29-Aug-2024

ରାୟଗଡ଼ା (ସୁପ୍ରିୟା ଷଡଙ୍ଗୀ): ଲେବର କମିଶନର ଓଡିଶା, ଭୁବନେଶ୍ୱରଙ୍କ ଚିଠିରେ ଲେଖାଅଛି, ପ୍ରତି  ୧୫ଦିନରେ ନିର୍ମାଣ ଶ୍ରମିକ ମାନଙ୍କୁ ସହାୟତା ପ୍ରଦାନ କରିବାଯିବା ପାଇଁ l ତଦନୁଯାଇ ଆମ ପାଖ ଗଜପତି ଜିଲ୍ଲାରେ ୨୫/ ୦୭/୨୪ ତାରିଖରେ ପଞ୍ଜିକୃତ ନିର୍ମାଣ ଶ୍ରମିକ ମାନଙ୍କୁ ମୃତ୍ୟୁକାଳିନ, ବିବାହ, ଏବଂ ପିଲାଙ୍କ ଶିକ୍ଷା ସହାୟତା ବଣ୍ଟନ କରାଯାଇଥିଲା l ଏବଂ ଆଜି ସୁଦ୍ଧା ଦ୍ୱତୀୟ ଥର ବଣ୍ଟନ ପାଇଁ ସେହି ଜିଲ୍ଲାରେ ଲିଷ୍ଟ ତିଆରି ଚାଲିଛି l କିନ୍ତୁ ସମାନ ଅଫିସ ଆମ ରାୟଗଡା ଜିଲ୍ଲାରେ ଥାଇ ଦୀର୍ଘ ୨ମାସ ୧୫ଦିନ ବିତିଯାଇଥିଲେ ମଧ୍ୟ, ନିର୍ମାଣ ଶ୍ରମିକମାନଙ୍କୁ  ସହାୟତା ପ୍ରଦାନ କରିବାକୁ ଆମ ଜିଲ୍ଲାର ଶ୍ରମ ଅଧିକାରୀ କର୍ଣ୍ଣପାତ କରୁନାହନ୍ତି l ମୃତ୍ୟୁ କାଳିନ ଏବଂ ଅନ୍ୟାନ୍ୟ ସହାୟତା ଦରଖାସ୍ତ ଗୁଡିକ ବହୁ ସଂଖ୍ୟାରେ ଅଫିସରେ ପଡ଼ି ରହିଥିଲେ ମଧ୍ୟ ତାହା ସେମାନେ କିଛି କରୁନାହାନ୍ତି l ୧୫୦୦ ଟଙ୍କା କରୋନା ସହାୟତା ଆଜିପର୍ଯ୍ୟନ୍ତ ପ୍ରାୟ ୭୦୦୦  ନିର୍ମାଣ ଶ୍ରମିକ ପରିବାର ପାଇ ପାରି ନାହାନ୍ତି l ସେଥିପ୍ରତି ଜିଲ୍ଲା ଶ୍ରମ ଅଧିକାରୀ ନିରବ ରହି କିଛି ଶୁଣୁ ନାହାନ୍ତି l ଦୀର୍ଘ ଦିନ ହେବ ଏପରିକି ପ୍ରାୟ ୧ ବର୍ଷ ହେବ ଜିଲ୍ଲାର ଜିଲ୍ଲା-ଶ୍ରମ ଅଧିକାରୀ ଅଥବା ଜିଲ୍ଲା ସହ-ଶ୍ରମ ଅଧିକାରୀ ଶ୍ରମିକ ମାନଙ୍କ ରିନିୱାଲ,ପ୍ରୋଫାଇଲ ଅପ-ଟୁ-ଡେଟ ଏପ୍ରୁଭାଲ କରୁନାହାନ୍ତି l ରେଜିଷ୍ଟର ଅଫିସର ମାନେ ମଧ୍ୟ ପ୍ରତ୍ୟେକ ବ୍ଲକକୁ ଯିବା କଥା କିନ୍ତୁ ଆମ ଜିଲ୍ଲାରେ ଅଫିସର ମାନେ ଯାଉନାହାନ୍ତି l ଜିଲ୍ଲା ଶ୍ରମ ଅଧିକାରୀ ଅଫିସରେ ବସି ନିର୍ମାଣ ଶ୍ରମିକ ମାନଙ୍କୁ ଅଫିସକୁ ଡାକୁଛନ୍ତି l ଅଥଚ ମୃତ୍ୟୁ କାଳିନ ସହାୟତାର  ଇନ୍ କ୍ଵାରି  କରୁନାହାନ୍ତି l ଫଳରେ ନୋମିନି ମାନେ ସହାୟତା ପାଇଁ ବାରଂବାରଂ ଜିଲ୍ଲା ଶ୍ରମଅଧିକାରୀଙ୍କ କାର୍ଯ୍ୟାଳକୁ ଦୌଉଡ଼ୁଛନ୍ତି l ଏବଂ ଜିଲ୍ଲା ଶ୍ରମଅଧିକାରୀ ଏ ବିଷୟରେ ମାସେ-ଦୁଈ ମାସେ ପରେ ଚିନ୍ତା କରିବା କହୁଛନ୍ତି l ଏହିପରି ଅନୁରୂପ କାର୍ଯ୍ୟକ୍ରମ ଗୁଡିକ ହେଉଛି l ତେଣୁ ଆମର କହିବାର କଥା ଏହି ୧୫ ଦିନ ଭିତରେ ସମସ୍ତ ସହାୟତା ଦିଆଯାଉ l ମୃତ୍ୟୁ ପରେ ନିର୍ମାଣ ଶ୍ରମିକ ମାନଙ୍କ ନାମ ରେଜିଷ୍ଟ୍ରସନ କରି ପୂର୍ଵ ଜିଲ୍ଲାଶ୍ରମ ଅଧିକାରୀ ଜସ୍ମନି ଶୁଭ୍ର ଦର୍ଶନି ସାହୁ ନିଲମ୍ବିତ ହୋଇଛନ୍ତି,ବର୍ତ୍ତମାନର ଜିଲ୍ଲା ସହଶ୍ରମ ଅଧିକାରୀ  ସଞ୍ଜୟ କୁମାର ରାଉତ ମଧ୍ୟ ତାଙ୍କ ପରି ଅନୁରୂପ ମୃତ୍ୟୁପରେ ରେଜିଷ୍ଟ୍ରସନ କାର୍ଯ୍ୟ କରୁଛନ୍ତି ତେଣୁ ତାଙ୍କ ପାଇଁ କଣ ଉପହାର ଅଛି ଦେଖାଯାଉ l