24-Aug-2024

ଖଜୁରୀପଡ଼ା (ପ୍ରେରଣା ଖବର) କନ୍ଧମାଳ ଜିଲ୍ଲା ଖଜୁରୀପଡା ବ୍ଲକ ଖଜୁରୀପଡା ଥାନା ଅଧୀନରେ ଥିବା ଵଲସକୁମ୍ପା ଗ୍ରାମପଞ୍ଚାୟତ କାଇଁ ଆବାହନ କାଳରୁ ପୂଜା ପାଇଁ ଆସୁଛନ୍ତି କନ୍ଧମାଳ ଜିଲ୍ଲାର ଅଧିଷ୍ଠାତ୍ରୀ  "" ମାଁ ବରାଳ ଦେବୀ  "" ଆଉ ଆଶ୍ୱିନ ମାସ ନବମୀ ତିଥିରେ ପୂଜା ପାଆନ୍ତି ଜିଲ୍ଲାର ଅଧିଷ୍ଠାତ୍ରୀ ଦେବୀ ମା ବରାଳି  ଆଉ କେଉଁ ଅନାଦି ଅନନ୍ତ କାଳରୁ ଖଜୁରୀପଡ଼ା ଥାନା ଅନ୍ତର୍ଗତ ବଳସକୁମ୍ପା ଠାରେ ପୂଜା ପାଇ ଆସୁଛି ଆଉ ଆସୁଥିବେ ମଧ୍ୟ୍ୟ ।ତେଣୁ ପ୍ରତିଦିନ ଏହି ପବିତ୍ର ଦେବୀ ପୀଠ କୁ ହଜାର ହଜାର ସଂଖ୍ୟାରେ ପର୍ଯ୍ୟଟକ, ବରାଳି ଦେବୀଙ୍କ ଭକ୍ତ, ଓ ଶ୍ରଦ୍ଧାଳୁ ମାନେ ମାଁ ଙ୍କ ଦର୍ଶନ ପାଇଁ ମନ୍ଦିରକୁ ଆସନ୍ତି । ମନ୍ଦିରର ଅନତି ଦୂରରେ ଲାଗି ରହିଛି ପିଲା ସାଲୁଙ୍କି ଡ୍ୟାମ୍ ଏବଂ ପୁରୁଣା ପାଣି ଡ୍ୟାମ୍  |  ଯାହାର ପରିବେଶ ବେଶ୍ ମନୋରମ ହୋଇଥିବାରୁ ପର୍ଯ୍ୟଟକ ମାନେ ଆକୃଷ୍ଟ ହୋଇ ବୁଲିବା ପାଇଁ ଆସନ୍ତି ।ସୁରକ୍ଷା ଦୃଷ୍ଟିକୁ ଅନୁମାନ କଲେ ଜଣା ପଡେ ଯେ ଖଜୁରୀପଡ଼ା ଥାନା  ବଲାସ କୁମ୍ପା ମନ୍ଦିର  ଠାରୁ ୧୪ /15 କିମି ଦୂରରେ ଥିବାରୁ ପୋଲିସ ସବୁ ବେଳେ ସୁରକ୍ଷା ଦେବା ସମ୍ଭବ ହୋଇ ପାରୁ ନାହିଁ । ଯାହାର ସୁଯୋଗ ନେଇ ବେଳେ ଆଖ ପାଖ ଗାଁ ଗୁଡିକରେ ଚୋରି ହାରି ବୃଦ୍ଧି ପାଉଥିବା ସହିତ  ମାଁ ବରାଳ ଦେବୀ ମନ୍ଦିର  ହୁଣ୍ଡିର କୁ ବାରମ୍ବାର ତାଲା ଭାଙ୍ଗି ଚୋରି କରିଥିବାର ବହୁ ନଜିର ରହିଛି ।ଅନେକ ସମୟରେ ଅସାମାଜିକ ବ୍ୟକ୍ତି ମାନେ ପିଲା ସାଲୁଙ୍କୀ ଡ୍ୟାମ୍ ରେ ଆଡ଼ା ସ୍ଥଳୀ କରି ପର୍ଯ୍ୟଟକ ମାନଙ୍କୁ ହଇରାଣ ହରକତ କରିବା ସହିତ ଡକାୟତ କରିଥିବା ଘଟଣା ଥାନାରେ ଅଭିଯୋଗ ହେଉଛି । ତେଣୁ ଏହି ଅଞ୍ଚଳର ସୁରକ୍ଷା ଦୃଷ୍ଟି କୁ ନଜରରେ ରଖି ଖଜୁରୀପଡ଼ା ବ୍ଲକର ଅନ୍ତର୍ଗତ ପ୍ରତେକ୍ ପଞ୍ଚାୟତର ସରପଞ୍ଚ ସମେତ ମା ବରାଳ ଦେବୀ ମନ୍ଦିର ପରିଚାଳନା କମିଟିର ମିଳିତ ଉଦ୍ୟମରେ ବଲସକୁମ୍ପା ଠାରେ ଏକ ପୋଲିସ ଫାଣ୍ଡି ସ୍ଥାପନ କରିବା ପାଇଁ ଏକ ଲିଖିତ ଦରଖାସ୍ତ ଜିଲ୍ଲା ଆରକ୍ଷୀ ଅଧିକାରୀ ଙ୍କ ଉଦ୍ଦେଶ୍ୟରେ ଅତିରିକ୍ତ ଆରକ୍ଷୀ ଅଧିକାରୀ ବଳଭଦ୍ର ଦୀପକ ଏବଂ ଡିଏସପି କୋମଳ କୁମାର୍ ପଣ୍ଡା ଙ୍କୁ ପିରୀକୁଡି ସରପଞ୍ଚ ଉମା ଚରଣ ମଲ୍ଲିକ, ଗୁଦାରୀ ସରପଞ୍ଚ ସୁଜିତ୍ କୁମାର ମଲ୍ଲିକ , ଅଡ଼ାସୀ ପଡା ସରପଞ୍ଚ ବ୍ରଜ ମୋହନ କହଁର ,ମାଁ ବରାଳ ଦେବୀ ମନ୍ଦିର ପରିଚାଳନା କମିଟି ସାଧାରଣ ସମ୍ପାଦକ ସଞ୍ଜୟ କହଁର, ଟିଟ୍ରା ପଙ୍ଗା  ସରପଞ୍ଚ ସଞ୍ଜୀବ ଲୋଚନ ପ୍ରଧାନ ଏବଂ ମାଁ ଇଷ୍ଟ ଦେବୀ ଯୁବ କଳା ପରିଷଦ ର ସାଧାରଣ ସମ୍ପାଦକ ବିଦୁର ବେହେରା ସମେତ ଦଳପଡ଼ା ପଞ୍ଚାୟତ  ପୂର୍ବତନ ସମିତି ସଭ୍ୟ ଗୌର ଚରଣ ବେହେରା ଏବଂ ଗଣମାଧ୍ୟମ ପ୍ରତିନିଧି ବଳଦେବ ବେହେରା ,ଯୁବ ନେତା ଦୀନବନ୍ଧୁ ପ୍ରଧାନ ପ୍ରମୁଖ ସାକ୍ଷାତ କରି ଦାବି ଜଣାଇଛନ୍ତି । ଏ ଅଂଚଳର ଆଇନ ଶୃଙ୍ଖଳା ପରିସ୍ଥିତି କୁ ନିୟନ୍ତ୍ରଣ ରେ ରଖିବା ପାଇଁ ବଳସକୁମ୍ପା ରେ ଏକ ପୋଲିସ ଫାଣ୍ଡି ସ୍ଥାପନ କରାଗଲେ ଏହି ଅଂଚଳରେ ହେଉଥିବା ଚୋରି ହାରି କୁ ବନ୍ଦ କରାଯିବା ସହିତ ସର୍ବସାଧାରଣ ଙ୍କ ଜୀବନ ଯାତ୍ରା ସରଳ ହୋଇ ପାରିବ ବୋଲି ଅଞ୍ଚଳ ବାସି ଆଶା ରଖିଛନ୍ତି |  ଯଦି ପ୍ରଶାସନ ବଲାସ କୁମ୍ପାରେ ପୋଲିସ ଫାଣ୍ଡି ପ୍ରତିଷ୍ଠା କରିବାରେ ଅଣ ଦେଖା କରନ୍ତି ତାହେଲେ  ବରାଳି ଦେବୀ ମନ୍ଦିର ପରିଚାଳନା କମିଟି ଓ ଅଞ୍ଚଳ ବାସୀ ଦରକାର ପଡିଲେ ଗଣ ଆନ୍ଦୋଳନ କରିବାକୁ ପଛାଇବେ ନାହିଁ ବୋଲି ସମସ୍ତ ପଂଚାୟତ ର ସରପଞ୍ଚ ସମିତି ସଭ୍ୟ ମାନେ ପ୍ରକାଶ କରିଛନ୍ତି |