28-Jul-2023

ବରଗଡ଼:-ଆଜି ଅପରାହ୍ନ ୪.୩୦ମିନିଟ ସମୟରେ ବରଗଡ଼ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଜିଲ୍ଲାପାଳ ଶ୍ରୀମତୀ ମୋନିଷl ବାନାର୍ଜୀ ଙ୍କ ଅଧକ୍ଷତାରେ ଆଗାମୀ ସ୍ୱାଧୀନତା ଦିବସ ପାଳନ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି l ବୈଠକ ରେ ଏସପି ଶ୍ରୀ ପି. ଏସ. ମୀନା , ଅତିରିକ୍ତ ଜିଲ୍ଲାପାଳ ଶ୍ରୀ ମିର୍ଦ୍ଧା ଟପ୍ପୋ , ଉପଜିଲ୍ଲାପାଳ ଶ୍ରୀ ଲଲାଟ ଲୁହା, ସମସ୍ତ ବିଭାଗୀୟ ଅଧିକାରୀ, ବିଭିନ୍ନ ଶିକ୍ଷା ଅନୁଷ୍ଠାନର ଅଧକ୍ଷ, ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇ ଆଲୋଚନା ରେ ଅଂଶ ଗ୍ରହଣ କରିଥିଲେ l ଆଗାମୀ ସ୍ୱାଧୀନତା ଦିବସ ରେ କାର୍ଯ୍ୟସୂଚୀ ଅନୁଯାୟୀ ରାମଧୁନ, ପ୍ରଭାତ ଫେରି, ପରେଡ ଉତ୍ସବ, ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହେବ l ପରେଡ ରେ ମୋଟ ୪୩ ଗୋଟି ଦଳ ଭାଗ ନେବା ବେଳେ ପରିଚାଳନା ରିଜର୍ଭ ପୋଲିସ ପକ୍ଷରୁ କରାଯିବ l ପାଣିମୋରାର ସ୍ୱାଧୀନତା ସଂଗ୍ରାମୀ ମାନଙ୍କ ସ୍ମୃତିକୁ ନେଇ ବରିଷ୍ଠ ନାଗରିକ ସଂଘ

ତରଫରୁ, ତଥା ବିଭିନ୍ନ ଅନୁଷ୍ଠାନ ର ଛାତ୍ର ଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯିବା ନେଇ ସର୍ବ ସମ୍ମତି କ୍ରମେ ପ୍ରସ୍ତାବ ଗୃହୀତ ହେଲା l ସର୍ବୋପରି ଆସନ୍ତା ଜିଲ୍ଲା ସ୍ତରୀୟ ସ୍ୱାଧୀନତା ଦିବସ ମହା ସମାରୋହରେ ପାଳନ କରା ଯିବାନେଇ ନିଷ୍ପତି ନିଆଗଲା l ବୈଠକ କୁ ଜିଲ୍ଲା ସୂଚନା ଲୋକ ସମ୍ପର୍କ ଅଧିକାରୀ ଶ୍ରୀମତୀ କଲ୍ୟାଣୀ ଦାଶ ପରିଚାଳନା କରିଥିବା ବେଳେ ସମସ୍ତ ବିଭାଗର ଅଧିକାରୀ , ବିଭିନ୍ନ ଅନୁଷ୍ଠାନ ର ସଭାପତି, ଶିକ୍ଷକ ଶିକ୍ଷୟିତ୍ରୀ, ଗଣମାଧ୍ୟମ ର ପ୍ରତିନିଧିଓ ବୁଦ୍ଧିଜିବୀ ଗଣ ଉପସ୍ଥିତ ଥିଲେ l