02-Jul-2023

ବଲାଙ୍ଗୀର, ବଲାଙ୍ଗୀର ନାଗରିକ କମିଟିର ୨୦ତମ  ସାଧାରଣ ପରିଷଦ ବୈଠକ ସ୍ଥାନୀୟ ଟାଉନ  ଉଚ୍ଚ ବାଳିକା ବିଦ୍ୟାଳୟ ଠାରେ ସଭାପତି ଇଂ ବେଲାରସିଂ ଭୋଇ ଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । କମିଟିର ସାଧାରଣ ସଂପାଦକ ମନୋରଂଜନ ସାହୁ କମିଟି ତରଫରୁ ନେଇଥିବା ବିଭିନ୍ନ ପଦକ୍ଷେପ ଉପରେ ଆଲୋକପାତ କରି ସଭାକୁ ପରିଚାଳନା କରିଥିଲେ । ଏଥିରେ ନାଗରିକ କମିଟି ତରଫରୁ ଏକ ପ୍ରତିନିଧି ମଣ୍ଡଳୀ ପୌରସଂସ୍ଥା ସହ ହୋଇଥିବା ଆଲୋଚନା ବିଷୟରେ ତର୍ଜମା କରି ଆଗକୁ ବିଭିନ୍ନ କାର୍ଯ୍ୟ ତଦାରଖ କରିବା ପାଇଁ ପ୍ରସ୍ତାବ ଗୃହୀତ ହୋଇଥିଲା । ସେହିପରି ପ୍ରତ୍ୟେକ ୱାର୍ଡ ରୁ କମିଟିର ପ୍ରତିନିଧି ଙ୍କ ନାମ ପୌରସଂସ୍ଥାକୁ ଦେବା, ଯୁଦ୍ଧକାଳୀନ ଭିତ୍ତିରେ ନାଳନର୍ଦ୍ଦମା ସଫା ରଖିବା,ଜଳାଶୟର ପୁନଃରୁଦ୍ଧାର, ପୃଥ୍ୱୀରାଜ ଗୋଶାଳା, ବାଏପାସ ରାସ୍ତାର ଅଗ୍ରଗତି  ଓ  ସହରର ଅନ୍ୟାନ୍ୟ ସମସ୍ୟା ସଂପର୍କରେ ଆଲୋଚନା ହାଇଥିଲା । ଡାକ୍ତରଖାନାରେ ଖାଲି ଥିବା ପଦବୀ ବିଶେଷ କରି କେର୍ଡିଓଲୋଜିଷ୍ଟ ବିଭାଗରେ କର୍ମଚାରୀ ଅଭାବକୁ ନେଇ କମିଟି ତରଫରୁ କ୍ଷୋଭ ପ୍ରକାଶ ପାଇଥିଲା । ବନୋମହୋତ୍ସବ ଉପଲକ୍ଷେ ଆଗାମୀ ଦିନରେ ହେବାକୁ ଥିବା ବୃକ୍ଷରୋପଣ କାର୍ଯ୍ୟକ୍ରମ ସଂପର୍କରେ ସ୍ଥାନୀୟ ବନବିଭାଗ  ସହ ସଂପର୍କ ରକ୍ଷା କରିବା ପାଇଁ କମିଟି ତରଫରୁ ଏକ ପ୍ରତିନିଧି ଦଳ ଗଠନ କରାଯାଇଛି, ଯାହାର ଆବାହକ ଉପସଭାପତି ନିତ୍ୟାନନ୍ଦ ମିଶ୍ର ଓ ସଭ୍ୟ ରୂପେ ପର୍ଶୁରାମ ନାୟକ, ସରୋଜ ଚୋପଦାର, ଅଶୋକ ସାହୁ ଓ ପ୍ରଶାନ୍ତ ପଟ୍ଟନାୟକଙ୍କୁ ମନୋନୀତ କରାଯାଇଛି । ଆଲୋଚନାରେ ଅନ୍ୟ ମାନଙ୍କ ମଧ୍ୟରେ ଗୋପଭୂଷଣ ନାଥ, କିଶୋର ମୋହନ ମିଶ୍ର, ଜୟରାମ ମିଶ୍ର, ଗୋପବନ୍ଧୁ ପୁରୋହିତ, ନରେଶ ଦାଶ, ଅଶୋକ ମିଶ୍ର, ମାଲିଆ ଗଡୁଆ ପ୍ରମୁଖ ଅଂଶଗ୍ରହଣ କରିଥିଲେ । ଶେଷରେ ସହସଂପାଦକ ଚକ୍ରପାଣି ଦାଶ ଧନ୍ୟବାଦ ଅର୍ପଣ କରିଥିଲେ ।