06-Sep-2024

ବିଜେପୁର(ନିରଞ୍ଜନ ତ୍ରିପାଠୀ)-ସରସ୍ଵତୀ ଶିଶୁ ବିଦ୍ୟା ମନ୍ଦିର ବିଜେପୁରରେ ଗୁରୁଦିବସ ପାଳନ ହୋଇଯାଇଛି । ପ୍ରଧାନ ଆଚାର୍ଯ୍ୟ ଗୋକୁଳ ଚନ୍ଦ୍ର ଷଡ଼ଙ୍ଗୀ ଅତିଥି ପରିଚୟ ଓ ଉଦ୍ଦେଶ୍ୟ ଜ୍ଞାପନ କରିଥିଲେ । ମୁଖ୍ୟ ଅତିଥି ଭାବେ ବିଦ୍ୟାଳୟ ପରିଚାଳନା ସମିତିର ସମ୍ପାଦକ ଡାକ୍ତର ସୁଦାମ ଚରଣ ପଧାନ ଭାରତର ଦ୍ଵିତୀୟ ରାଷ୍ଟ୍ରପତି ଡ.ସର୍ବପଲ୍ଲୀ ରାଧାକୃଷ୍ଣନଙ୍କ ଫଟୋରେ ମାଲ୍ୟାର୍ପଣ କରିଥିଲେ । ଆଚାର୍ଯ୍ୟ ଗଙ୍ଗାଧର ମିଶ୍ର ଗୁରୁର ଗୌରବାବହ ଐତିହ୍ୟ ଓ ପରମ୍ପରା ସଂପର୍କରେ ବୌଦ୍ଧିକ ପ୍ରଦାନ କରିଥିଲେ । ଅବସରପ୍ରାପ୍ତ ଶିକ୍ଷୟିତ୍ରୀ ପ୍ରମୋଦିନୀ ସାହୁଙ୍କୁ ଉପଢ଼ୌକନ ଦେଇ ଗୁରୁ ପୂଜନ କରାଯାଇଥିଲା । ଶିଶୁ ଭାଇଭଉଣୀଙ୍କ ଦ୍ୱାରା ବିଦ୍ୟାଳୟର ଗୁରୁଜୀ ଗୁରୁମା ପୂଜନ ହୋଇଥିଲେ । ଆଚାର୍ଯ୍ୟା ମନ୍ଦାକିନୀ ସାହୁ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ସହ-ପ୍ରଧାନ ଆଚାର୍ଯ୍ୟ ସଦାନନ୍ଦ ପଧାନ ଧନ୍ୟବାଦ ଅର୍ପଣ କରିଥିଲେ।