26-Jan-2024

ବଲାଙ୍ଗୀର/ତରଭା(ପ୍ରେରଣା ଖବର)- ତରଭା ବ୍ଲକ ମେଣ୍ଡା ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ଲକ୍ଷ୍ମୀନ୍ଦ୍ର ପର୍ଡିଆ(୮୦)ଙ୍କ ପରଲୋକ ହୋଇଯାଇଛି । ଗତ କିଛିଦିନ ହେଲା ସେ ଅସୁସ୍ଥ ହୋଇ ଚିକିତ୍ସିତ ହେଉଥିଲେ । ଶୁକ୍ରବାରଦିନ ୧୦ଟା ସମୟରେ ତାଙ୍କ ମେଣ୍ଡା ପର୍ଡିଆପଡା ସ୍ଥିତ ବାସଭବନରେ ଦେହାନ୍ତ ହୋଇଥିଲା । ସେ ୧୯୮୪-୮୯,୧୯୯୭-୨୦୦୨ ଓ ୨୦୦୨-୨୦୦୭ ମସିହା ପର୍ଯ୍ୟନ୍ତ ୩ ଥର ମେଣ୍ଡା ଗ୍ରାମପଞ୍ଚାୟତର ସରପଞ୍ଚ ଭାବରେ ଜିଣି ପଞ୍ଚାୟତର ଅନେକଗୁଡିଏ ଉନ୍ନୟନମୂଲକ କାମ କରାଇ ତରଭା ତଥା ସୋନପୁର ଜିଲ୍ଲାର ଜଣେ ଜଣାଶୁଣା ବ୍ୟକ୍ତିଥିଲେ । ତାଙ୍କ ବିୟୋଗରେ ତରଭା ଅଞ୍ଚଳରେ ଶୋକର ଛାୟା ଖେଳିଯାଇଛି । ଅଞ୍ଚଳର ଅନେକ ବିଶିଷ୍ଟ ବ୍ୟକ୍ତି ତାଙ୍କ ବାସଭବନକୁ ପହଞ୍ଚି ତାଙ୍କର ଶେଷଦର୍ଶନ କରିଥିଲେ । ମୃତ୍ୟୁ ବେଳକୁ ତାଙ୍କ ୪ପୁଅ ପ୍ରଶନ୍ନ,ପ୍ରଦୀପ,ପ୍ରମୋଦ,ପ୍ରତାପ,ତିନି ଝିଅ ପଦ୍ମିନୀ,ପ୍ରଭାସିନୀ,ରୋଜି, ଭାଇ ଗଜେନ୍ଦ୍ର,ସୁରେନ୍ଦ୍ର,ନରେନ୍ଦ୍ର ,ପୁତ୍ରବଧୁ,ନାତିନାତୁଣୀ ତଥା ପରିବାର ବର୍ଗ ଉପସ୍ଥିତ ଥିଲେ । ମେଣ୍ଡା ନିକଟସ୍ଥ ସୁକତେଲନଦୀର ସ୍ମଶାନଘାଟରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା ଓ ତାଙ୍କ ଜ୍ୟେଷ୍ଠପୁତ୍ର ପ୍ରଶନ୍ନ ପର୍ଡିଆ ମୁଖାଗ୍ନୀ ଦେଇଥିଲେ ।