26-Jan-2024

ସୋନପୁର ( ମନୋରଞ୍ଜନ ତ୍ରିପାଠୀ ) ସମଗ୍ର ଦେଶ 75 ତମ ସାଧାରଣତନ୍ତ୍ର ଦିବସ ପାଳନ କରୁଛି। ଏହି  ଅବସର ରେ ସାଧାରଣ ନାଗରିକ ,ସ୍ବେଚ୍ଛାସେବୀ ଅନୁଷ୍ଠାନ ତଥା ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ପକ୍ଷରୁ ଅନେକ ଦେଶାତ୍ମବୋଧକ କାର୍ଯ୍ୟକ୍ରମ ଆୟୋଜନ କରାଯାଇଛି। ସେହିପରି ସୁବର୍ଣ୍ଣପୁର ଜିଲ୍ଲାର ତରଭା ବ୍ଲକ ପଡ଼ିଆରେ ଆୟୋଜିତ ସାଧାରଣତନ୍ତ୍ର ଦିବସ ପାଳନ ଉତ୍ସବରେ ଏହି ସଂଗଠନ ପକ୍ଷରୁ 200 ମିଟର ର ଏକ ତ୍ରିରଙ୍ଗା ଜାତୀୟ ପତାକା ପ୍ରଦର୍ଶନ କରାଯାଇଥିଲା। ତରଭା ସହରର ମାହେଶ୍ୱରୀ ସଂଗଠନ ପକ୍ଷରୁ 200 ମିଟର ଜାତୀୟ ପତାକା ତିଆରି କରାଯାଇଥିବା ବେଳେ ଏଥିରେ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ଓ ସ୍ବେଚ୍ଛାସେବୀ  ସାମିଲ ହୋଇ ସହର ପରିକ୍ରମା କରିଥିଲେ। ପରେ ଏହା ପେରେଡ଼ରେ ପ୍ରଦର୍ଶନ କରିବା ପାଇଁ ସାମିଲ କରାଯାଇଥିଲା। ପ୍ରଥମ ଥର ପାଇଁ ଲୋକଙ୍କ ଭିତରେ ଜାତୀୟତା, ସହନଶୀଳତା , ଏକତା ଓ ଅଖଣ୍ଡତା ର ବାର୍ତ୍ତା ଦେବା ପାଇଁ ମାହେଶ୍ୱରୀ ସଂଗଠନ ପକ୍ଷରୁ 200 ମିଟର ଲମ୍ବ ଜାତୀୟ ପତାକା ପ୍ରଦର୍ଶନକୁ ଆଜି ବିଭିନ୍ନ ମହଲରେ ପ୍ରଶଂସା କରାଯାଇଛି। ମାହେଶ୍ୱରୀ ସଂଗଠନ ବଲାଙ୍ଗିର ର ପରିଚଳନା ନିର୍ଦ୍ଦେଶକ ଅଙ୍କୁଶ କୁମାର ପାଣ୍ଡିଆ, ଓ ସଭାପତି ଶୋଭନ ଅଗ୍ରୱାଲା ଙ୍କ ପରାମର୍ଶ ଓ ତତ୍ତ୍ୱl ବଧlନ ରେ ମାହେଶ୍ୱରୀ ତରଭା ଶାଖା ର ସଭାପତି ପ୍ରଦୀପ ମେହେର ଙ୍କ ସଭାପତିତ୍ବ ରେ ଅନୁଷ୍ଟିତ ଏକ ସଚେତନତା ସଭା କୁ ମାଧବ ସାହୁ ,  କାଞ୍ଚନ ବହିଦାର, ଓ କଳ୍ପଲତା ମେହେର ସଂଯୋଜନା କରିଥିଲେ l   ଏନ ଏ ସି ଉପାଧ୍ୟକ୍ଷl ଗଗନ ଅଗ୍ରୱାଲା, ଉପଦେଷ୍ଟl ଦଶରଥ ସାହୁ, ଏ ଇ ଏସ୍ କଲେଜ ଅଧ୍ୟକ୍ଷା ମିନତି ମିଶ୍ର,  ବରିଷ୍ଠ ନାଗରିକ ସୂର୍ଯ୍ୟ ନାରାୟଣ ସାହୁ, ଅତିଥି ଭାବେ ଯୋଗ ଦେଇଥିଲେ l ମୁନ ପଟ୍ଟନାୟକ ସଭା ପରିଚାଳନା କରିଥିବା ବେଳେ , ଦିନବାନ୍ଧବ ବାଗ, ବୁବୁନ୍ ରଣା, ରିଙ୍କୁ ବଗର୍ତ୍ତି, ରିଙ୍କୁ ମେହେର, ପ୍ରଶାନ୍ତ ସେଠୀ, ସିଦ୍ଧାର୍ଥ ନାଗ, ଅଭିଷେକ ଝାଙ୍କର ପ୍ରମୁଖ ସମସ୍ତ ସଦସ୍ୟ ସକ୍ରିୟ ଅଂଶ ଗ୍ରହଣ କରିଥିଲେ l