01-Jul-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ): ସୋନପୁର ମଝିପଡ଼ା  ମେଡିକାଲ ସମ୍ମୁଖରେ ଅବସ୍ଥିତ ସର୍ବପୁରାତନ ହନୁମାନ ମନ୍ଦିରର କଳସ ପ୍ରତିଷ୍ଠା ଉତ୍ସବ ଓ ମନ୍ଦିର ପୁନଃରୁଦ୍ଧାର କାର୍ଯ୍ୟକ୍ରମ ଆଜି ଉଦଯାପିତ ହୋଇ ଯାଇଛି l ତିନି ଦିନ ଧରି ଚାଲିଥିବା ଏହି ଉତ୍ସବକୁ ରାମଃଧୁନ କ୍ଲବ, ରାମଜୀ ମନ୍ଦିର ଓ ହନୁମାନ ମନ୍ଦିର କମିଟି ସଦସ୍ୟଙ୍କ ଦ୍ୱାରା ଆୟୋଜିତ ଏହି ଉତ୍ସବରେ 

 ୨୯ ତାରିଖ ଦିନ କଳସ ଯାତ୍ରାରେ ଶହ ଶହ ମହିଳା ସାମିଲ ଥିଲେ l ୩୦ ତାରିଖ ଶୁକ୍ରବାର ଦିନ  ହୋମଯଜ୍ଞ, ଅଷ୍ଠ ପ୍ରହରୀ ନାମଯଜ୍ଞ ଓ କଳସ ସ୍ଥାପନ ଅନୁଷ୍ଠିତ ହୋଇଥିବା ବେଳେ ଆଜି ଏହି ଉତ୍ସବ  ଯଜ୍ଞ ଓ ହଜାର ଲୋକଙ୍କ ପାଇଁ ସାମୁହିକ ପ୍ରସାଦ ସେବନର ବ୍ୟବସ୍ଥା କରାଯାଇ ପୂର୍ଣ୍ଣାହୁତି ସହ ଉଦଯାପିତ କରାଯାଇଛି l ସ୍ୱାମୀ ସ୍ୱରୂପାନନ୍ଦ ସରସ୍ବତୀଙ୍କ ତତ୍ୱାବଧାନରେ ଅନୁଷ୍ଠିତ ଏହି ଉତ୍ସବରେ ସ୍ୱାସ୍ଥ୍ୟ ମନ୍ତ୍ରୀ ନିରଞ୍ଜନ ପୂଜାରୀ ଯୋଗ ଦେଇ ପ୍ରଭୁ କୃପା ଲାଭ କରିଥିଲେ l ଯଜ୍ଞର କର୍ତ୍ତା ଭାବେ ଅଟଳ ମହାପାତ୍ର ସପତ୍ନୀ ଓ କଳସ ସ୍ଥାପନ କର୍ତ୍ତା ଭାବେ ପଦ୍ମନାଭ ସପତ୍ନୀ  ଅଂଶଗ୍ରହଣ କରିଥିବା ବେଳେ କଇରୁ ସ୍ୱାଇଁ, ବୃନ୍ଦାବନ ଦଳାଇ, ମନ ବୁଧ ଭୋଇ, ପିୟୁଷ ପଣ୍ଡା, ବିକାଶ ପଣ୍ଡା, ସନ୍ତୋଷ ପାଢ଼ୀ, ଲଡ଼ୁ ମଲ୍ଲିକ ପ୍ରମୁଖ ସମସ୍ତ ସଭ୍ୟ ସହଯୋଗ କରିଥିଲେ l