23-Jun-2024

ପାଟଣାଗଡ଼  (ପୁର୍ଣ୍ଣ ଶଶୀ ଶେଖର ରାଓ)ବଲାଙ୍ଗୀର ଜିଲ୍ଲା ଏକ ଦାଦନ ପ୍ରବଣ ଜିଲ୍ଲା ଭାବେ ବେଶ୍ ପରିଚିତ। ଏହି ଜିଲ୍ଳାର ହଜାର ହଜାର ଶ୍ରମିକ ପେଟପାଟଣା ପାଇଁ ଭିଟାମାଟି ଛାଡ଼ି ବାହାର ରାଜ୍ୟକୁ ଦାଦନ ଖଟିବାକୁ ଯାଇଥାନ୍ତି। ସେଠାରେ ଯାଇ ଅନେକ ନିର୍ଯ୍ୟାତନା ର ଶିକାର ହୋଇଥାନ୍ତି ଏବଂ ବେଳେ ବେଳେ ମୃତ୍ୟୁ ର ଶିକାର ହୋଇ ଶବ ହୋଇ ଫେରାଥାନ୍ତି ତ କେହି ଫେରନ୍ତି ନାହିଁ। ଯେଉଁ ମାନେ ପଞ୍ଜିକୃତ ହୋଇ ବାହାର ରାଜ୍ୟକୁ ଦାଦନ ଖଟିବାକୁ ଯାଇଥାନ୍ତି ତ ସେମାନେ କିଛି ନାଁ କିଛି ସୁବିଧା ପାଇଥାନ୍ତି ହେଲେ ଅଣ ପଞ୍ଜିକୃତ ଲୋକ କିଛି ସରକାରୀ ସହାୟତା ପାଇନଥାନ୍ତି । ବେଆଇନ ଦାଦନ ଚାଲାଣ ରୋକିବା ପାଇଁ ଖାଲି ଲୋକ ଦେଖାଣିଆ ପ୍ରଶାସନିକ ଅଧିକାରୀ ମାନେ କରୁଥିବା ବେଳେ ସର୍ଦ୍ଦାର ମାନେ ସ୍ଥାନୀୟ ପୋଲିସ ପ୍ରଶାସନ କୁ ହାତକରି ହଜାର ହଜାର ବେଆଇନ ଦାଦନ ଚାଲାଣ କରିଥାନ୍ତି। ସୂଚନା ଅନୁସାରେ ବଲାଙ୍ଗିର ଜିଲ୍ଲା ପାଟଣାଗଡ ବ୍ଲକ୍  ସାଲେପାଲି  ଗ୍ରାମ   ପଞ୍ଚାୟତର  କର୍ଲାମାଲ ଗାଁର ଆମ ପାଳି ର    ଡୋଲାମଣି ପୁଟେଲ ବୟସ ୨୬ ବର୍ଷ ଏଠି  କାମ ଧନ୍ଦା ନ ମିଳିବାରୁ ସ୍ଥାନୀୟ ଦାଦନ   ସର୍ଦ୍ଦାର ଲିଙ୍ଗ ଷାଣ୍ଢଙ୍କ ଜରିଆରେ ବାହାର ରାଜ୍ୟ କୁ କାମ ପାଇଁ ଯାଇଥିବା ବେଳେ କିଛି ଦିନ କାମ କରୁଥିବା ସମୟ ରେ ଅଧିକ କାମ

ଯୋଗୁଁ ଦେହ  ଅସୁସ୍ଥ ରହିଥିଲା । ନିଜର ଯତ୍ନ ନେବା ପାଇଁ ସର୍ଦ୍ଦାର କୁ ଫୋନ ଯୋଗେ ବାରମ୍ବାର ଅଭିଯୋଗ କରିଥିଲେ ମଧ୍ୟ ସର୍ଦ୍ଦାର ବାବୁ ଜଣକ  କଲ୍ ଗ୍ରହଣ କରି ନ ଥିଲେ। ନିରୁପାୟ ହୋଇ ଡୋଲାମଣୀ ଟଙ୍କା ଅଭାବରୁ ଶେଷରେ ଆଖି ବୁଜି ଦେଇଛନ୍ତି। ଜୀବନ ଚାଲି ଗଲା ପରେ ସର୍ଦ୍ଦାର ବାବୁ ଜଣକ ଡୋଲାମଣି ଙ୍କ ଘର ଲୋକ କୁ ଗାଡ଼ିରେ ଦୁର୍ଘଟଣା ହୋଇଛି ବୋଲି କହିଛନ୍ତି । ପରିବାର ଲୋକଙ୍କୁ ସହଯୋଗ କରିବା ପାଇଁ ଇଟାଭାଟି ମାଲିକ ଦୁଇ ଲକ୍ଷ ଟଙ୍କା ପଠାଇ ଦେଇଥିବା ବେଳେ  ସର୍ଦ୍ଦାର ବାବୁ ଟଙ୍କା ଆତ୍ମସାତ କରି ପରିବାର ଲୋକଙ୍କୁ ମାତ୍ର କୋଡ଼ିଏ ହଜାର ଟଙ୍କା ଦେଇ ଘଟଣା କୁ ଚାପି ଦେଇଛନ୍ତି। ପ୍ରକୃତ ରେ ମୃତକଙ୍କ ବାହାର ରାଜ୍ୟକୁ ଦାଦନ ଖଟିବାକୁ ଯିବାର ପଞ୍ଜିକରଣ କରାଯାଇଛି କି ତାହା ତଦନ୍ତ ସାକ୍ଷେପ। ମୃତକ ଡୋଲାମଣୀ ଙ୍କ ମୃତ୍ୟୁ କିପରି ହେଲା ତାହା ପୋଲିସ ପ୍ରଶାସନ ଦୃଷ୍ଟି ଆକର୍ଷଣ କରି ସର୍ଦ୍ଦାର ଲିଙ୍ଗ ଷାଣ୍ଢଙ୍କ ଉପରେ ଦୃଢ କାର୍ଯ୍ୟନୁଷ୍ଠାନ ନିଆଯାଉ ବୋଲି ଅଞ୍ଚଳବାସୀ ଦାବି କରୁଛନ୍ତି।