28-May-2023

ସମ୍ବଲପୁର (ସଂଜୀବ ପାଣିଗ୍ରାହୀ )
 ସ୍ଥାନୀୟ ସାମ୍ବାଦିକ ଭବନଠାରେ ସମ୍ବଲପୁରର ପୁରାତନ ନାଟ୍ୟାନୁଷ୍ଠାନ ସମ୍ବଲପୁର ନାଟ୍ଯକଳା ପରିଷଦର ସାଧାରଣ ପରିଷଦ ବୈଠକରେ ଆସନ୍ତା ଦୁଇବର୍ଷ ସକାଶେ ନୂତନ କାର୍ଯ୍ୟକର୍ତ୍ତା ମନୋନୟନ କାର୍ଯକ୍ରମ ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ବରିଷ୍ଠ ସଦସ୍ୟ ମନୋରଞ୍ଜନ ପାଢୀ ନିର୍ବାଚନ ଅଧିକାରୀ ଦାୟିତ୍ତ୍ୱ ତୁଲାଇଥିବା ବେଳେ ଆକାଂକ୍ଷା ପ୍ରସାଦ ମିଶ୍ର ତାଙ୍କୁ ସହ ଅଧିକାରି ଭାବରେ ସହଯୋଗ କରିଥିଲେ  । ନିର୍ବାଚନରେ ସଭାପତି ଭାବରେ ଡ. ଶିବନାରାୟଣ ଶତପଥି,ଉପ-ସଭାପତି ଭାବରେ ଡ. ସୁରୁବାବୁ ମେହେର, ସମ୍ପାଦକ ଭାବରେ ଡ. ସିଦ୍ଧାର୍ଥ ପଣ୍ଡା, ସହସମ୍ପାଦକ ଭାବରେ ବୀରୁପାକ୍ଷ ପ୍ରଧାନ, ଏବଂ କୋଷାଧ୍ୟକ୍ଷ ଭାବରେ ପୂର୍ଣଚନ୍ଦ୍ର ଦାଶ ମନୋନୀତ ହୋଇଥିବା ବେଳେ ଅଶୋକ କୁମାର ମିଶ୍ର,ଅପର୍ଣ୍ଣା ପାଢୀ,ମାହେଶ୍ୱରୀ ପ୍ରସାଦ ପାଣିଗ୍ରାହୀ,ସଂଯୁକ୍ତା ପଣ୍ଡା, ଗୋରେଖଲାଲ ଦାସ, ପ୍ରଶାନ୍ତ ମହାରଣା ଏବଂ ସୂର୍ଯ୍ୟ ପାଣିଗ୍ରାହୀ କାର୍ଯ୍ୟକାରିଣୀ ସଦସ୍ୟ ଭାବରେ ମନୋନୀତ ହୋଇଛନ୍ତି। ଆଗାମୀ ଦିନରେ ଅନୁଷ୍ଠାନ ପକ୍ଷରୁ କିପରି ଅଧିକ ନାଟକ ମଞ୍ଚନ ହୋଇ ପାରିବ ତଥା  ଅନୁଷ୍ଠାନର ଏକ ସ୍ଥାୟୀ ଗୃହ ନିର୍ମାଣକୁ ଅଧିକ ଗୁରୁତ୍ତ୍ବ ଦେଇ କାର୍ଯ୍ୟ କରିବାକୁ ନୂତନ କାର୍ଯ୍ୟକର୍ତ୍ତାମାନେ ପ୍ରକାଶ କରିଛନ୍ତି ।ଶେଷରେ ସହସମ୍ପାଦକ ବୀରୁପାକ୍ଷ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।