26-Jul-2024

ଟିକାବାଲି/କନ୍ଧମାଳ(ରମେଶ ଚନ୍ଦ୍ର ପଣ୍ଡା): କନ୍ଧମାଳ ଜିଲ୍ଲା ଟିକାବିଲି ବ୍ଲକ୍ ଅନ୍ତର୍ଗତ ପାବୁରିଆ ପଞ୍ଚାୟତ ନିକଟସ୍ଥ ତେନ୍ତୁଳି ସାହିର ତାରାବତୀ ପ୍ରଧାନଙ୍କୁ ମିଳୁନି ସରକାରୀ ସୁବିଧା l ସେ ଜଣେ ଅସହାୟ ବୟସ୍କ ଏବଂ ମାନସିକହରା ମହିଳା ହେଇଥିବାରୁ ତାଙ୍କୁ ତା ସ୍ୱାମୀ ଛାଡ଼ି ଦେଇ ଅନ୍ୟତ୍ର ବିବାହ କରିଛନ୍ତି l ତାଙ୍କର ବାପା ମା ଏବଂ ନିଜର ବୋଲି କେହି ନ ଥିବାରୁ  ଅସହାୟ ବୟସ୍କ ମହିଳା ଟି ଉକ୍ତ ଗ୍ରାମର ପଡ଼ିଶା ଘରେ ଆଶ୍ରୟ ନେଇଁ ରହୁଛନ୍ତି l ତାରାବତୀଙ୍କ ନାମରେ ରାସନ କାର୍ଡ ଥିଲେ ମଧ୍ୟ କଟି ଯାଇଚି କହି ଚାଉଳ ଦେଉ ନାହାନ୍ତି ଟିକାବାଲି ଖାଦ୍ୟ ଯୋଗାଣ ଅଧିକାରିଣୀ ଅମ୍ରିତା ମଲ୍ଲିକ l ଏନେଇ ଆଇ ସି ଡବ୍ଲୁ ସି  ର ରାଜ୍ୟ ଉପସଭାପତି ତଥା ପ୍ରିହମ୍ ଟ୍ରଷ୍ଟ ର ଅଧ୍ୟକ୍ଷ କୁନା ଦିଗାଲଙ୍କୁ ଅଭିଯୋଗ କରିଛନ୍ତି ତାରାବତୀ  l ଅଧ୍ୟକ୍ଷ ଶ୍ରୀ ଦିଗାଲ  ଉକ୍ତ ଅସହାୟ ମହିଳାଙ୍କ ଅଭିଯୋଗ ପାଇ ଟିକାବାଲି ଖାଦ୍ୟ ଯୋଗାଣ ଅଧିକାରିଣୀ ଶ୍ରୀମତୀ ମଲ୍ଲିକଙ୍କ ସହିତ ଫୋନ୍ ଯୋଗେ ଆଲୋଚନା କରିବା ସହିତ ତାରାବତୀଙ୍କୁ ଯେତିକି ବର୍ଷ ହେଲାଣି ତାଙ୍କର ରାସନ କାର୍ଡ ରେ ଚାଉଳ ଦେଇ ନାହାନ୍ତି ତାଙ୍କୁ ଚାଉଳ ତୁରନ୍ତ ଦେବାର ସୁବ୍ୟବସ୍ଥା କଲେ ଅସହାୟ ଏବଂ ମାନସିକ ଦୁଶ୍ଚିନ୍ତା ମହିଳା ଟି ତାର ଭୋକ ମେଣ୍ଟେଇ ପାରିବ ବଲି କହିବା ସହିତ ତାଙ୍କୁ ଭତ୍ତା ଯୋଗାଇ ଦେବାପାଇଁ ମଧ୍ୟ ବି ଏସ୍ ଏସ୍ ଓ ଙ୍କୁ କହିଛନ୍ତି ଅଖିଳ ଭାରତୀୟ ଗ୍ରାହକ କଲ୍ୟାଣ ପରିଷଦର ରାଜ୍ୟ ଉପସଭାପତି ତଥା ପ୍ରିହମ୍ ଚାରିଟେବୁଲ୍ ଟ୍ରଷ୍ଟ ର ଅଧ୍ୟକ୍ଷ କୁନା ଦିଗାଲ l