02-Jun-2023

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ ଅନ୍ତର୍ଗତ ବୁଦୁଲା ପଞ୍ଚାୟତର ଡେଙ୍ଗଜୁରି ଗ୍ରାମରେ ଜଳ ଯୋଗାଣ ପ୍ରକଳ୍ପ ପାଇଁ ଇଂଟେକ ୱେଲ ର ନିର୍ମାଣ ଚାଲିଛି l ହେଲେ ତାହା ଅତି ନିମ୍ନ ମାନର କାମ ହେଉଥିବା ଗ୍ରାମବlସୀ ଅଭିଯୋଗ କରିଛନ୍ତି l ଏ ବିଷୟରେ ବିଭାଗୀୟ ଯନ୍ତ୍ରୀଙ୍କୁ ଫୋନଯୋଗେ ଗ୍ରାମବାସୀ ଜଣାଇ ଥିଲେ ସୁଦ୍ଧା କିଛି ଲାଭ ହେଉନାହିଁ l ଠିକାଦାର ଗ୍ରାମବାସୀଙ୍କ କଥାକୁ ଶୁଣୁ ନାହାନ୍ତି l ଗ୍ରାମବାସୀଙ୍କ ଅଭିଯୋଗ ହେଉଛି  ନିର୍ମାଣ କାମରେ ଠିକ୍ ପରିମାଣରେ ବାଲି ସିମେଣ୍ଟ ଦିଆ ଯାଉନାହିଁ l ଏଠି ପୁଣି ପଥର ଯୋଡ଼େଇ କାମ ହେଉଛି l  ଆପଣ ଦେଖିଲେ ଆଶ୍ଚର୍ଯ୍ଯ ହୋଇଯିବେ, ଖାଲି ପଥରକୁ ପଥର ଉପରେ ଥୋଇ ଦିଆଯାଇଛି l ବାଲି ସିମେଣ୍ଟ କିଛି ଦିଆ ଯାଉନାହିଁ କେବଳ ଖାଲି ପଥର କାନ୍ଥର ଉପରେ ଉପରେ ବାଲି ସିମେଣ୍ଟ ମିଶାଇ ଦିଆଯାଉଛି l ଇଏ କି ପ୍ରକାର ର କାମ l ଠିକାଦାର ଓ ଯନ୍ତ୍ରୀଙ୍କ ମଧୁଚନ୍ଦ୍ରିକା ରେ ହେଉଛି କାମ। ସରକାରଙ୍କ କୋଟି କୋଟି ଟଙ୍କାର ଯୋଜନା ବାଟ ମାରଣା ହେଉଛି।ପ୍ରକୃତ ଫାଇଦା ଲୋକେ ପାଇ ପାରୁ ନାହାଁନ୍ତି। ଠିକାଦାରକୁ ଗ୍ରାମବାସୀ ଏ ବିଷୟ ନେଇ ପଚାରିଥିଲେ ହେଲେ କିଛି ଲାଭ ଦେଇ ନାହିଁ l ତୁରନ୍ତ ଉଚ୍ଚପଦସ୍ଥ ଅଧିକାରୀ ଏ ବିଷୟକୁ ଦୃଷ୍ଟି ଦେବାକୁ ଗ୍ରାମବାସୀ ଦାବି କରିଛନ୍ତି l ଗ୍ରାମର ୱାର୍ଡ ମେମ୍ବର ସୁଧୀର ସେଠ ଠିକାଦାର ଓ ଯନ୍ତ୍ରୀ ଙ୍କୁ ଯୋଗାଯୋଗ କଲେ ମଧ୍ୟ କିଛି ଲାଭ ହେଉନାହିଁ l ଠିକାଦାର ତା ହିସାବରେ କାମ କରିବା ସହ ଉକ୍ତ କାର୍ଯ୍ୟ ରେ ପ୍ରୋଜେକ୍ଟ ପିଲର ର ଚିନ୍ହବର୍ଣ୍ଣ ନାହିଁ l ମନମୁଖୀ ନିର୍ମାଣ କାମ ଚାଲୁଅଛି ଏଣୁ ଶୀଘ୍ର ଏହାର ପ୍ରତିକାର ପାଇଁ ଗ୍ରାମାସୀ ଅନୁରୋଧ କରିଛନ୍ତି l ଗ୍ରାମର ସୁଧୀର ସେଠ୍ ,ପଞ୍ଚମ ଭୋଇ, କଲାକାହୁଁ ଭୋଇ,ସୁବଳ ବିଶ୍ଵାଳ, ପୃଥ୍ୱୀରାଜ କଳସାଏ, ଦାଶରଥି କଳସାଏ, ଈଶ୍ୱର ବିଶି ଓ ଚତ୍ରୁ ଆଡବାଙ୍କ ପ୍ରମୁଖ ଏପରି ଅନିୟମିତତା ନେଇ ଅଭିଯୋଗ କରିଛନ୍ତି l