24-Aug-2024

ବରଗଡ଼/ବିଜେପୁର:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଅନ୍ତର୍ଗତ ଜାରିଂ କ୍ଲଷ୍ଟରର ବୁଡାପାଲି ହାଇସ୍କୁଲରେ ତୃତୀୟ ମାସିକ କ୍ଲଷ୍ଟର ସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି। ସି.ଆର.ସି.ସି ରାଜେଶ୍ଵର ବେହେରାଙ୍କ ଅଧ୍ୟକ୍ଷତାରେ କ୍ଷେତରପଡା ସ୍କୁଲର ପ୍ରଧାନଶିକ୍ଷକ ସୌଦାମିନୀ ମାଝୀ, ସ୍ଥାନୀୟ ହାଇସ୍କୁଲର ପ୍ରଧାନଶିକ୍ଷକ ବିଜୟ ରଞ୍ଜନ ମେହେର ପ୍ରମୁଖ ଅତିଥି ଭାବେ ଯୋଗଦେଇ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ଉତ୍ସାହିତ କରିଥିଲେ। ପ୍ରାରମ୍ଭରେ ସ୍ଥାନୀୟ ହାଇସ୍କୁଲର ଛାତ୍ରୀମାନେ ସ୍ଵାଗତ ସଙ୍ଗୀତ ପରିବେଷଣ କରିଥିଲେ। ବିଦ୍ୟାଳୟର ଭୌତିକ ଓ ଶୈକ୍ଷିକ ପରିବେଶକୁ ଉପସ୍ଥିତ ଶିକ୍ଷକ ଶିକ୍ଷୟିତ୍ରୀଗଣ ପରିଦର୍ଶନ କରିଥିଲେ।ଚଳିତ ମାସର ପାଠ୍ୟ ଖସଡା ସଂପର୍କରେ ଲେମଧର ସେବାଶ୍ରମର ଶିକ୍ଷୟିତ୍ରୀ ନମିତା ବେହେରା ଆଲୋଚନା କରିଥିଲେ।ପରେ ଦୀକ୍ଷା ଆପ୍ସରେ ଗଣିତ ଶିକ୍ଷଣ, ଜାତୀୟ ଉପଲବ୍ଧି ସର୍ବେକ୍ଷଣ, ଶ୍ରେଣୀ ଗୃହ ପର୍ଯ୍ୟବେକ୍ଷଣ ସଂପର୍କରେ ବିଶଦ ଆଲୋଚନା ହୋଇଥିଲା। ଏଥିରେ ଦଶଟି ଶିଳ୍ପାନୁଷ୍ଠାନର ପ୍ରଧାନଶିକ୍ଷକ ଓ ଏଫ୍ ଏଲ ଏନ ଶିକ୍ଷକ ଶିକ୍ଷୟିତ୍ରୀ ସାମିଲ୍ ହେଇଥିଲେ। ଆନନ୍ଦ ଚନ୍ଦ୍ର ପୁଜାରୀ, ପ୍ରସନ୍ନ ଭୋଇ,କମଳ ଛତର, ସ୍ଵର୍ଣ୍ଣପ୍ରଭା ମେହେର, ମୈଥିଳୀ ମେହେର,କେଶବ ମେହେର, ଅଶୋକ ପାଣ୍ଡେ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।ବଡବାଉଁଶେନ କ୍ଲଷ୍ଟରର ଅଇଲପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ସି.ଆର.ସି.ସି ଦୁର୍ବାଦଳ ବଡଗୋଛିଆ, ବାନ୍ଦୁପାଲି କ୍ଲଷ୍ଟରର ବିନୂଆପାଲିରେ ସି.ଆର.ସି.ସି ସୀତାରାମ ଦୀପ, ତାଲପଦର କ୍ଲଷ୍ଟରର ସ୍ଥାନୀୟ ଉଚ୍ଚ ପ୍ରାଥମିକ ବିଦ୍ୟାଳୟରେ ସି.ଆର.ସି.ସି ବାସୁଦେବ ପଧାନଙ୍କ ଅଧ୍ୟକ୍ଷତାରେ ତୃତୀୟ ମାସିକ କ୍ଲଷ୍ଟର ସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି।