25-Jul-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ମାୟାବର୍ହା ହାଇସ୍କୁଲକୁ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡ଼ା. ରାଧାକାନ୍ତ ଗଡତିଆ ପରିଦର୍ଶନ କରିଛନ୍ତି । ପ୍ରଧାନଶିକ୍ଷକ ରବିଚନ୍ଦ୍ର ପଶାୟତଙ୍କ ଅଧ୍ୟକ୍ଷତାରେ ଆୟୋଜିତ ହୋଇଥିବା ସ୍କୁଲ ହାଉସ ଫର୍ମେସନ୍ ସଭାରେ ଡ଼ା ଗଡତିଆ ଛାତ୍ରଛାତ୍ରୀ ମାନଙ୍କୁ ଭଲ ପାଠ ଅଭ୍ୟାସ କରିବା ସହିତ 5T ମାଧ୍ୟମରେ ଯୋଗାଇ ଦିଆଯାଉଥିବା  ସ୍ମାର୍ଟ କ୍ଲାସରୁ ଶିକ୍ଷା ଗ୍ରହଣ, 

ଇ-ଲାଇବ୍ରେରୀ, ବିଜ୍ଞାନାଗାରର ସଦୁପଯୋଗ ଭଳି  ବିଭିନ୍ନ ଆଧୁନିକ ବ୍ୟବସ୍ଥାକୁ ସଦୁପଯୋଗ କରିବାକୁ  ମାର୍ଗଦର୍ଶନ କରିଥିଲେ। ନବମ ଏବଂ ଦଶମ ଶ୍ରଣୀର ସମସ୍ତ ଛାତ୍ରଛାତ୍ରୀଙ୍କୁ 

 ଗଙ୍ଗା, ଗୋଦାବରୀ, ବ୍ରହ୍ମପୁତ୍ର ଓ ମହାନଦୀ ନାମରେ ଚାରିଗୋଟି ହାଉସ ରେ ଭାଗ କରି ଆଗାମୀ ଦିନରେ ଶିକ୍ଷା ଓ ସାଂସ୍କୃତିକ କାର୍ଯ୍ୟକ୍ରମରେ ସାମିଲ କରିବାକୁ ବିଧିବଦ୍ଧ ଯୋଜନା ପ୍ରସ୍ତୁତ କରାଯାଇଛି। ବରିଷ୍ଠ ଶିକ୍ଷକ ଦିନବନ୍ଧୁ ପ୍ରଧାନ କାର୍ଯକ୍ରମ କୁ ସଂଯୋଜନ କରିଥିଲେ। କାର୍ଯ୍ୟକ୍ରମରେ ସମସ୍ତ ଶିକ୍ଷକ ଓ ଶିକ୍ଷା କର୍ମଚାରୀବୃନ୍ଦ ଉପସ୍ଥିତ ରହି ସହଯୋଗ କରିଥିଲେ ।