24-Aug-2024

ବୀରମହାରାଜପୁର,(ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ମୁର୍ଷୁଣ୍ଢୀ ପଞ୍ଚାୟତ ଅନ୍ତର୍ଗତ ଯୁଧିଷ୍ଠିରପୁର ଗ୍ରାମରେ ଗ୍ୟାସ ସିଲିଣ୍ଡର ନିଆଁ ଲାଗି ଘର ସହ ବିଭିନ୍ନ ମୂଲ୍ୟବାନ ଆବାସ ପତ୍ର ପୋଡି ଯାଇଥିବା ଜଣାଯାଇଛି। ମିଳିଥିବା ସୂଚନା ଅନୁଯାୟୀ, ସକାଳୁ ଉକ୍ତ ଗ୍ରାମର ରାଜୁ ବାଦିଙ୍କ ଘରେ ନିଜ ସ୍ତ୍ରୀ କୁନ୍ତୀ ରାଜହଂସ ଗ୍ୟାସରେ ରୋଷେଇ କରୁଥିବା ସମୟରେ କୋୖଣସି କାରଣରୁ ଗ୍ୟାସ ସିଲିଣ୍ଡର ଫାଟି ଘରେ ନିଆଁ ଲାଗିଯାଇଥିଲା। ପ୍ରଥମେ ପରିବାର ଲୋକେ ନିଆଁକୁ ଲିଭାଇବା କୁ ଚେଷ୍ଟା କରିଥିଲେ ମଧ୍ୟ ସମ୍ଭବପର ହୋଇପାରିନଥିଲା। ସଙ୍ଗେ ସଙ୍ଗେ ବୀରମହାରାଜପୁର ଅଗ୍ନିଶମ ବାହୀନି କୁ ଖବର ଦେଇଥିଲେ। ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚିଲା ବେଳକୁ ଘରର ସମସ୍ତ ମୂଲ୍ୟବାନ  ଆସବାବପତ୍ର  ଯଥା ମୋବାଇଲ, ହେଲମେଟ, ଖଟ ପ୍ରଭୁତି ପୋଡ଼ି ପାଉଁଶ ହୋଇଛି। ତାହା ସହ ପକା ଘରର ଛାତ ଫାଟି ଥିବା ପରିବାର ଲୋକେ କହିଛନ୍ତି। ଏହି ପରିବାର ଗରିବ ଶ୍ରେଣୀର ହୋଇଥିବାରୁ ଶୀଘ୍ର ସରକାରୀ ସହାୟତା ଯୋଗାଇ ଦେବା ସହ ସ୍ଥାନୀୟ ଇଣ୍ଡିଆନ ଗ୍ୟାସ  କାର୍ଯ୍ୟାଳୟ ପକ୍ଷରୁ   ଚୁଲା ଓ ସିଲିଣ୍ଡର ଯୋଗାଇଦେବାକୁ ପରିବାର ଲୋକେ ଦାବି କରିଛନ୍ତି।