02-Jul-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର) ଏହି ବ୍ଲକର ଚିନାଯୁରୀ କ୍ଲଷ୍ଟର ଅନ୍ତର୍ଗତ ଅନ୍ତପାଲି ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଜିତେନ୍ଦ୍ର ବିଶ୍ୱାଳଙ୍କ ଆଜି ଚାକିରୀ କାର୍ଯ୍ୟକାଳ ସରିଯାଇଛି ।ଏହି ଅବସରରେ ତାଙ୍କୁ କ୍ଲଷ୍ଟର ସ୍ତରୀୟ ତଥା ଗ୍ରାମବାସୀଙ୍କ ପକ୍ଷରୁ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଆଜିର ଏହି ଦୃଶ୍ୟ ଦେଖିଲେ ଜଣେ କର୍ତ୍ତବ୍ୟନିଷ୍ଟ ଶିକ୍ଷକକୁ ଆଜିର ସମାଜରେ ଲୋକେ କିଭଳି ସମ୍ମାନ ଦେଉଛନ୍ତି ତାହା ଦେଖିଲେ ଜଣାପଡିବ । ବିଦାୟୀ ଶିକ୍ଷକ ଶ୍ରୀଯୁକ୍ତ ବିଶ୍ୱାଳ ଗତ ୨୦୦୫ ମସିହାରୁ ଉକ୍ତ ବିଦ୍ୟାଳୟରେ ଦୀର୍ଘ ୧୮ ବର୍ଷ ନିରବଛିନ୍ନ ଭାବରେ ଶିକ୍ଷକତା କରିଆସୁଥିଲେ । ସେଠାରେ କେବେ ବଦଳୀ ମଧ୍ୟ ହୋଇ ନାହିଁ । ସ୍କୁଲ ଶିକ୍ଷକ ନୁହେଁ ସେ ଗାଁର ଜଣେ ବାସିନ୍ଦା ଭଲି ବ୍ୟବହାର କରି ଆସୁଥିଲେ । ବିଭିନ୍ନ ସମୟରେ ସେ ଗରୀବ , ମେଧାବୀ ଛାତ୍ରମାନଙ୍କୁ ସାହାଯ୍ୟ କରିବା ସହ ଗାଁ ସ୍କୁଲକୁ ଜମି କିଣି ପ୍ରଦାନ କରିବାରେ ତାଙ୍କର ପ୍ରମୁଖ ଯୋଗଦାନ ଥିବା ଗ୍ରାମବାସୀ ପ୍ରକାଶ କରିଛନ୍ତି । ଉକ୍ତ ଗ୍ରାମର ଲୋକେ ଡୁଙ୍ଗୁରିପାଲି ଡାକ୍ତରଖାନା କିମ୍ବା କୌଣସି କାମରେ ଆସିଲେ ସେମାନଙ୍କୁ ବିଭିନ୍ନ ସମୟରେ ସହଯୋଗ କରି ରୋଗୀଙ୍କୁ ଡାକ୍ତରଖାନା ନେବା, ଡାକ୍ତରଙ୍କୁ ଦେଖା କରିବା ଭଳି ଅନେକ ସେବା ମଧ୍ୟ ଦେଇ ଆସୁଥିଲେ । ସେ ଗ୍ରାମବାସୀଙ୍କ ହୃଦୟରେ ଜଣେ ଆଦର୍ଶ ଶିକ୍ଷକ, ସମାଜସେବା, କର୍ତ୍ତବ୍ୟନିଷ୍ଠ ଶିକ୍ଷକ ଭାବରେ ରହିଯାଇଛନ୍ତି । ଆଜି ଗ୍ରାମବାସୀ ସଂର୍କୀତ୍ତନ୍ୟ ସହିତ ଗ୍ରାମପରିକ୍ରମା କରି ପ୍ରତ୍ୟେକ ଘରେ ତାଙ୍କର ପାଦ ଧୌତ କରି ଅଶୃଳ ବିଦ୍ୟାୟ ଦେଇଥିଲେ । ଗ୍ରାମବାସୀ ତିତେରକୁନ୍ଦରୁ ଡୁଙ୍ଗୁରିପାଲିକୁ ଏକ ସୁସଜ୍ଜିତ ଗାଡିରେ ବାଜା, କିର୍ତ୍ତନ୍ୟ ସହିତ ତାଙ୍କ ବାସଭବନରେ ଛାଡିଥିଲେ । ଗାଁ ସ୍କୁଲରେ ଗାଁ ଗୌନ୍ତିଆଙ୍କ ତତ୍ତ୍ୱାବଧାନରେ ଆଜି ଏକ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ଏଥିରେ ପରିଚାଳନା କମିଟିର ସଭାପତି ଉମାକାନ୍ତ ବରିହା, ଶିକ୍ଷକ ଟେକଧର ସାହୁ, ସିଆରସିସି ରମେଶ ଭୋଇ, ସୁନୀଳ ଚିନ୍ଦ୍ରା, ବିଜୟ ସାହୁ, ବ୍ୟାସଦେବ ଭୋଇ, ଶାନ୍ତନୁ ସାହୁ, ଥବିର ବୁଡେକ , ଗ୍ରାମ୍ୟ କମିଟୀର ସୁରେନ୍ଦ୍ର ରାଉତ, ଶଙ୍କର ପୁଟା, ଗୋବିନ୍ଦ ନାଏକ ପ୍ରମୁଖ ଉପସ୍ଥିତ ଥିଲେ । ସମ୍ବର୍ଦ୍ଧନାର ପ୍ରତ୍ୟୁତ୍ତତରେ ଶିକ୍ଷକ ଶ୍ରୀଯୁକ୍ତ ବିଶ୍ୱାଳ କହିଥିଲେ ଯେ ଜଣ ଶିକ୍ଷକର କେବେ ଅବସର ନାହିଁ । ସେ ସବୁ ବେଳେ ଅନ୍ୟକୁ ଶିକ୍ଷା ଦେଇ ଆସୁଥିବ ବୋଲି କହିଥିଲେ । ଡୁଙ୍ଗୁରିପାଲି ସହର ପରିକ୍ରମା କରି ତାଙ୍କ ବାସଭବନରେ ଛାଡି ଦେଇଥିଲେ । ଶତାଧିକ ଗ୍ରାମବାସୀ, ଛାତ୍ରଛାତ୍ରୀ ପ୍ରମୁଖ ସାମିଲ ଥିଲେ । ଗାଁରେ ପହଞ୍ଚିବା ପରେ ଡୁଙ୍ଗୁରିପାଲି ସରପଞ୍ଚ ଚିତ୍ତରଞ୍ଜନ ମିଶ୍ର, ସଚେତନ ନାଗରୀକ ଗୋପାଳ ବାରିକ, ଗଣମାଧ୍ୟମର ପ୍ରତିନିଧି ମଧ୍ୟରେ ରତ୍ନାକର ସେଠ, ସାଗର ଜେନା, ପ୍ରକାଶ ହାତୀ, ସୁଦାମ ସାହୁ ପ୍ରମୁଖ ସ୍ୱାଗତ କରି ତାଙ୍କର ଅବସର ଜୀବନ ସୁସ୍ଥ ,ନିରାମୟ ଏବଂ ଦୀର୍ଘଜିବନ କାମନା କରିଥିଲେ ।