27-Jul-2023

ସମ୍ବଲପୁର (ସଂଜୀବ ପାଣିଗ୍ରାହୀ )
 ସିନ୍ଦୁରପଙ୍କ ସ୍ଥିତ ଡା ଜନାର୍ଦ୍ଦନ ପୂଜାରୀ ଉଚ୍ଚ ବିଦ୍ୟାଳୟରେ ଆଜି ଓଡିଶା ସାଂସ୍କୃତିକ ସମାଜର ଚନ୍ଦ୍ରଶେଖର ବେହେରା ୧୫୦ତମ ଜନ୍ମ ବାର୍ଷିକୀ ସମିତି ପକ୍ଷରୁ ଏକ ସଭା ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷକ  ମହିପାଳ ସ୍ୱାଇଁଙ୍କ ସଭାପତିତ୍ୱରେ ଆୟୋଜିତ ହୋଇଥିବା ଏହି ସଭାରେ ମୁଖ୍ୟଅତିଥି ଭାବରେ ଯୋଗଦେଇ ବିଶିଷ୍ଟ ଶିକ୍ଷାବିତ ତଥା ସାଂସ୍କୃତିକ ସମାଜର ବରିଷ୍ଠ ସଦସ୍ୟ  ପ୍ରଫେସର ସନ୍ତୋଷ କୁମାର ଦାଶ ଚନ୍ଦ୍ରଶେଖର ବେହେରାଙ୍କୁ ଜଣେ ସଚ୍ଚୋଟ ଦେଶସେବକ ଓ ସମାଜ ସଂସ୍କାରକ ଭାବରେ ଅବିହିତ କରି ତାଙ୍କ ମହତ କାର୍ଯ୍ୟ ଗୁଡିକ ସମ୍ପର୍କରେ ଆଲୋଚନା କରିଥିବା ବେଳେ ମୁଖ୍ୟବକ୍ତା ସାହିତ୍ୟିକ ହୃଷୀକେଶ ପୂଜାରୀ ତାଙ୍କ ବକ୍ତବ୍ୟରେ ଓଡିଆ ଭାଷା ସୁରକ୍ଷା ଦିଗରେ ଚନ୍ଦ୍ରଶେଖରଙ୍କ ଅବଦାନ ଓ ପ୍ରଚେଷ୍ଟା ଉପରେ ଆଲୋଚନା କରିଥିଲେ। ସମିତିର ଆବାହକ ରାମାନୁଜ ପଣ୍ଡା ଚନ୍ଦ୍ରଶେଖରଙ୍କ ଜୀବନୀ ସମ୍ପର୍କରେ ଶିକ୍ଷାର୍ଥୀମାନଙ୍କୁ କହିଥିଲେ। ପ୍ରଧାନ ଶିକ୍ଷକ ଶ୍ରୀ ସ୍ୱାଇଁ  ଧନ୍। ଧନ୍ୟବାଦ ଅର୍ପଣ କରିଥିଲେ।ସଭାରେ ସାଂସ୍କୃତିକ ସମାଜର ସହସମ୍ପାଦକ ସୁରେଖା ସାହୁଙ୍କ ସମେତ ଅନୁଷ୍ଠାନର ବହୁ ଶିକ୍ଷକ କର୍ମଚାରୀ ଉପସ୍ଥିତ ଥିଲେ।