27-Aug-2024

ଅମ୍ବାଭୋନା(ପ୍ରେରଣା ଖବର): ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ଦ୍ଵାରୀ ଗ୍ରାମପଞ୍ଚାୟତ ଅଧିନସ୍ଥ ଝାରପାଲି ଗ୍ରାମ ର ଦଶରଥ ନେଗୀ ବୟସ ୫୦ ହେବ, ସେ ଗତ ୨୫ତାରିଖ ରବିବାର ଦିନ ରୁ ନିଖୋଜ ଥିବା ନେଇ ଚର୍ଚ୍ଚା ହୋଇଥିଲା। ସୋସିଆଲ ମିଡ଼ିଆ ରେ  ଏ ନେଇ ପ୍ରଚାର ପ୍ରସାର ହୋଇଥିଲା। ଆଜି ଦିନ ଗୋଟେ ସମୟ ରେ ଝାରପାଲି ଗାଁ ଉପର ବନ୍ଧ କଣ୍ଟା ରେ ଭାଷମାନ ଅବସ୍ଥା ରେ ନିଖୋଜ ବ୍ୟକ୍ତି ଙ୍କ ଶବ ଦେଖିବାକୁ ମିଳିଥିଲା। ଏ ନେଇ ନିଖୋଜ ବ୍ୟକ୍ତି ଙ୍କ ପୁଅ ହୃଷିକେଶ ନେଗୀ ଅମ୍ବାଭୋନା ଥାନା ରେ ଲିଖିତ ହିସାବରେ ଜଣାଇଥିଲେ। ଖବର ପାଇ ଅମ୍ବାଭୋନା ଥାନା ଅଧିକାରୀ ଶ୍ରୀ ବିପିନ ବାଗ ଆସି ନିଜର ତତ୍ୱାବଧାନ ରେ ଅଗ୍ନିଶମ ବାହିନୀ ସାହାଯ୍ୟ ରେ ଉଦ୍ଧାର କରାଇଥିଲେ। ଉଦ୍ଧାର କରି ସାରିଲା ପରେ କେସ ନମ୍ବର ୧୨ ରେ ଅପମୃତ୍ୟୁ ମାମଲା ରୁଜୁ କରି ଶବ କୁ ବରଗଡ ମୁଖ୍ୟ ଚିକିତ୍ସା ଲୟ କୁ ଶବ ବ୍ୟବଚ୍ଛେଦ ପାଇଁ ପଠା ଯାଇଥିଲା।