28-Aug-2024

ବଲାଙ୍ଗୀର (ପ୍ରେରଣା ଖବର): ବଲାଙ୍ଗୀର ମାହେଶ୍ୱରୀ ସ୍ବେଚ୍ଛାସେବୀ ସଂଗଠନର ସ୍ଵଚ୍ଛତା ସମ୍ପର୍କିତ ସଚେତନତା କାର୍ଯ୍ୟକ୍ରମ 'ସ୍ଵଚ୍ଛତା ଓ ସଂଯମତା' ବିଗତ ଜୁନ ମାସ ଠାରୁ ଆରମ୍ଭ ହୋଇ ବଲାଙ୍ଗୀର ଓ ଟିଟିଲାଗଡ଼ର ସମସ୍ତ ୱାର୍ଡ ତଥା ବିଭିନ୍ନ ପଞ୍ଚାୟତରେ ବ୍ୟାପକ ଭାବରେ ଜାରିରହିଛ। ମୁଖ୍ୟତଃ ମହିଳା ମାନଙ୍କ ସ୍ଵାସ୍ଥ୍ୟ ଏବଂ କିଭଳି  ସୁସ୍ଥ ପରିବେଶ ଏବଂ ସ୍ଵାସ୍ଥ୍ୟ ଉଭୟ ପରିପୁରକ ଏହି ବାର୍ତ୍ତା  ଲୋକଙ୍କୁ ପହଞ୍ଚାଇବାକୁ ଏହି କାର୍ଯ୍ୟକ୍ରମ ହାତକୁ ନେଇଥିବା ସଂଗଠନ ପକ୍ଷରୁ ସୁଚନା ମିଳିଛି।ଏ ସଂପର୍କିତ ଆଲୋଚନା କରିବା ପାଇଁ ମାନ୍ୟବର ସ୍ଵାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗଙ୍କୁ ପରିଚାଳନା ନିର୍ଦ୍ଦେଶକ ଅଙ୍କୁଶ କୁମାର ପାଣ୍ଡିଆ, ସଭାପତି ଶୋଭନ ଅଗ୍ରୱାଲ,ସକ୍ରିୟ ସଦସ୍ୟ ତୁଷାର ରଞ୍ଜନ ଦାସ, ବିବେକାନନ୍ଦ ପଟେଲ  ସାକ୍ଷାତକରି ଆଲୋଚନା କରିଛନ୍ତି। ମାନ୍ୟବର ମନ୍ତ୍ରୀ ସରକାରୀ ସ୍ତରରେ ସମସ୍ତ ସୁବିଧା ଯଥା ସମ୍ଭବ ଚେଷ୍ଟା କରିବେ ବୋଲି କହିଛନ୍ତି। ମହିଳା ମାନଙ୍କ ସ୍ଵଚ୍ଛତା ପ୍ରତି ଏହି ଅଭିଯାନ କୁ ଗୁରୁତ୍ଵ ଦେଇ ଓଡ଼ିଶା ର ସବୁ ଜିଲ୍ଲାରେ ଏହି ସାମାଜିକ ବାର୍ତ୍ତାକୁ ବିସ୍ତାର କରିବେ ବୋଲି କହିଛନ୍ତି।