24-Aug-2024

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବିରାମହରାଜପୁର ବ୍ଲକ ଖଣ୍ଡହତା ସ୍ଥିତ ଇନ୍ଦିରାଗାନ୍ଧୀ ହାଇସ୍କୁଲ ରେ ମୋଟ ୮ ଜଣ ଶିକ୍ଷକ ରହିଥିଲେ |  ସେମାନଙ୍କ ମଧ୍ୟରୁ କିଛିମାସ ମଧ୍ୟରେ ୫ ଜଣ ଶିକ୍ଷକ ଅବସର ନେଇ ସାରିଲେଣି। ବର୍ତ୍ତମାନ ବିଦ୍ୟାଳୟରେ ମାତ୍ର ୩ ଜଣ ଶିକ୍ଷକ ରହିଅଛନ୍ତି। ଜଣେ ପ୍ରଧାନଶିକ୍ଷକ, ଜଣେ ହିନ୍ଦୀ ଶିକ୍ଷକ ଓ ଜଣେ ଗଣିତ ଶିକ୍ଷକ ଏଠାରେ ଅଷ୍ଟମ, ନବମ ଓ ଦଶମ ଶ୍ରେଣୀରେ ସର୍ବମୋଟ ୨୮୫ ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି। ସୂଚନାଯୋଗ୍ୟ ଯେ ଆସନ୍ତା ସେପ୍ଟେମ୍ବର ମାସରେ ପ୍ରଧାନଶିକ୍ଷକ କାର୍ଯ୍ୟରୁ ଅବସର ଗ୍ରହଣ କରିବେ। ସେତେବେଲେ  ସ୍କୁଲରେ ମାତ୍ର ୨ଜଣ ଶିକ୍ଷକ ରହିବେ। ୨୮୫ ପିଲାଙ୍କ ପାଠପଢ଼ା କିପରିହେବ ତାହାକୁ ନେଇ ଛାତ୍ରଛାତ୍ରୀ ଚିନ୍ତାରେ ରହିଛନ୍ତି। ଏପରି ସମସ୍ୟାକୁ ନେଇ ଆଜି ସ୍କୁଲରେ ପ୍ରତ୍ୟକ ଛାତ୍ରଛାତ୍ରୀ ମାନେ ଶିକ୍ଷକ ସମସ୍ୟାକୁ ନେଇ  ମୁଖ୍ୟମନ୍ତ୍ରୀ  ଓ ଗଣଶିକ୍ଷା ମନ୍ତ୍ରୀ, ଜିଲ୍ଲାପାଳ, ଜିଲ୍ଲା ଶିକ୍ଷା ଅଧିକlରୀଙ୍କୁ ଚିଠି ମାଧ୍ୟମରେ ନିବେଦନ କରିଛନ୍ତି।