29-Jul-2023

ଆଗଲପୁର, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ସରପଞ୍ଚ ସଂଘ ତରଫରୁ ବିଡ଼ିଓ ଶଙ୍କର କେରକେଟା ଙ୍କ ଜରିଆରେ ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ 6 ଦଫା ଦାବି ସମ୍ବଳିତ ଏକ ଦାବିପତ୍ର ପ୍ରଦାନ l ଏହି ଦାବିପତ୍ର ଦେବା ସମୟରେ ସଂଘର ସଭାପତି ଶ୍ରୀ ବିଜୟ କୁମାର ବେହେରା ଓ ସମ୍ପାଦକ ଶ୍ରୀ ଜୟଲାଲ୍ ସିନ୍ଦୂର ଓ ସମସ୍ତ ପଂଚାୟତ ର ସରପଞ୍ଚ ଉପସ୍ଥିତ ଥିଲେ l ସେମାନେ ହେଲେ ଡୁଡୁକା ସରପଞ୍ଚ ଶ୍ରୀ ଅଶୋକ ପଟେଲ,ମୂର୍ସୁଣ୍ଡି ସରପଞ୍ଚ ଶ୍ରୀ ରଥୀ ସାହୁ, ବକଟି ସରପଞ୍ଚ ଙ୍କ ପ୍ରତିନିଧି ଶ୍ରୀ ସୀତାରାମ ପୁରୋହିତ, ନଅଗାଁ ସରପଞ୍ଚ ଶ୍ରୀ ବୃନ୍ଦାବନ ସେଠ୍, ସୁଲତା ପୁରୋହିତ ମଧ୍ୟ ଉପସ୍ଥିତ ଥିଲେ l

ଏହାସହ ସମସ୍ତ ପଞ୍ଚାୟତ ର ସରପଞ୍ଚ ଓ ସରପଞ୍ଚ ଙ୍କ ପ୍ରତିନିଧି ଯୋଗ ଦେଇଥିଲେ l ଦାବି ପତ୍ର ରେ ସର୍ବମୋଟ 6 ଗୋଟି ଦାବି ଉପରେ ଆଲୋକପାତ କରା ଯାଇଛି l ଯେଉଁଟା କି ,ପ୍ରଧାନମନ୍ତ୍ରୀ ଆବାସ ଯୋଜନାରେ ବଞ୍ଚିତ ଥିବା ଯୋଗ୍ୟ ହିତାଧିକାରୀ ମାନଙ୍କୁ ସରପଞ୍ଚ ମାନଙ୍କ ଅବଗତି ରେ ଅନ୍ତର୍ଭୁକ୍ତ କରାଯାଉ l ନିକଟ ଅତୀତରେ ରାଜ୍ୟ ସରକାରଙ୍କ ଆମ ଓଡ଼ିଶା ନବିନ ଓଡ଼ିଶା ଯୋଜନା ଏକ ଗୁରୁତ୍ବପୂର୍ଣ୍ଣ ଯୋଜନା ଅଟେ କିନ୍ତୁ ପରିତାପର ବିଷୟ ଉକ୍ତ ଯୋଜନାରେ ସରପଞ୍ଚ ମାନଙ୍କୁ ସିଧା ସଳଖ ସାମିଲ କରା ଯାଇ ନାହିଁ ତେଣୁ ଏହି ଯୋଜନାରେ ସିଧା ସଳଖ ସାମିଲ କରା ଯାଉ l ଗ୍ରାମ ପଞ୍ଚାୟତ ସ୍ତରରେ ସରପଞ୍ଚ ମାନଙ୍କ ଭୂମିକା ଯଦିଓ ଗୁରୁତ୍ଵ ପୂର୍ଣ୍ଣ ଅଟେ ତା ହିସାବରେ ଦିଆ ଯାଉଥିବା ଭତ୍ତା ବୃଦ୍ଧି କରାଯାଉ l ସରପଞ୍ଚ ମାନଙ୍କ ଅବସର ପରେ ଅବସର ଭତ୍ତା 20,000 କୋଡ଼ିଏ ହଜାର ଟଙ୍କା କରାଯାଉ l ଗ୍ରାମ ପଞ୍ଚାୟତ ସ୍ତରରେ ଯେ କୌଣସି ଉନ୍ନତି ମୂଳକ କାର୍ଯ ହେଉଛି ସେ ବିଷୟରେ ସରପଞ୍ଚ ମାନଙ୍କୁ ଅବଗତ କରାଯାଉ l ବଲାଙ୍ଗିର ଜିଲ୍ଲା ଲୋୟର ସୁକତେଲ ଜଳସେଚନ ପ୍ରକଳ୍ପ ରୁ ଆଗଲପୁର ବ୍ଲକର ସମସ୍ତ ଗ୍ରାମ ଗୁଡ଼ିକୁ ଜଳସେଚନ ର ବ୍ୟବସ୍ଥା କରାଯାଉ l ଏ ସମସ୍ତ ଦାବି ପୂରଣ ନ ହେଲେ ଆଗାମୀ ଦିନରେ ସଂଘ ରାଜ ରାସ୍ତାକୁ ଓଲ୍ହାଇବେ ବୋଲି ଚେତାବନୀ ଦେଇଛନ୍ତି l