27-Aug-2024

ବୋଡ଼େନ (ରାମନାଥ ପଣ୍ଡା)ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ତରାପୁର ପ୍ରାଥମିକ  ବିଦ୍ୟାଳୟର ଶିକ୍ଷକ ସୁରେଶ କୁମାର ମୁଣ୍ଡଙ୍କୁ ଆଜି ଅବସର କାଳୀନ ବିଦାୟ ସମ୍ବର୍ଦ୍ଧନା ଜଣାଇଥିଲେ କ୍ଲଷ୍ଟରର ସମସ୍ତ ଶିକ୍ଷକ । ତରାପୁର ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଅଙ୍କନ ସିଂ ମାଝୀଙ୍କ ସଭାପତିତ୍ବରେ ଆୟୋଜିତ ଏହି ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି  ରୂପେ ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ରେଶ୍ବର ମେହେର ଅଳଙ୍କୃତ ଥିବାବେଳେ ମୁଖ୍ୟ ବକ୍ତା ଭାବରେ ଅବସରପ୍ରାପ୍ତ ଗୋଷ୍ଠୀ ଶିକ୍ଷା ଅଧିକାରୀ ଇନ୍ଦ୍ର ମଣି ପାଣିଗ୍ରାହୀ,ସମ୍ମାନିତ ଅତିଥି ରୂପେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ନେପାଲ ଚନ୍ଦ୍ର ଦେ,ଅବସର ପ୍ରାପ୍ତ ଦ୍ୱାର୍ଶନି ହାଇ ସ୍କୁଲ ପ୍ରଧାନ ଶିକ୍ଷକ ସତ୍ୟ ପିର ପଣ୍ଡା,ସି ଆର୍ ସି ସି ସଂଯୋଗ କୁମାର ବାଗ, ଶିକ୍ଷକ ସୁରେଶ କୁମାର ମୁଣ୍ଡ, ବିବେକା ନନ୍ଦ ମହାନ୍ତି ପ୍ରମୁଖ ମଞ୍ଚାସିନ ଥିଲେ ।ମଞ୍ଚ ପରିଚାଳନା କରିଥିଲେ ଅଶୋକ କୁମାର ବାରିକ ଏବଂ ବରିଷ୍ଠ ଶିକ୍ଷକ ଶୁଭେନ୍ଦୁ କୁମାର ଯୋଶୀ ସ୍ମୃତିଚାରଣ କରିଥିଲେ । ସୁରେଶ କୁମାର ମୁଣ୍ଡ ଶିକ୍ଷକତା ଜୀବନ ଆରମ୍ଭ କରିଥିଲେ ତା ୧୨-୧୨-୨୦୦୩ ମସିହାରେ ।୨୦୧୦ ବର୍ଷରୁ ୨୦୧୭ ପର୍ଯ୍ୟନ୍ତ ଏବଂ ୨୦୨୧ ବର୍ଷରୁ ୨୦୨୩ ପର୍ଯ୍ୟନ୍ତ ତାଙ୍କ ଜୀବନରେ ପ୍ରଧାନ ଶିକ୍ଷକ ଦାୟୀତ୍ୱ ମଧ୍ୟ ନିର୍ବାହ କରିଥିଲେ ।ଆସନ୍ତା ୩୧-୦୮-୨୦୨୪ ତାରିଖ ଦିନ ଅବସର ଗ୍ରହଣ କରିବେ ।ସୁରେଶ କୁମାର ମୁଣ୍ଡଙ୍କ ସହନଶୀଳତା,ସାଧୁତା, ସଚ୍ଚୋଟତା,ଶୃଙ୍ଖଳା, ସମୟା ନୁବର୍ତ୍ତିତା,ନିରପେକ୍ଷତା,ସହାନୁଭୂତି ,ଶାସନ ପଦ୍ଧତି, ମିଷ୍ଠଭାଷୀ ଶିକ୍ଷାଦାନ ତଥା ଅନୁଶାସନ ଅନେକ ଛାତ୍ର ଛାତ୍ରୀଙ୍କ ଜୀବନରେ ଭଲ ପ୍ରଭାବ ପକାଇ ପାରିଛି ।ସମ୍ବର୍ଦ୍ଧନା ଜଣାଇବାକୁ କ୍ଲଷ୍ଟରର ସମସ୍ତ ବିଦ୍ୟାଳୟର ପ୍ରଧାନ ଶିକ୍ଷକ, ସହକାରୀ ଶିକ୍ଷକ ଓ ଶିକ୍ଷୟତ୍ରୀ ଆଜି ଉପସ୍ଥିତ ରହି ସୁରେଶ ମୁଣ୍ଡଙ୍କ ଆଗାମୀ ଦିନ ଗୁଡ଼ିକ ଖୁସିରେ ବିତିବାକୁ କାମନା କରିବା ସହ ଭଗବାନଙ୍କ ପାଖରେ ପ୍ରାର୍ଥନା  କରିଛନ୍ତି ।ବିଦ୍ୟାଳୟର ଛାତ୍ର ଛାତ୍ରୀ ଏବଂ ଶିକ୍ଷକ ଷ୍ଟାଫ ମୁଣ୍ଡ ମହୋଦୟଙ୍କ ଶୁଭ ଚିନ୍ତା କରିଛନ୍ତି ।ବାସ୍ତବରେ  ଶ୍ରୀଯୁକ୍ତ ମୁଣ୍ଡଙ୍କ ସମ୍ବର୍ଦ୍ଧନା ଲାଗୁଥିଲା ଯେମିତି ଏହା ତାଙ୍କ ଚାକିରି ଜୀବନର ଶ୍ରେଷ୍ଠ ଦିନ ଭଳି ।ସମ୍ବର୍ଦ୍ଧନା ଜଣାଇବା ପାଇଁ କମିଟି ସଦସ୍ୟ ବିରଞ୍ଚି ନାରାୟଣ ଯୋଶୀ ,ପଞ୍ଚାନନ ବରାସ, ତୁଲାରାମ ନାଗ,ଉଦ୍ଧବ ନାଗ,ଉପସ୍ଥିତ ଥିଲେ ।ସମସ୍ତ କାର୍ଯ୍ୟକ୍ରମରେ ଶିକ୍ଷକ ଧୀରେନ୍ଦ୍ର ନାଥ ରଥ,ସିଆର ସି ସି ଅମର ସିଂ ଭୋଇ,ଶିକ୍ଷକ ମାଧବ ବାଗ ସହଯୋଗ କରିଥିଲେ ।ସମସ୍ତ କଳାର ଅଧିକାରୀ ଶିକ୍ଷକ ଶୁହାଗ ଶୁଭମ ଯୋଶୀ ବିଭିନ୍ନ ଅଳଙ୍କାର ଓ ଉପମା ପ୍ରୟୋଗ କରି ଧନ୍ୟ ବାଦ ଅର୍ପଣ କରିଥିଲେ ।