29-Aug-2024

ନବରଙ୍ଗପୁର  (ମିହିର ଶଙ୍କର ପାତ୍ର,)
ଡାବୁଗାଁ କୃଷି ଫାର୍ମ ନିକଟରେ ଗ୍ରାମରକ୍ଷୀଙ୍କ ଦରମା ବୃଦ୍ଧିପାଇଁ ଗୁରୁତ୍ୱ ପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି।
ଏହି ବୈଠକରେ ଡାବୁଗାଁ ବ୍ଲକ ତଥା ଆଖପାଖ ବ୍ଲକରୁ ଶହେରୁ ଉର୍ଦ୍ଧ ଗ୍ରାମରକ୍ଷୀ ଉପସ୍ଥିତି ଥିଲେ। ସେମାନଙ୍କ ମୁଖ୍ୟ ପ୍ରସଙ୍ଗ ଥିଲା ଦରମା ବୃଦ୍ଧି। ସେମାନଙ୍କୁ ମାସକୁ ମିଳୁଛି ମାତ୍ର ୧୮ ଶହ ଟଙ୍କା, ତାହାବି କୌଣସି ଗୁରୁତ୍ୱ ପୂର୍ଣ୍ଣ କାମ ପଡିଲେ ଯଦି ଯେଉଁଦିନ ସେମାନଙ୍କ କାମ ପଡ଼ିନଥିବ  ତାହେଲେ ୪୫୦ ଟଙ୍କା କଟା ଯାଉଛି। ଆଜିକୁ ୬ବର୍ଷ ହେବ ଟଙ୍କାଟିବି ବଢିନି ଭତ୍ତା ପଇସା। ଏବିଷୟରେ ସେମାନେ ହଇକୋର୍ଟ ର ମଧ୍ୟ ଦ୍ୱାରସ୍ଥ ହୋଇ ସାରିଲେଣି କିନ୍ତୁ କୋଣସି ସୁଫଳ ମିଳୁନି ବର୍ତ୍ତମାନ ପର୍ଯ୍ୟନ୍ତ।ସରକାରୀ ଚାକିରୀ କରୁଥିବା କର୍ମଚାରୀ ମାନେ ଯେଭଳି ନିର୍ଦ୍ଧିଷ୍ଟ ସମୟରେ ଦରମା ପାଉଛନ୍ତି ସେଭଳି ଗ୍ରାମରକ୍ଷୀ ମାନଙ୍କୁ ମଧ୍ୟ ଦରମା ଦିଆଯାଉ ଏଵଂ ଦିନକୁ ୫ଶହ ଟଙ୍କା ହିସାବରେ ମାସକୁ ୧୫ ହଜାର କରାଯାଉ କିନ୍ତୁ ଏବିଷୟରେ ବାରମ୍ବାର ଦାବି ଦେବା ପରେ ମଧ୍ୟ କୌଣସି ଫଳ ମିଳୁ ନାହିଁ।  ସଙ୍ଘ ଆଗାମୀ ଦିନରେ ନୂତନ ସରକାରଙ୍କୁ ଦାବି ଜଣାଇବେ  ବୋଲି  ନିଷ୍ପତ୍ତି ନେଇଛନ୍ତି ।