23-Jan-2024

ସୋନପୁର, (ମନୋରଞ୍ଜନ ତ୍ରିପାଠୀ )  ଗାନ୍ଧୀ ଷ୍ଟାଡିୟମରେ ଚାଲିଥିବା ଲାଲମନୀ ସର୍ବଭାରତୀୟ କ୍ରିକେଟ ଟୁର୍ଣ୍ଣାମେଣ୍ଟର ତୃତୀୟ ଦିବସରେ ନାଗପୁର କରିମ୍ ସ୍ପୋର୍ଟିଂ ସୋନପୁର ଜିଲ୍ଲା କ୍ରିକେଟ୍ ସଂଘକୁ ହରାଇ ସେମି ଫାଇନାଲରେ ପ୍ରବେଶ କରିଛି 
ଟି୨୦ ମ୍ୟାଚରେ ନାଗପୁର ଦଳ ଟସ୍ ଜିଣି ପ୍ରଥମେ ବ୍ୟାଟିଂ ପାଇଁ ନିଷ୍ପତ୍ତି ନେଇଥିଲା । ନିର୍ଦ୍ଧାରିତ ଓଭରରେ ନାଗପୁର ଦଳ ୬ ଉଇକେଟ୍ ହରାଇ ୧୩୫ ରନ୍ ସଂଗ୍ରହ କରିଥିଲା । ଦଳ ପକ୍ଷରୁ ଆଶୁତୋଷ ସିଂହ ସର୍ବାଧିକ ୨୯ ବଲ୍‌ରେ ୫୧ ରନ୍  କରିଥିଲେ । ସେହିପରି ରକି ରାଜ ୨୪ ବଲ୍‌ରେ ୨୭ ରନ୍ କରିଥିଲେ । ସୋନପୁର ଦଳର ସୁମନ ମହାରଣା ଓ କେଜି କ୍ରିଷ୍ଣା ୨ଟି ଲେଖାଏଁ ଉଇକେଟ୍ ନେଇଥିଲେ । ଏହାର ଜବାବରେ ସୋନପୁର ଦଳ ୯ ଉଇକେଟ୍ ହରାଇ୧୧୧ ରନ୍‌ରେ ସିମୀତ ହୋଇ ଯାଇଥିଲା । ଦଳ ପକ୍ଷରୁ ସୁରଜ ମହାପାତ୍ର ୨୮ ବଲ୍‌ରେ ୩୭ ରନ୍ ଓ କେ.ଗୋପାଳ କ୍ରିଷ୍ଣା ୧୪ ବଲ୍‌ରେ ୧୮ ରନ୍ କରିଥିଲେ ।  ସେହିପରି ଟ୧୦ ମ୍ୟାଚରେ ନାଗପୁର ଦଳ ୫ ଉଇକେଟ୍ ହରାଇ ୧୦୦ ରନ୍ କରିଥିଲା । ଜବାବରେ ସୋନପୁର ଦଳ ନିର୍ଦ୍ଧାରିତ ଓଭରରେ ୮ ଉଇକେଟ୍ ହରାଇ ୯୩ ରନ୍ କରିବାକୁ ସକ୍ଷମ ହୋଇଥିଲା । 
ନାଗପୁର ଦଳର ଆଶୁତୋଷ ସିଂହଙ୍କୁ ମ୍ୟାନ ଅଫ୍ ଦି ମ୍ୟାଚ ଘୋଷଣା କରାଯାଇଛି । ସୋନପୁର ଥାନା ଆଇଆଇସି ପଦ୍ମାସିନୀ ମେହେର ଅତିଥି ଭାବେ ଯୋଗ ଦେଇ ଆଜିର ମ୍ୟାଚକୁ ଶୁଭାରମ୍ଭ କରିଥିଲେ । ଓସିଏ ସ୍ୱିକୃତିପ୍ରାପ୍ତ ଅମ୍ପାୟାର ଅମିୟ ଭୂଷଣ ସାହୁ ଏବଂ ଶ୍ୟାମ ସୁନ୍ଦର ପଣ୍ଡା ମ୍ୟାଚ ପରିଚାଳନା କରିଥିଲେ । ସେହିପରି ଗତ କାଲି  ଦ୍ବିତୀୟ ଦିନ ର ମ୍ୟାଚ୍ ରେ  ସୁନ୍ଦରଗଡ଼  ନବ ଜୀବନ ଦଳ କୁ ସୁପର ଓଭର୍ ରେ ହରାଇ ଏମ୍ ସି ସି ସମ୍ବଲପୁର  ଦଳ ବିଜୟୀ ହୋଇ ପ୍ରଥମ ସେମି ଫାଇନାଲ ରେ ପ୍ରବେଶ କରିଛି l