ଗୁଜୁରାଟ। କେନ୍ଦ୍ର ସରକାରଙ୍କ ପ୍ରେରଣା କାର୍ଯକ୍ରମ ମାଧ୍ୟମରେ ୩୧ ନମ୍ବର ବେଚରେ ଓଡିଶାରୁ ମାତ୍ର ଦୁଇ ଜଣ ଛାତ୍ର ଙ୍କୁ ଚୟନ କରାଯାଇଛି । ସେ ଭିତରେ ଧବଳେଶ୍ବର ଜଣେ । ଆସନ୍ତା ଅକ୍ଟୋବର ମାସ ୬ ତାରିଖ ଦିନ,ବରଗଡ଼ ଜିଲ୍ଲା ଶିକ୍ଷା ଅଧିକାରୀଙ୍କ ପ୍ରତାକ୍ଷ ତତ୍ୱବାଧାନରେ ଧବଳେଶ୍ବର ଗୁଜୁରାଟ ସ୍ଥିତ ବଡ଼ନଗତ ଅଭିମୁଖେ ଯାତ୍ରା କରିବେ।ସେଠାରେ ସେ ୧୦ ଦିନ ଧରି ବିଭିନ୍ନ ସ୍କୁଲରେ ଅଧ୍ୟୟନ କରବା ସହିତ ଅନେକ କିଛି ଶିଖିବାର ସୁଯୋଗ ମଧ୍ୟ ପାଇବେ । ଧବଳେଶ୍ବରଙ୍କ ସଫଳତା ପାଇଁ  ବିଦ୍ୟାଳୟର ସମସ୍ତ ଶିକ୍ଷକ,ସ୍ଥାନୀୟ ଲୋକେ, ଅଞ୍ଚଳର ଅନେକ ମାନ୍ୟଗଣ୍ୟ ବ୍ୟକ୍ତି ତାଙ୍କୁ ଶୁଭେଚ୍ଛା ଜଣାଇବା ସହିତ ତାଙ୍କର ଉଜ୍ବଳ ଭବିଷ୍ୟତ କାମନା କରିଛନ୍ତି।