06-Sep-2024

ବରଗଡ଼/ଅମ୍ବାଭୋନା:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ  ଭୁକ୍ତା ସ୍ଥିତ ଜନତା ସରକାରୀ ଉଚ୍ଚ ବିଦ୍ଯାଳୟରେ ମହାନ ଦାର୍ଶନିକ ଡକ୍ଟର ସର୍ବପଲ୍ଲୀ ରାଧାକ୍ରିଷ୍ଣନଙ୍କ ପବିତ୍ର ଜନ୍ମତିଥି ଗୁରୁ ଦିବସ ଭାବରେ ପାଳିତ ହୋଇଯାଇଛି । ଏହି ଅବସରରେ ବିଦ୍ୟାଳୟର ପ୍ରଧାନ ଶିକ୍ଷକ ଦୁର୍ଗାପ୍ରସାଦ ନାୟକଙ୍କ ଅଧ୍ୟକ୍ଷତାରେ ଆୟୋଜିତ ଏକ ବୈଠକରେ ପ୍ରଥମେ ବିଦ୍ୟାଳୟର ଶିକ୍ଷକ ଓ ଶିକ୍ଷୟିତ୍ରୀଙ୍କ ସମେତ ଛାତ୍ରଛାତ୍ରୀମାନେ ଡକ୍ଟର ସର୍ବପଲ୍ଲୀ ରାଧାକ୍ରିଷ୍ଣନଙ୍କ  ଫଟୋଚିତ୍ରରେ ଦୀପ ପ୍ରଜ୍ଜ୍ୱଳନ ପୂର୍ବକ ପୁଷ୍ପମାଲ୍ୟ ଅର୍ପଣ କରିଥିଲେ । ଏହାପରେ ବିଦ୍ୟାଳୟର ଶିକ୍ଷାର୍ଥୀମାନଙ୍କଦ୍ବାରା ଗୁରୁ ପୂଜନ କରାଯାଇଥିଲା।ଏହି ଅବସରରେ ରାଧାକ୍ରିଷ୍ଣନଙ୍କ ଜୀବନୀ  ଉପରେ ଶିକ୍ଷାର୍ଥୀମାନଙ୍କ ମଧ୍ୟରୁ ହର୍ଷିତା ସାହୁ,ଜାଗୃତି ପଟେଲ,ପ୍ରିୟଦର୍ଶନୀ ଦେହେରୀ, ପିଆ ପଟେଲ ଶ୍ରୁତି ବଗର୍ତ୍ତି,ଗୋମତୀ ଗଡତିଆ, ନିକିତା, ହୀନା ସା, କରନ୍ ପଟେଲ, ଲିପସାମୟୀ ସା, ନିଜର ବକ୍ତବ୍ୟ ରଖିଥିଲେ। ଛାତ୍ରୀମାନଙ୍କ ମଧ୍ୟରୁ ରୋଶନୀ, ହୀନା, ଶ୍ବେତା, ତମନ୍ନା, ଯସ୍ମିନ, ମାନସୀ, ଦୀପାଞ୍ଜଳୀ, ସୁଲେଶା, ନିକିତା, ବିଜିତା, ପ୍ରକୃତି ଏବଂ ଶିବାନୀ ଗୁରୁ ଭକ୍ତି ଉପରେ ଆଧାରିତ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ମୁଖ୍ୟ ଅତିଥି ଭାବରେ ମହିମା ଧର୍ମର ସିଦ୍ଧ ସାଧୁ କାହ୍ନା ଦାସ ନିଜର ଭାବ ଗର୍ଭକ ବକ୍ତବ୍ୟ ଉପସ୍ଥାପନ କରିଥିଲେ।ବିଦ୍ଯାଳୟର ଶିକ୍ଷକ ଶ୍ରୀପତି ସାହୁ,ସଂଜୟ ଖମାରୀ, ତେଜରାମ ସା, ଜ୍ୟୋତିଶ୍ଚନ୍ଦ୍ର ପଧାନ ,ଅଙ୍କିତ ମହନ୍ତ, ସୁବାସ ଚନ୍ଦ୍ର ଖମାରୀ,ଅମୂଲ୍ୟ ଭୋଇ,ଈଶ୍ୱର ପଧାନ, ଆଶୁତୋଷ ଭୋଇ,ରଂଜିତ ସାହୁ ,ବୋଧରାମ ବିଶ୍ବାଳ, ଅଶୋକ ଦାସ, ଅମୂଲ୍ୟ ଭୋଇ,ପଦ୍ମଲୋଚନ ବିଶି, ପ୍ରଶାନ୍ତ ମହାପାତ୍ର,ଆଲୋକ ଭୋଇ,ସୌଦାମିନୀ ବାରିକ, ରାଜକୁମାରୀ ଭୁଏ, ସରିତା ପଟେଲ, ରଂଜୁ ବଣିଆ, ତାରାବତୀ ସାହୁ, ଭାରତୀ ସେଠ,ରୁକୁଣୀ ସେଠ, ଅନୀଲ ସିଦାର, ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷ ସାନନ୍ଦ ଦେହେରୀ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ । ସଂସ୍କୃତ ଶିକ୍ଷକ ଶ୍ରୀପତି ସାହୁ ସଭା କାର୍ଯ୍ଯ ପରିଚାଳନା କରିଥିବା ବେଳେ ବିଜ୍ଞାନ ଶିକ୍ଷକ ସଂଜୟ  ଖମାରୀ ଧନ୍ୟବାଦ୍ ଅର୍ପଣ କରିଥିଲେ।