24-Aug-2024

କନ୍ଧମାଳ (କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲା ଟିକାବାଲି ବ୍ଲକର ବନ ଅଧିକାରିଣୀ ଶ୍ରୀମତୀ ମାଣିକେଶ୍ବରୀ ପଟନାୟକଙ୍କ ନେତୃତ୍ୱରେ ଗତକାଲି ବିଳମ୍ବିତ  ରାତ୍ରରେ ରାତି ପେଟ୍ରୋଲିଙ୍ଗ କରୁଥିବା ସମୟରେ ଗୋଟିଏ ଦିନରେ ଅଞ୍ଚଳର ଦୁଇଟି ପୃଥକ ସ୍ଥାନରେ  ଚଢ଼ାଉ କରି ବାରାହା ଶିକାରୀଙ୍କୁ ଗିରଫ କରିବାର ସଫଳ କରିବାରେ ଅଭିନବ ଉପାୟ ରଚିଥିଲେ। ଟିକାବାଲି ରେଞ୍ଜର ଶ୍ରୀମତୀ  ମାଣିକେଶ୍ବରୀ ପଟ୍ଟନାୟକ  ଗୁପ୍ତଚର ର ସୂଚନା ମୁତାବକ ଏକ ଟିମ ନେଇ ବାରହା ଶିକାରୀ ମାନଙ୍କୁ ଗିରଫ କରିବାରେ ସଫଳ ହୋଇଥିଲେ | ଗିରଫ  ହୋଇଥିବା ଶିକାରୀ ମାନେ ହେଲେ ଫିରିଙ୍ଗିଆ ଥାନା ଅନ୍ତର୍ଗତ ବୃଙ୍ଗିବାଲି ଗ୍ରାମର ବୁଆନ କହଁର  ଡାଗାରୀ ପଦର ଗ୍ରାମରର ମଧୁସୂଦନ କହଁର, ଡ଼ାକରିମୁଣ୍ଡା ଗ୍ରାମର ରସାନ୍ତ କହଁର   ହୋଇଥିବା ବେଳେ  ଚକାପାଦ ବ୍ଲକ ଦଳ ଗାଁ ଗ୍ରାମର ଯୁଗେଶ୍ବର କହଁର , ବୋଲି ଜଣା ପଡିଛି l ଏହି ଚାରିଜଣ ବ୍ୟକ୍ତିଙ୍କୁ କାପାଦରେ ମୃତ ବାରାହା ସହିତ ଆସାମୀଙ୍କୁ ଗିରଫକରି OR କେଶ ନଂ 76/24/25 ଏକ   ଅପରାଧିକ ମାମଳା ରୁଜୁ କରି କୋର୍ଟ ଚାଲାଣ କରିଥିବା ବେଳେ ଅନ୍ୟ ଏକ ବ୍ୟକ୍ତିଙ୍କୁ  ଟିକାବାଲି ଥାନା କେନ୍ଦୁଗୁଡାରି ଗ୍ରାମର ସଦେଇ ମଳିକଙ୍କୁ  ମଧ୍ୟ୍ୟ ମୃତ ବାରାହା ସହିତ ଜଣେ ଆସାମୀଙ୍କୁ ରାତିରେ କାବୁକରି ଗିରଫ କରି OR କେଶନଂ 75/24/25 ରେ ଗିରଫ କରିଥିବା ସହିତ ଏକ ଅଟୋ , ଏକ ମଟର ସାଇକେଲ, ଏବଂ ଗୋଟିଏ ସ୍କୁଟି ମଧ୍ୟ ଜବତ କରିଥିବା ସୂଚନା ରହିଛି ଶେଷରେ ଦୁଇଟି ମୃତ ବାରାହା ଗୁଡ଼ିକୁ ଵ୍ୟବଛେଦ କରିଥିଲେ ପାବୁରିଆ ଅତିରିକ୍ତ ପ୍ରାଣୀଧନ ଚିକିତ୍ସକ ଶ୍ରୀ ଅନିରୁଦ ସାହୁ l   ଏପରି ଏକ ନିନ୍ଦନୀୟ ଘଟଣାକୁ ନେଇ ରେଞ୍ଜର ମାଣିକେଶ୍ବରୀ ପଟ୍ଟନାୟକ କହିଛନ୍ତି ଯେ ଜଙ୍ଗଲ, ଓ ଜୀବଜନ୍ତୁ ଙ୍କୁ ସୁରକ୍ଷା ଦେବା ସହିତ ପରିବେଶକୁ ସୁରକ୍ଷା କରିବା  ଜଙ୍ଗଲ ବିଭାଗ ଅଧିକାରୀଙ୍କ ମୁଖ୍ୟ ଭୂମିକା ଥିବା ବେଳେ ଏପରି ବନ୍ୟ ଜୀବଜନ୍ତୁ ଙ୍କୁ ଗୁଳି କରି ଶିକାର କରିବା ନିହାତି ଏକ ଜଘନ୍ୟ ଅପରାଧ ବୋଲି ମଧ୍ୟ୍ୟ କହିଛନ୍ତି l ତେଣୁ ଟିକାବାଲି ବ୍ଲକ ଦାୟିତ୍ୱ ରେ ଥିବା ସମସ୍ତ ବନପାଳ, ବନରକ୍ଷକ ଓ ବନସୁରକ୍ଷା କମିଟି ଉଭୟ କଡ଼ା ନଜର ରଖିବା ସହିତ ଏଭଳି ଏକ ଅପରାଧ ଘଟଣାକୁ କେବେ ବରଦାସ କରାଯିବ ନାହିଁ ବୋଲି କଡ଼ା ଚେତାବନୀ ଦେଇଛନ୍ତି l  ଆଜିର ଏହି ଗିରଫ ଘଟଣା ରେ ଫୁଲବାଣୀ ସହକାରୀ ବନ ରକ୍ଷକ ମଳୟ ରଞ୍ଜନ କାଲୋ, ଟିକାବାଲି ବନପାଳ ଶ୍ରୀଧର ସାହୁ, ଚାହାଳୀ ବନପାଳ ମହେନ୍ଦ୍ର କୁମାର ବିଶ୍ୱାଳ ଚକାପାଦ ବନପାଳ କୋମଳ କାନ୍ତ ପ୍ରଧାନ ,ଅରୁଣ କୁମାର ପାତ୍ର, ରଜତ କୁମାର ଭୋଇ ସମେତ ସମସ୍ତ ବନ କର୍ମଚାରି ଉପସ୍ଥିତ ଥିବାର ସୂଚନା ମିଳିଛି |