22-Aug-2024

ବଲାଙ୍ଗୀର (ପ୍ରେରଣା ଖବର): ସ୍ଥାନୀୟ ଜିଲ୍ଲାପାଳ ଅଫିସ ସମ୍ମୁଖରେ ବଲାଙ୍ଗିର ନିର୍ବାଚନ ମଣ୍ଡଳୀର ସଦର ବ୍ଲକ ଦେଓଗାଁ ବ୍ଲକ ଏବଂ ବଲାଙ୍ଗିର ପୌରାଞ୍ଚଳର ବିଭିନ୍ନ ବର୍ଗର ଭତ୍ତା ହିତାଧିକାରୀଙ୍କୁ ରାଜ୍ଯ ଭାଜପା ସରକାର ତଥା ମୋହନ ସରକାର ତରଫରୁ ବାର୍ଦ୍ଧକ୍ଯ ଭତ୍ତା ବୃଦ୍ଧି ପ୍ରତିଶୃତି ଦିଆଯାଇ ଅଣଦେଖା କରିବା ପ୍ରତିବାଦରେ ବଲାଙ୍ଗିର ବିଜୁ ଜନତା ଦଳ ବିଧାୟକ କଳିକେଶ ନାରାୟଣ ସିଂହଦେଓଙ୍କ ନେତୃତ୍ବ ଓ ନିର୍ଦ୍ଦେଶରେ ବଲାଙ୍ଗିରର ବିଜୁ ଜନତା ଦଳର ସମସ୍ତ ଛାମୁଆ ସଂଗଠନ ମାନଙ୍କ ଉପସ୍ଥିତିରେ ବୃଦ୍ଧା ବ୍ଯକ୍ତିତ୍ବଙ୍କୁ ନେଇ ଏକ ଆକ୍ରୋଶମୂଳକ ଧାରଣା ଦିଆଯାଇଥିଲା, ଯାହାକି ଆଗାମୀ ଦିନରେ ଭତ୍ତା ୩୦୦୦ ପ୍ରଦାନ କରାଯାଉ ବୋଲି ଦାବୀ ଉପସ୍ଥାପନ କରାଯାଇଥିଲା । ଏହି କାର୍ଯ୍ୟକ୍ରମରେ ବଲାଙ୍ଗିର ସଦର ବ୍ଲକ ଦେଓଗାଁ ବ୍ଲକ ଏବଂ ସହରାଞ୍ଚଳର ଅନେକ ହିତାଧିକାରୀ ଯୋଗଦେଇ ଧାରଣା ଦେଇଥିଲେ। ଏହି ପରିପ୍ରେକ୍ଷୀରେ ବଲାଙ୍ଗିର ପୌରାଧ୍ୟକ୍ଷା ଲିକା ସାହୁ ମାନ୍ୟବର ବିଧାୟକ କଳିକେଶ ନାରାୟଣ ସିଂହଦେଓଙ୍କ ନାଁ ନେଇ ତାଙ୍କରି ନେତୃତ୍ବରେ ଏହି ଧାରଣା ବୋଲି କହିଥିବା ବେଳେ ରାଜ୍ଯ ଭାଜପା ସରକାର ମୋହନ ସରକାରଙ୍କ ନିର୍ବାଚନି ଧୂଆଁବାଣକୁ ତାଛଲ୍ଯ ଭାବରେ ଜନସାଧାରଣଙ୍କ ସମ୍ମୁଖରେ ପ୍ରଣୋଦିତ କରିଥିଲେ । ଏହା ପରେ ଜିଲାପାଳଙ୍କୁ ସାକ୍ଷାତ କରି ଏକ ଦାବୀପତ୍ର ପ୍ରଦାନ କରଯାଇଥିଲା । ଆଜିର ଏହି ଧାରଣା କାର୍ଯ୍ୟକ୍ରମରେ ବଲାଙ୍ଗିର ଜିଲ୍ଲାପରିଷଦ ସଭାପତି 

ଦେବକୀ ସାହୁ, ସଦର ବ୍ଲକ ଅଧ୍ୟକ୍ଷା ସରିତା ବାଗ ଦେଓଗାଁ ଅଧ୍ୟକ୍ଷା ଦୟାନୀଧି ଖମାରୀ କୈଳାଶ ମହାନ୍ତି, ପ୍ରଭାସ ପାଣିଗ୍ରାହୀ, ବିଧୁଭୁଷଣ ତ୍ରୀପାଠୀ, ପାଣ୍ଡବ କୁମ୍ଭାର, ଲକ୍ଷ୍ମଣ ମେହେର , ଧୃବ ଜୁଏଡ୍ , ସଞ୍ଜିବ ମିଶ୍ର, ଯୁବ ସଭାପତି ରାଜେନ୍ଦ୍ର ପ୍ରସାଦ ହୋତା , ଛାତ୍ର ସଭାପତି ସୁମନ ନନ୍ଦ, ସମସ୍ତ ଜିଲ୍ଲାପରିଷଦ ସଦସ୍ୟ, ସମସ୍ତ କାଉନସିଲର,ପଦାଧୀକରୀ ଏବଂ ବଲାଙ୍ଗିର ନିର୍ବାଚନ ମଣ୍ଡଳୀର ସଦର ବ୍ଲକ ଦେଓଗାଁ ବ୍ଲକ ତଥା ବଲାଙ୍ଗିର ପୌରାଞ୍ଚଳର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ ।