24-Jul-2023

ବଲାଙ୍ଗିର(ପ୍ରେରଣା ଖବର ): ବଜ୍ରପାତ ବା ବିଜୁଳି ମାରିବା ଯୋଗୁଁ ଅନେକ ଜୀବନ ହାନି ହେଉଅଛି । ଏହାକୁ ଲକ୍ଷ୍ୟ କରି ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ସ୍ଥିତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର  ଜୁନିୟର ରେଡକ୍ରସ ଆନୁକୂଲ୍ୟରେ ବଜ୍ରପାତ ପ୍ରତି ସାବଧାନ ସଚେତନତା କାର୍ଯ୍ୟକ୍ରମ  ଅନୁଷ୍ଠିତ ହୋଇଯାଇଛି 

ବିଦ୍ୟାଳୟର ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କର ପ୍ରତ୍ୟକ୍ଷ  ତତ୍ତ୍ୱବଧାନରେ ଅନୁଷ୍ଠିତ କାର୍ଯ୍ୟକ୍ରମରେ  ବିପତ୍ତି
ଓ ବିପର୍ଯ୍ୟୟ  ପରିଚାଳନା ସାଧନ କର୍ମୀ   ରାମ ନାରାୟଣ ଦାଶ ଯୋଗଦେଇ ଥିଲେ । ଘଡଘଡି ଶବ୍ଦ ଶୁଣିଲେ ଖୋଲା ସ୍ଥାନରୁ ଯଥାଶୀଘ୍ର କୌଣସି ନିରାପତ୍ତା ଆଶ୍ରୟ ସ୍ଥଳି ଭିତରକୁ ଚାଲି ଆସିବା, ଶରୀରରୁ ଧାତୁ ତିଆରି ଜିନିଷ ଅଲଗା କରିବା, ଘର ଭିତରେ ଥିବା ବେଳେ ଝରକା, କବାଟ ଓ କାନ୍ଥ ଠାରୁ ଛାଡି କରି ରହିବା, ବିଦ୍ୟୁତ ପ୍ରବାହିତ ବସ୍ତୁ ଠାରୁ ଦୂରେଇ

ରହିବା, ଟେଲିଫୋନ ଓ ମୋବାଇଲ ଫୋନ ବ୍ୟବହାର ନ କରିବା, ଯଥା ସାଧ୍ୟ କମ ଉଚ୍ଚତାରେ ରହିବା, କୌଣସି ଗଛ ତଳେ ନ ରହିବା ପାଇଁ ଛତ୍ରଛାତ୍ରୀଙ୍କୁ ବୁଝାଇଥିଲେ । ବଜ୍ରପାତରୁ ରକ୍ଷା ପାଇବା ପାଇଁ ବସିବା କୌଶଳ ବିଷୟରେ ଡେମୋଷ୍ଟେସନ ମାଧ୍ୟମରେ ଛତ୍ରଛାତ୍ରୀଙ୍କୁ   ବିପତ୍ତି ଓ ବିପର୍ଯ୍ୟୟ ପରିଚାଳନା ସାଧନ କର୍ମୀ ଶିଖାଇ ଥିଲେ । ଛତ୍ରଛାତ୍ରୀମାନେ ନିଜ ନିଜ ପରିବାର ସଦସ୍ୟ ତଥା ଗ୍ରାମବାସୀଙ୍କୁ ସଚେତନ କରିବା ପାଇଁ ବଜ୍ରପାତ ପ୍ରତି ସାବଧାନତା ପୋଷ୍ଟର ବଣ୍ଟନ କରଯାଇଥିଲା ।  କାର୍ଯ୍ୟକ୍ରମରେ ଶିକ୍ଷକ ସୁଦର୍ଶନ ଦାଶ, ସମୀର ସେଠୀ, ଶିକ୍ଷୟିତ୍ରୀ  ରେଣୁକା ସାହୁ, ଦ୍ରୌପଦୀ ଭୋଇ, କାନ୍ତି  ଭୋଇ,  ଛାତ୍ରଛାତ୍ରୀ ଉପସ୍ଥିତ ରହି ସହଯୋଗ କରିଥିଲେ ।  କାର୍ଯ୍ୟକ୍ରମକୁ ବିଜ୍ଞାନ ଶିକ୍ଷକ ଲିଙ୍ଗରାଜ ନନ୍ଦ ପରିଚାଳନା କରିଥିଲା ବେଳେ ଶିକ୍ଷକ  ଦୀପକସେନ ଧରୁଆ  ଧନ୍ୟବାଦ ଅର୍ପଣ କରିଥିଲେ ।