02-Jul-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର) ଏହି ବ୍ଲକରେ ଦୀର୍ଘ ୬ମାସ ହେଲା କିରୋସିନି ଲୋକଙ୍କୁ ଦିଆଯାଇ ନାହିଁ । କିରୋସିନି ନ ଦେବାର କାରଣ କଣ ? କିରୋସିନି ଆସିଛିକି ନାହିଁ । ଯଦି ଆସି ନାହିଁ କାରଣ କଣ ଏଭଳି ଅନେକ ଅଭିଯୋଗ ସହିତ ଆହି ଜିଲ୍ଲା ବିଜେପିର ସଂପାଦକ ହେମନ୍ତ ବିଶ୍ୱାଳଙ୍କ ନେତୃତ୍ୱରେ ବହୁ ବିଜେପି କର୍ମୀ ଡୁଙ୍ଗୁରିପାଲି ବ୍ଲକ କାର୍ଯ୍ୟାଳୟରେ ପହଞ୍ଚି ନାରାବାଜି କରିବା ସହ ପ୍ରସାଶନକୁ ନାକେଦମ କରିଥିଲେ । ଶ୍ରୀଯୁକ୍ତ ବିଶ୍ୱାଳଙ୍କ ନେତୃତ୍ୱରେ କର୍ମୀମାନେ ବାହାରି ଯୋଗାଣ ବିଭାଗ, ଜିଲ୍ଲା ଯୋଗାଣ ଅଧିକାରୀ ମୁର୍ଦ୍ଧାବାଦ, ହାଏ ହାଏ ବୋଲି ନାରାବାଜି ଦେଇ ବ୍ଲକ କାର୍ଯ୍ୟାଳୟରେ ପହଞ୍ଚି ଥିଲେ । ଯୋଗାଣ ଅଧିକାରୀ ସୁବ୍ରତ ପାଣୀଙ୍କୁ  ଏବିଡିଓ ଆନନ୍ଦ ଚନ୍ଦ୍ର ମିଶ୍ରଙ୍କ ଉପସ୍ଥିତିରେ କିରୋସିନି କାହିିଁକି ଦିଆଯାଉ ନାହିଁ ବୋଲି ପ୍ରଶ୍ନ କରିଥିଲେ । ଆଗାମୀ ବନ୍ୟାକୁ ଦୃଷ୍ଟିରେ ରଖି ସରକାର ବିଭିନ୍ନ ବନ୍ୟା ଅଂଚଳରେ ଆବଶ୍ୟକ ସାମଗ୍ରୀ ମହଜୁଦ ରଖିବାକୁ ସଚେତନ କରୁଛନ୍ତି । ଉକ୍ତ ଆବଶ୍ୟକ ସାମଗ୍ରୀ ମଧ୍ୟରେ କିରୋସିନି ଅନ୍ତର୍ଭକ୍ତ । ଡୁମେର ପାଲି, ଗିଧମାଲ ଭଳି ଉପାନ୍ତ ଗ୍ରାମରେ ବର୍ଷା ପାଣିରେ ଲୋକେ ବାହାରିପାରୁ ନଥିବା ବେଳେ ପ୍ରଶାସନ କାହିଁକି ନିରବ ବୋଲି କହିଥିଲେ ।  କିରୋସିନି ଦର କେତେ ବୋଲି ଅଧିକାରୀଙ୍କୁ ପଚାରିବାରୁ ସେ ଜାଣି ନଥିବା କହିଥିଲେ । କିନ୍ତୁ ଧାନ ଦର କେତେ କହିଥିଲେ । ଏହାକୁ ନେଇ ବିଜେପି କଟାକ୍ଷ କରିଥିଲା । ଧାନରେ କମିଶନି ଥିବାରୁ ଏହାର ମୂଳ୍ୟ ଅଧିକାରୀଙ୍କୁ ଜଣା ଥିବା ବେଳେ କିରୋସିନି ଦର ଜାଣି ଲାଭ କଣ ବୋଲି କହିଥିଲେ ।  ଆହୁରି ମଧ୍ୟ ୫ଟି ସଚିବ କିରୋସିନି ମୁଳ୍ୟ କହିବାକୁ ମନା କରିଛନ୍ତି କି ବୋଲି ଶ୍ରୀଯୁ୍‌କ୍ତ ବିଶ୍ୱାଳ ଅଭିଯୋଗ କରିଥିଲେ । ବ୍ଲକକୁ କର୍ମଚାରୀମାନେ ଦୈନନ୍ଦିନ ଠିକ୍ ସମୟରେ ଆସୁନଥିବା ମଧ୍ୟ ବିଡିଓ ତ୍ରିପୁର ମହାନନ୍ଦଙ୍କଠାରେ ଅଭିଯୋଗ କରିଥିଲେ । ଏହାର ଉଚ୍ଚ ସ୍ତରୀୟ ତଦନ୍ତ କରି ଲୋକଙ୍କୁ କିରୋସିନୀ ଯୋଗାଇ ଦେବାକୁ ଏକ ଦାବୀ ପତ୍ର ବିଡଓ ଶ୍ରୀଯୁ୍‌କ୍ତ ମହାନନ୍ଦଙ୍କୁ ପ୍ରଦାନ କରିଥିଲେ ।  ଦାବୀ ପତ୍ର ପ୍ରଦାନ ବେଳେ ଶୁଖା ମଣ୍ଡଳ ସଭାପତି ସୁରେଶ ପଧାନ, କଳାକାହ୍ନୁ ମହାନନ୍ଦ, ନିମାଇଁ ଚରଣ ସାହୁ,  ଅଣାକାର ବୁଶେଶ୍ୱର, ଦଶରଥ ମେହେର, ମନସି ସିଂହ,  ବାସୁଦେବ ସାହୁ, ଅରଛୁ ସେଠୀ, ବସନ୍ତ ପତି,  ହେମନ୍ତ ଗଡତିଆ, ନରେନ୍ଦ୍ର ସେଠୀ, ଦେବରାଜ ବେହେରା, ବାସୁଦେବ ଦଣ୍ଡସେନା,  ଉତ୍ତମ ତାଣ୍ଡି ପ୍ରମୁଖ ସାମିଲ ଥିଲେ । ଆଗାମୀ ୪ତାରିଖରେ ଡୁଙ୍ଗୁରିପାଲି ବ୍ଲକକୁ ୫ଟି ସଚିବଙ୍କ ଗସ୍ତ ପୂର୍ବରୁ ବିଜେପିର ବ୍ଲକ ସମ୍ମୁଖରେ ଶକ୍ତି ପ୍ରଦର୍ଶନକୁ ଦେଖି ପ୍ରଶାସନର ଚିନ୍ତା ବଢିଯାଇଥିବା ଆଲୋଚନା ହେଉଛି । ଆଗାମୀ ଦିନରେ ବିଜେପି ପକ୍ଷରୁ ଅନେକ କାର୍ଯ୍ୟକ୍ରମ କରାଯିବ ବୋଲି ଶ୍ରୀଯୁକ୍ତ ବିଶ୍ୱାଳ ପ୍ରକାଶ କରିଥିବା ବେଲେ କଣ ଏବଂ କିଭଳି କାର୍ଯ୍ୟକ୍ରମ କରାଯିବ ତାହାକୁ ନେଇ ନାନା ପ୍ରଶ୍ନ ଦେଖା ଦେଇଛି ।