14-Aug-2024

ନୂଆପଡ଼ା (ରାମନାଥ ପଣ୍ଡା)
ନୂଆପଡ଼ା ଜିଲ୍ଲାରେ ୭୮ ତମ ସ୍ବାଧିନତା ଦିବସ ପାଳନ ଉପଲକ୍ଷେ ହର୍ ଘର୍ ତିରଙ୍ଗା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଜିଲ୍ଲାପାଳ ମଧୁସୂଦନ ଦାସଙ୍କ ପ୍ରତ୍ୟକ୍ଷ ନିର୍ଦ୍ଦେଶରେ ତଥା ମିଶନ ଶକ୍ତି ଅଧିକାରୀ ମାନଙ୍କ ସହଯୋଗ କ୍ରମେ ନୂଆପଡ଼ା ବ୍ଲକରେ ୨୨୫୦୦,କୋମନା ବ୍ଲକରେ ୨୨୫୦୦,ଖରୀଆର ବ୍ଲକ ୧୯୦୦୦,ସିନାପାଲି ବ୍ଲକ ୧୯୦୦୦,ବୋଡ଼େନ ବ୍ଲକରେ ୧୪୦୦୦ ଓ ସି ବି ଡି ଏ ସୁନାବେଡା ପାଇଁ ୩୦୦୦ ଜାତୀୟ ପତାକା ବଣ୍ଟନ କରାଯାଇଥିବା ସୂଚନା ମିଳିଛି । ହର୍ ଘର୍ ତିରଙ୍ଗା କାର୍ଯ୍ୟକ୍ରମ ମାଧ୍ୟମରେ ଜିଲ୍ଲାରେ ସମୁଦାୟ ଏକ ଲକ୍ଷ ଜାତୀୟ ପତାକା ବଣ୍ଟନ କରାଯାଇଛି ।ଏହି କାର୍ଯ୍ୟକ୍ରମକୁ ସଫଳ ରୂପାୟନ ଦେବା ପାଇଁ ଜିଲ୍ଲାର ସମସ୍ତ ଅଧିକାରୀ,ବ୍ଲକର ବିଡିଓ ଙ୍କ ସମେତ ସମସ୍ତ ଅଧିକାରୀ,ପୋଲିସ ପ୍ରଶାସନ ,ମିଶନ ଶକ୍ତିର ଜିଲ୍ଲା ଓ ବ୍ଲକ ଅଧିକାରୀ ତଥା ବିଭିନ୍ନ କ୍ୟାଡ଼ର ଯଥା ଏମ ବି କେ ,ସି ଆର୍ ପି, କୃଷି ମିତ୍ର, ପ୍ରାଣୀ ମିତ୍ର,ବି ଏଲ ଏଫ୍ ଓ ଜି ପି ଏଲ ଏଫ୍ ମେମ୍ବର ସମ୍ପୂର୍ଣ୍ଣ ଭୂମିକା ନିର୍ବାହ କରିଥିଲେ।ପ୍ରଚାର ପ୍ରସାର ତଥା ବଣ୍ଟନ କାର୍ଯ୍ୟକ୍ରମରେ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ,ଉଚ୍ଚ ବିଦ୍ୟାଳୟ ଓ ମହାବିଦ୍ୟାଳୟ ଗୁଡ଼ିକର ଅଧ୍ୟାପକ ଅଧ୍ୟାପିକା,ଛାତ୍ର ଛାତ୍ରୀ,ସମସ୍ତ ପଞ୍ଚାୟତର ସରପଂଚ ପୂର୍ଣ୍ଣ ମାତ୍ରାରେ ସହଯୋଗ କରି କାର୍ଯ୍ୟକ୍ରମକୁ ସଫଳ କରିବାର ଭୂମିକା ଗ୍ରହଣ କରିଥିଲେ।