08-Sep-2024

ହରଭଙ୍ଗା(ଦେବବ୍ରତ ଦାଶ):-ଆଜି ହେଉଛି ପଶ୍ଚିମ ଓଡିଶା ର କୃଷିଭିତ୍ତିକ ଗଣପର୍ବ ନୁଆଁଖାଇ ।  ଏଥିପାଇଁ ଏବେ ସାରା ପଶ୍ଚିମ ଓଡିଶା ବେଶ ଚଳ ଚଂଚଳ ହୋଇଉଠିଥିବା ବେଳେ ବୌଦ୍ଧ ଜିଲ୍ଲା ମଧ୍ୟ ଉତ୍ସବମୁଖର ହୋଇ ଉଠିଛି  ।  ଆଜି ଚାଷୀ ଟିଏ ବର୍ଷର ପହିଲି ଶସ୍ୟକୁ ନିଜର ଇଷ୍ଟଦେବୀ ଙ୍କ ନିକଟରେ ଅର୍ପଣ କରିଛି । ସକାଳୁ ସକାଳୁ ବୌଦ୍ଧ ଇଷ୍ଟଦେବୀ ମା ଭୈରବୀଙ୍କ ପୂଜାର୍ଚ୍ଚନା ସରିବା ପରେ ମା ଙ୍କ ନିକଟରେ ନିର୍ଦ୍ଧାରିତ ସମୟ ନିର୍ଘଣ୍ଟ ୯.୪୨ ରୁ ୯.୫୭ ମଧ୍ୟରେ ନୂତନ ଧାନ ରେ ପ୍ରସ୍ତୁତ କ୍ଷୀରି ନବାଅର୍ନ ରୂପେ ଲାଗି ହୋଇଥିଲା । ପୂଜା ସରିବା ପରେ ଭକ୍ତମାନେ ଏକାଠି ମିଶି ମା ଙ୍କ ବେଢା ରେ ନବାଣ୍ଣ ଭକ୍ଷଣ କରିଥିଲେ । ପରେ ବିଭିନ୍ନ ଗାଁ ର ଗ୍ରାମଠାକୁରାଣୀ ଙ୍କ ଠାରେ ନୂଆଁ ଲାଗିଥିବା ବେଳେ ଅଞ୍ଚଳବାସୀ ନୂଆଖିଆ ଆରମ୍ଭ କରିଥିଲେ । ବିଶେଷ କରି କଣ୍ଟାମାଳ ବୌଦ୍ଧ ଅଞ୍ଚଳ ର ବହୁ ପରିବାର ଆଜି ଏକାଠି ମିଶି ନୂଆ ଖାଇଥିଲେ। ଅନ୍ୟପଟେ ଦୂର ରେ ଥିବା ସମସ୍ତ ବନ୍ଧୁବାନ୍ଧବ ଘରକୁ ଆସିଥିବାରୁ ନା ନା ରକମର ପିଠା ଖାନାଖଯାନା ର ମହକ ରେ ଫାଟି ପଡୁଛି ଗାଁ ଦାଣ୍ଡ। ସମସ୍ତେ ନୂଆଖାଇ ସରିବା ପରେ ଅଞ୍ଚଳ ରେ ଆରମ୍ଭ ହୋଇଛି ନୂଆଖାଇ ଭେଟଘାଟ କଯ୍ୟକ୍ରମ । ଯେଉଁଥିରେ ବଡ଼ ମାନଙ୍କ ଠାରୁ ପାଦ ତଳେ ମୁଣ୍ଡିଆ ମାରି ସାନ ମାନେ ଆଶୀର୍ବାଦ ଗ୍ରହଣ କରିବେ । ଏହି ଦିନ ରେ ଲୋକେ ନିଜର ଶତ୍ରୁତା ଭୁଲି ଏକାଠି ବସି ନୂଆଖାଇ ଥାନ୍ତି ବୋଲି ସ୍ଥାନୀୟ ବାସିନ୍ଦା କହିଛନ୍ତି ।