31-May-2023

ତୁଷୁରା,(ପଞ୍ଚାନନ ନାଏକ)- ତୁଷୁରା ଏନଏସିର ବିଭିନ୍ନ ନୂତନ ପ୍ରକଳ୍ପକୁ ବୁଧବାର ରାଜ୍ୟ ଜଳସମ୍ପଦ, ବାଣିଜ୍ଯ ଓ ପରିବହନ ମନ୍ତ୍ରୀ ଟୁକୁନୀ ସାହୁ ଉଦଘାଟନ କରିବା ସହ ଏଫଆରଏ ଓ ବସୁନ୍ଧରା ଯୋଜନାରେ ୨୬ଜଣଙ୍କୁ ଜମି ପଟ୍ଟା ବଣ୍ଟନ କରିଥିଲେ। ସହରର ନୂତନ ନିର୍ମାଣ ବିଜୁ ପଟ୍ଟନାୟକ ସ୍ମାର୍ଟ ପାର୍କ, ଆହାର କେନ୍ଦ୍ର, ବିଜୁବାବୁଙ୍କ ପ୍ରତିମୂର୍ତ୍ତି, ଓପନ ଜମି ଉନ୍ନୟନ, ଅମୃତଧାରା ଆଦି ପ୍ରକଳ୍ପ ଉଦଘାଟନ କରିଥିଲେ। ବିଜୁପଟ୍ଟନାୟକ ସ୍ମାର୍ଟ ପାର୍କ ଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା। ଉକ୍ତ ସଭାରେ ମନ୍ତ୍ରୀ ଶ୍ରୀମତୀ ସାହୁ ମୁଖ୍ଯ ଅତିଥି ଭାବେ ଯୋଗଦେଇ ନବୀନ ସରକାର ତୁଷୁରାର ଉନ୍ନତିକରଣ ପାଇଁ ବିଭିନ୍ନ ପ୍ରକଳ୍ପ କରିଚାଲିଛନ୍ତି ବୋଳି ମତ ପ୍ରକାଶ କରିଥିଲେ।  ଜିଲ୍ଲାପାଳ ଚଞ୍ଚଳ ରାଣା ସମ୍ମାନୀତ ଅତିଥି ଭାବେ ଯୋଗଦେଇ ଥିବା ବେଳେ ପଡିଡୁଡା ସୁଦର୍ଶନ ସାଏ, ଆଇପିଏସ ଏ ମିନା, ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଳ,  ଉପାଧ୍ୟକ୍ଷା ମାମୀ ଦାଶ, ତହସିଲଦାର ରବିନ୍ଦ୍ର କୁମାର ପଟେଲ , ଗୁଡ଼ଭେଲାବ୍ଳକ ବିଡିଓ ଗୁରେଶ୍ବର ଭୋଇ ମଞ୍ଚାସୀନ ଥିଲେ। ୨୬ଜଣଙ୍କୁ ଜମିପଟ୍ଟା ପ୍ରଦାନ କରାଯାଇଥିଲା। ଏନଏସିର ଏକାଉଣ୍ଟ  ସୁଦୀପ ସାହୁ ମଞ୍ଚ ପରିଚାଳନା କରିଥିବା ବେଳେ ଏନଏସିର କାର୍ଯ୍ୟନିର୍ବାହୀ ଅଧିକାରୀ ଲକ୍ଷ୍ମଣ ମୁର୍ମୁ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ଏନଏସିର ସମସ୍ତ କାଉନସେଲର, ବୁଦ୍ଧିଜୀବୀ ଉପସ୍ଥିତ ଥିଲେ।