31-May-2023

ବ୍ରହ୍ମପୁର (ଝିଲ୍ଲି କୁମାରୀ ସାହୁ): ଗଞ୍ଜାମ ଜିଲ୍ଲା ପଦୋନ୍ନତି ଆଶାୟୀ ପ୍ରାଥମିକ ଶିକ୍ଷକ ସଂଘ ପକ୍ଷରୁ ଜରୁରୀ ବୈଠକ ଗେଟ୍ ବଜାର ସ୍ଥିତ ଏନଜିଓ ହଲ୍ ଠାରେ ଅନୁଷ୍ଠିତ ହୋଇଥିଲା । ୨୦୧୯ କ୍ଯାଡର୍ ରୁଲ୍ ଅନୁଯାୟୀ ପ୍ରାଥମିକ ଶିକ୍ଷକ ମାନଙ୍କ ପଦୋନ୍ନତି ପ୍ରକ୍ରିୟାରେ ଘଟିଥିବା ବିଭିନ୍ନ ତ୍ରୁଟି ପୂର୍ଣ୍ଣ ପରିଚାଳନା ସମ୍ବନ୍ଧରେ ଆଲୋଚନା କରାଯାଇ ଉଚ୍ଚଶିକ୍ଷା କତୃପକ୍ଷଙ୍କୁ ଦୃଷ୍ଟି ଆକର୍ଷଣ କରାଯିବାକୁ ନିଷ୍ପତ୍ତି କରାଯାଇ ଥିଲା। ଗଞ୍ଜାମ ଜିଲ୍ଲାପାଳଙ୍କ ସମେତ ବିଭାଗୀୟ ମନ୍ତ୍ରୀ, ସଚିବ, ପ୍ରମୁଖ ସଚିବ ଓ ଫାଇବ୍ ଟି ସଚିବଙ୍କୁ ଏନେଇ ଆଜି ଲିଖିତ ଦାବିପତ୍ର ପ୍ରଦାନ କରାଯାଇଛି।

ଦାବିଗୁଡିକ ହେଲା --

 ୧.ଗଞ୍ଜାମ ଜିଲ୍ଲା ଶିକ୍ଷାଧିକାରୀଙ୍କ  ଯେଉଁ ଫାଇନାଲ୍ ଗ୍ରେଡ ଲିଷ୍ଟ କରାଯାଇଥିଲା ସେଥିରେ ଅନେକ ଭୁଲ ତଥ୍ୟ ଥିବାସମ୍ପର୍କରେ ବିଭିନ୍ନ ଶିକ୍ଷକ ସଂଘ ପକ୍ଷରୁ ଅଭିଯୋଗ କରାଯାଇ ଥିଲା । ଅତ୍ୟନ୍ତ ଦୁଃଖଦ ଘଟଣା ଯାହା ଆଜିଯାଏଁ ସଂଶୋଧନ କରାଯାଇ ପାରି ନାହିଁ  । 
୨. ୧୧/୦୨/୨୦୧୧ପରେ ଉଚ୍ଚଶିକ୍ଷାହାସଲ କରିଥିବା  ଶିକ୍ଷକ /ଶିକ୍ଷୟିତ୍ରୀ ମାନଙ୍କୁ କାର୍ଯ।ଳୟପକ୍ଷରୁ ସେହି ସମ୍ପର୍କିତ ତଥ୍ୟ ମଗାଯାଇଛି, ବୋଲି ବିଶ୍ୱସ୍ତ ସୂତ୍ରରୁ ଜଣାପଡ଼ିଛି  । ଯାହାକି ପଦୋନ୍ନତୀ ରୁ ବଂଚିତ କରିବା ପାଇଁ ଜିଲ୍ଲା ଶିକ୍ଷା ଧିକାରୀଙ୍କ କାର୍ଯ୍ୟ।ଳୟ  ମସୁଧା ଚଳାଇଛି ଯାହାକୁ ସଂଘ ପକ୍ଷରୁ ଦୃଢ଼ ପ୍ରତିବାଦ କରାଯାଇଛି  ।

୩ .ଓଟିଇଟି ପରୀକ୍ଷା । କେବଳ ନିଯୁକ୍ତି ପାଇଁ ଉପଯୁକ୍ତ ଏହି ପରୀକ୍ଷା ପଦୋନ୍ନତି ପାଇଁ ସମ୍ପୃକ୍ତ ନୁହଁ  ।
୪  .ପ୍ରାଥମିକ ଶିକ୍ଷା।ନିର୍ଦ୍ଦେଶକଙ୍କ ଚିଠି ୧୦୬୮ଅନୁଯାଇ ତା୧୧-୦୨-୨୦୧୧ପରେ ଉଚ୍ଚଶିକ୍ଷାକରି ଗ୍ରାଜୁଏଟ ଶିକ୍ଷକ ପାଇଁ ଅପ୍ସନ ଦେଇଥିବେ ସେମାନଙ୍କ ଓ.ଟି.ଇ.ଟି -୨  ପାସ ଦିନଠାରୁ ଚାକିରୀରେ ବରିଷ୍ଠତା ଗ୍ରହଣ କରାଯିବ, ଯାହାକି ୨୦୧୯ କ୍ୟାଡ଼ର ରୁଲର ସମ୍ପୂର୍ଣ୍ଣ ପରିପନ୍ଥୀ  ।
୫.ବିଭିନ୍ନ ଶିକ୍ଷକ ସଂଗଠନ ପ୍ରତିବାଦ ପରେ ଶିକ୍ଷା ନିର୍ଦ୍ଦେଶକଙ୍କ ଶୁଦ୍ଧିପତ୍ର ପ୍ରକାଶ ଯାହା୨୦୧୯ କ୍ୟାଡ଼ର ଆଧାରିତ ଅଟେ  ।
୬. ଶିକ୍ଷକ/ଶିକ୍ଷୟିତ୍ରୀ ମାନଙ୍କୁ ପଦୋନ୍ନତି ଦିଆନଗଲେ କେଉଁ କ୍ୟାଡ଼ର ତାଲିକାରେ ସେମାନଙ୍କୁ ସ୍ଥାନିତ କରାଯିବ ତାହାର ସ୍ପଷ୍ଟୀକରଣ ଦେବେ  ।ବୋଲି ଗଞ୍ଜାମ ଜିଲ୍ଲାର ସମସ୍ତ ପ୍ରାଥମିକ ଶିକ୍ଷକ /ଶିକ୍ଷୟିତ୍ରୀ ଦାବିଜଣାଇଥିଲେ  ।ଏହି କାର୍ଯ୍ୟକ୍ରମ ରେ ଶ୍ରୀ ରାଜେଶ କୁମାର ତାରିଣୀ, ଅବନୀକାନ୍ତ ବେହେରାଙ୍କ ସମେତ ୭୦ଜଣ  ଶିକ୍ଷକ/ ଶିକ୍ଷୟିତ୍ରୀ ସାମିଲ ହୋଇଥିଲେ  ।