08-Sep-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ )  କନ୍ଧମାଳ ଜିଲ୍ଲା ଫୁଲବାଣୀ ସଦର ବ୍ଲକ ଅନ୍ତର୍ଗତ ବିଶିପଡା ଗ୍ରାମପଂଚାୟତ ରେ ଅଗଷ୍ଟ 5 ତାରିଖରୁ ମହିଳାମାନେ ସୁଭଦ୍ରା ଯୋଜନା ଆବେଦନ କରିବା ପାଇଁ ପ୍ରଶାସନ ତରଫରୁ ପଂଚାୟତ କାର୍ଯ୍ୟାଳୟ ରେ ସିଂଗିଲ ଉୟିଣ୍ଡୋ ୱେବସାଇଟ ର ବ୍ୟବସ୍ଥା କରାଯାଇଛି,ହେଲେ ସେହି ସିଂଗିଲ ଉୟିଣ୍ଡୋ କେନ୍ଦ୍ର ରେ ସରଭାଇବର ଡାଉନ ରହୁଥିବା ଯୋଗୁଁ ଆବେଦନ ପ୍ରକ୍ରିୟା ରେ ଅହେତୁକ ବିଳମ୍ବ ହେଉଛି | ଯାହା ଫଳରେ ଦିନକୁ ମାତ୍ର ହାତ ଗଣତି ଦୁଇରୁ ତିନି ଜଣ ଙ୍କର ଆବେଦନ ହେଇପାରୁଛି କି ନାହିଁ ସନ୍ଦେହ | ଏଭଳି କ୍ଷେତ୍ରରେ ସହସ୍ରାଧିକ ମହିଳା ମାନେ ପଂଚାୟତ କାର୍ଯ୍ୟାଳୟ କୁ ଆସି ଘଣ୍ଟା ଘଣ୍ଟା ଧରି ଅପେକ୍ଷା କରି ଶେଷରେ ନିରାଶ ହୋଇ ଘରକୁ ଫେରିଯିବାର ଦେଖିବାକୁ ମିଳିଛି  | ଏଭଳି ପରିସ୍ଥିତି ରେ ୱେବ ସାଇଟ ରେ ପଞ୍ଜିକରଣ କରିବାକୁ ନିୟୋଜିତ ହୋଇଥିବା କର୍ମକର୍ତ୍ତା ମାନଙ୍କ କମ୍ପ୍ୟୁଟର ଚାଳନା ରେ ସିଦ୍ଧହସ୍ତ ବା ଅନଭିଂଜ୍ଞ ଡାଟା ଏଣ୍ଟ୍ରି କର୍ମକର୍ତ୍ତା ମାନଙ୍କ ପାଇଁ ଆଉ ଗୋଟାଏ ଅସୁବିଧା କେନ୍ଦ୍ରରେ ଦେଖିବାକୁ ମିଳୁଛି |  ଏଣେ ସୁଭଦ୍ରା ଯୋଜନା ପ୍ରଥମ କିସ୍ତି ଅର୍ଥ ରାଶି ହାତେଇବା ପାଇଁ ମହିଳା ମାନଙ୍କ ମନରେ ଏକ ପ୍ରକାର ଚଞ୍ଚଳତା ଦେଖିବାକୁ ମିଳୁଥିବା ବେଳେ ସିଂଗିଲ ଉୟିଣ୍ଡୋ କେନ୍ଦ୍ର ଗୁଡିକରେ ଏଭଳି ଅସୁବିଧା ଦେଖା ଦେଉଥିବା ଯୋଗୁଁ ସେମାନଙ୍କ ଉତ୍ସାହ ଆଗ୍ରହରେ  ଭଟା ପଡିଯାଉଛି | ସକାଳ 6 ଘଟିକାରୁ ଆସି ରାତ୍ରି  10 ଟା ପର୍ଯ୍ୟନ୍ତ ଅପେକ୍ଷା କରିବାକୁ ପଡୁଛି, ଓ ଶେଷରେ ଅପେକ୍ଷା ରତ ମହିଳା ମାନେ ତୀବ୍ର ଆସନ୍ତାଷ ପ୍ରକାଶ ନିରାଶ ହୋଇ ଘରକୁ ଫେରିଯାଉଥିବା ଦେଖିବାକୁ ମିଳୁଛି |  ସତରେ ରାଜ୍ୟ ସରକାର ଯଦି ସୁଭଦ୍ରା ଯୋଜନା ମାଧ୍ୟମରେ ଆର୍ଥିକ ସହାୟତା ପ୍ରଦାନ କରି ମହିଳା ମାନଙ୍କ ଆର୍ଥିକ କ୍ଷେତ୍ରରେ ପ୍ରଗତି ଆଣିବାକୁ ଚାଁହୁଚନ୍ତି ତାହେଲେ    ବ୍ୟବସ୍ଥିତ ସିଂଗିଲ ଉୟିଣ୍ଡୋ କେନ୍ଦ୍ର ଗୁଡିକରେ ଦେଖାଦେଉଥିବା ଦୂର ସଂଚାର ବା ସର୍ଭାଇବର ବ୍ୟବସ୍ଥାକୁ ସୁଦୃଢ କରିପାରିଲେ  ଦୈନନ୍ଦିନ ଶତାଧିକ ମହିଳା ମାନେ ଆବେଦନ କରିପରିବା ସହିତ ସରକାର ଙ୍କର ସୁଭଦ୍ରା ଯୋଜନା ସଫଳ ହୋଇପାରିବ ବୋଲି ଜନସାଧାରଣ ରେ ଆଲୋଚନା ହେଉଛି | ଏଣୁ  ଅଳ୍ପ ସମୟ ଭିତରେ ଯେମିତି ଅଧିକା ମହିଳା ମାନେ ସିଂଗିଲ ଉୟିଣ୍ଡୋ କେନ୍ଦ୍ର ଗୁଡିକରେ ନିଜ ନାମକୁ ପଞ୍ଜିକରଣ କରିପାରିବେ ଓ ସରକାର ଙ୍କର ସୁଭଦ୍ରା ଯୋଜନା ପାଇପାରିବେ ସେଥିପ୍ରତି ଦାୟିତ୍ୱରେ ଥିବା ଜିଲ୍ଲା ପ୍ରଶାସନର ଅଧିକାରୀ ମାନେ ଧ୍ୟାନ ଦେଲେ, ଦୈନିକ ଶତାଧିକ ମହିଳା ଆବେଦନ କରି ପାରିବା ସହିତ ସରକାର ଙ୍କର ଯୋଜନା ମଧ୍ୟ୍ୟ ସଫଳ ହୋଇପାରିବ |  ଅବଶ୍ୟ ସୁଭଦ୍ରା ଯୋଜନା ପାଇ ଶେଷ ତାରିଖ ନିର୍ଧାରଣ କରାଯାଇ ନ ଥିବା ବିଷୟରେ ମାନ୍ୟବର ଉପମୁଖ୍ୟନ୍ତ୍ରୀ ଶ୍ରୀମତୀ ପ୍ରଭାତୀ ପରିଡା ଘୋଷଣା କରିସାରିଛନ୍ତି | ଯାହାକି ଆବେଦନ କାରି ମହିଳା ମାନଙ୍କୁ ଟିକିଏ ଆଶ୍ବସ୍ତି ଆଣି ଦେଇଥିବା ଵି ଜାଣିବାକୁ ମିଳିଛି |
     ସିଂଗିଲ ଉୟିଣ୍ଡୋ କେନ୍ଦ୍ର ଗୁଡିକରେ ଦେଖା ଦେଇଉଥିବା ବୈଷୟିକ ତ୍ରୁଟିକି କିଭଳି ସୁଧାର ଅଣାଯାଇପାରିବ ସେଥିପ୍ରତି ଫୁଲବାଣୀ ଗୋଷ୍ଠୀ ଉର୍ନ୍ନୟନ ଅଧିକାରୀ  ଫୁଲବାଣୀ ଶ୍ରୀ ପ୍ରତୀକ କୁମାର ସାହୁ ଓ ଜିଲ୍ଲାପାଳ ଶ୍ରୀ ଅମୃତ ଋତୁରାଜ  ବଳିଷ୍ଠ ପଦକ୍ଷେପ କରି ଦୈନିକ ଶତାଧିକ ମହିଳା ମାନଙ୍କୁ ଆବେଦନ କରିବା ପାଇଁ ବ୍ୟବସ୍ତା ଗ୍ରହଣ କରନ୍ତୁ ବୋଲି  ପଂଚାୟତ ବାସି ଅନୁରୋଧ ରଖିଛନ୍ତି | ଦେଖାଯାଉ ଏଭଳି ସିଂଗିଲ ଉୟିଣ୍ଡୋ କେନ୍ଦ୍ର ଗୁଡିକର ଅବସ୍ଥା କେବେ ସୁଧୁରୁଚି ଓ ଦୈନନ୍ଦିନ ଶତାଧିକ ମହିଳା ସୁଭଦ୍ରା ଯୋଜନା ଫର୍ମ ଅନଲାଇନ ପୂରଣ କରି ଲାଭବାନ ହୋଇପାରୁଛନ୍ତି ତାହା ତ ଆଗକୁ ଜଣା ପଡିବ |