23-Aug-2024

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ପଲଶାଗୋରା ସ୍ୱସ୍ତିକ କ୍ଲବ ଦ୍ୱାରା ଆୟୋଜିତ ହେଉଥିବା ମୁରାସୁର ଦରବାର ପାଇଁ କଳାକାର ବରଣ କାର୍ଯ୍ୟକ୍ରମ ଗୁରୁବାର ଅନୁଷ୍ଠିତ ହୋଇଯାଇଛି | ଚଳିତ ବର୍ଷ ମଧ୍ୟ ବରଗଡ଼ ବିଶ୍ୱ ପ୍ରସିଦ୍ଧ ଧନୁଯାତ୍ରାରେ କଂସ ଭୂମିକାରେ ଅଭିନୟ କରୁଥିବା ଅଭିନେତା ହୃଷିକେଶ ଭୋଇଙ୍କୁ ମୁରାସୁର ଭୂମିକାରେ ଅଭିନୟ କରିବା ପାଇଁ ବରଣ କରିଥିବା ବେଳେ ମହାମନ୍ତ୍ରୀ ଭୂମିକାରେ ନନ୍ଦିଘୋଷ ମହାପାତ୍ରଙ୍କୁ ସ୍ୱସ୍ତିକ କ୍ଲବ ତରଫରୁ ନଡ଼ିଆ ଓ ଫୁଲମାଳ ଦେଇ ବରଣ କରିଥିଲେ |ଚଳିତ ବର୍ଷ ମଧ୍ୟ ଗଜଲକ୍ଷ୍ମୀ ପୂଜା ଅବସରରେ ଅକଟୋବର ୧୬ ତାରିଖ ରୁ ୨୩ ତାରିଖ ପର୍ଯ୍ୟନ୍ତ ଦରବାର କାର୍ଯ୍ୟକ୍ରମ ଅନୁଷ୍ଠିତ ହେବାକୁ କମିଟି ତରଫରୁ ଚୂଡାନ୍ତ ନିଷ୍ପତି ନିଆଯାଇଛି | ଏହି ବରଣ କାର୍ଯ୍ୟକ୍ରମରେ କମିଟିର ସଭାପତି ଶାନ୍ତନୁ ମହାପାତ୍ର, ସମ୍ପାଦକ ବିଘ୍ନେଶ ପ୍ରଧାନ, ଉପଦେଷ୍ଟା ସୁଧୀର ପଣ୍ଡା,ରଞ୍ଜନ ମିଶ୍ର,ରଞ୍ଜନ ପଣ୍ଡା,ଅସୀମ ଅଭିଷେକ ପଣ୍ଡା,ସନ୍ତୋଷ ସାହୁ, କୁନ୍ଦନ ଦନ୍ତା, ଅଚ୍ୟୁତ ଖମାରୀ, କୁନା ଭୋଇ,ମହେନ୍ଦ୍ର ପ୍ରଧାନ,ଅଭିନେତା ମନୋଜ ମହାନ୍ତି ଓ କମିଟି ର ସମସ୍ତ ସଦସ୍ୟ ଉପସ୍ଥିତ ଥିଲେ |