02-Aug-2024

ବିନିକା(ହିମାଂଶୁ ଶେଖର ପୁଟେଲ): ବିନିକା ପୁଲିସ ଗିରଫ କରିବା ପାଇଁ ଜଗିଥିଲା କୋର୍ଟ ସମ୍ମୁଖରେ ହେଳେ ପୁଲିସକୁ ଚକମା ଦେଇ ସେଲୁଆର ଆଉ ଚୁଡ଼ି ପିନ୍ଧି ମହିଳା ବେଶରେ ଯାଇ ବିନିକା ଜେଏମଏଫସି କୋର୍ଟ ରେ ଆତ୍ମସମର୍ପଣ କଲେ ଅଭିଯୁକ୍ତ ଶିକ୍ଷକ |ଏମିତି ଏକ ଚାଞ୍ଚଲ୍ୟକର ଘଟଣା ଦେଖିବାକୁ ମିଳିଛି ବିନିକାରେ | ସୁଚନାଯୋଗ୍ୟ ଯେ ବିନିକା ଥାନା ଅନ୍ତର୍ଗତ ବାଉଁଶୁଣି ଗ୍ରାମର ଜଣେ ଅଙ୍ଗନୱାଡି କର୍ମୀଙ୍କୁ ଜଣେ ଶିକ୍ଷକ ବଳତ୍କାର ଉଦ୍ୟମ ଏବଂ ମରଣାନ୍ତକ ଆକ୍ରମଣ ହୋଇଥିବା ବିନିକା ଥାନାରେ ଗତ ଜୁନ ମାସ ୨୨ତାରିଖରେ ଅଭିଯୋଗ ହୋଇଥିଲା |ପୁଲିସ ଏନେଇ ଏକ ମାମଲା ୠଜୁକରି ଘଟଣାର ତଦନ୍ତ ଜାରି ରଖିଥିଲା  | ସେହି ମାସ ୧୯ତାରିଖ ବୁଧବାର ଦିନ ରାତ୍ର ୮ ଘଣ୍ଟା ସମୟରେ ଉକ୍ତ ଅଙ୍ଗନୱାଡି କର୍ମୀଙ୍କ ଘରକୁ ବାଉଶୁଣି ଗ୍ରାମର ଶିକ୍ଷକ ଘନଶ୍ୟାମ ମୁଦୁଲି ଏବଂ ଏକାଦସିଆ ମଲ୍ଲିକ ଅଙ୍ଗନୱାଡିର ଆପତ୍ତି ଅଭିଯୋଗ ଅଛି କହି ଘରକୁ ଯାଇଥିଲେ | ପୀଡିତା ଅଙ୍ଗନୱାଡି କର୍ମୀ ଏକୁଟିଆ ରୁହନ୍ତି | ତାଙ୍କର ଏକୁଟିଆର ସୁଯୋଗ ନେଇ ଘନଶ୍ୟାମ ତାଙ୍କୁ ହ୍ୱାଇଟନର ମାଗିଥିଲେ | ସେ ହ୍ୱାଇଟନର ନେବାକୁ ଘର ଭିତରକୁ ଯିବା ପରେ ଘନଶ୍ୟାମ ତାଙ୍କ ପଛେ ପଛେ ଘର ଭିତରକୁ ପଶି ଯାଇଥିଲେ | ପରେ ବାହାର ପଟରୁ ଏକାଦସିଆ କବାଟ ବନ୍ଦ କରି ଦେଇଥିଲେ | ଘର ଭିତରେ ଘନଶ୍ୟାମ ତାଙ୍କୁ ବଳାତ୍କାର କରିବାକୁ ଉଦ୍ୟମ କରିଥିଲେ | ଏବଂ ତାଙ୍କୁ ମାଡ଼ମାରି ମରଣାନ୍ତକ ଆକ୍ରମଣ କରିଥିଲେ | ସେ କୌଶଳ କ୍ରମେ ତା ଠାରୁ ଛଡ଼ାଇ ହୋଇ ବାରି ପଟକୁ ପଳାଇ ଚିତ୍କାର କରିବାରୁ ଉଭୟ ଅଭିଯୁକ୍ତ ସେଠାରୁ ଫେରାର ମାରିଥିଲେ | ଘଟଣା ସମ୍ପର୍କରେ ସେ ବିନିକା ଥାନାରେ ଲିଖିତ ଅଭିଯୋଗ କରିଥିଲେ | ଏନେଇ ପୁଲିସ ଏକ ମାମଲା ୠଜୁକରି ଘଟଣାର ତଦନ୍ତ ଜାରି ରଖିଥିଲା | ହେଳେ ଆଜି ବିନିକା ଅଞ୍ଚଳରେ ବର୍ଷା ଲାଗି ରହିଥିବା ବେଳେ ଓ ରାସ୍ତାଘାଟ ଶୁଣଶାନ ଥିବା ବେଳେ କାଳେ ପୋଲିସ ଧରି ପକାଇବା ଭୟରେ ଆଜି ଦିନ ପ୍ରାୟ ୩ଘଣ୍ଟା ସମୟରେ ଅଚାନକ ଏକ ସ୍କୁଟିରେ ଶିକ୍ଷକ ଘନଶ୍ୟାମ ସେଲୁଆର ଆଉ ଚୁଡ଼ି ପିନ୍ଧି ମହିଳା ବେଶରେ ତାଙ୍କ ସହଯୋଗୀ ଏକାଦସିଆକୁ ବସାଇ ସିଧାସଳଖ ବିନିକା କୋର୍ଟ ଭିତରକୁ ପଶିଯାଇ ଆତ୍ମସମର୍ପଣ କରିଛନ୍ତି | ଏହି ଘଟଣା ପ୍ରଘଟ ହେବାପରେ ଅଞ୍ଚଳର ଜନସାଧାରଣରେ ଶିକ୍ଷକଙ୍କ କରିସ୍ମା କୁ ନେଇ ଆଲୋଚନା ହେଉଛି | ତେବେ ଉଭୟ ଅଭିଯୁକ୍ତଙ୍କୁ ବିନିକା କୋର୍ଟରେ ଜାମିନ ମିଳିଯାଇଥିବା ସୁଚନା ମିଳିଛି | ପ୍ରକାଶଥାଉକି ଶିକ୍ଷକ ଘନଶ୍ୟାମ ନକଟାମୁଣ୍ଡା ସ୍କୁଲରେ କାର୍ଯ୍ୟରତ ଶିକ୍ଷକ ଥିଲେ |ସେ କାର୍ଯ୍ୟରେ ଯୋଗନଦେବା ଓ ଉପରିସ୍ଥ ଅଧିକାରୀଙ୍କ କଥା ନ ମାନିବାରୁ ୨୨ଦିନ ପରେ ଅର୍ଥାତ ଜୁଲାଇ   ମାସ ୧୪ତାରିଖରୁ କାର୍ଯ୍ୟରୁ ନିଲମ୍ବିତ କରାଯାଇଛି |  ଏହି ବଳାତ୍କାର ଉଦ୍ୟମ  ଘଟଣାକୁ ୧ମାସ ୧୯ଦିନ ବିତିଯାଇଥିଲେ ସୁଦ୍ଧା ବିନିକା ପୁଲିସ ଅଭିଯୁକ୍ତ ମାନଙ୍କୁ ଗିରଫ କରିନପାରିବା ପୁଲିସର କାର୍ଯ୍ୟକଳାପ ଉପରେ ସନ୍ଦେହ ସୃଷ୍ଟି ହେଉଛି ।