22-May-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲାର ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ଡୁମୁରି ଗ୍ରାମରେ ପୂର୍ବତନ ବିଧାୟକ ସ୍ବର୍ଗତ ବୈଷ୍ଣବ ପଧାନଙ୍କ ୨୦ ତମ ଶ୍ରାଦ୍ଧବାର୍ଷିକୀ ଅବସରରେ ରବିବାର ଅନୁଷ୍ଠିତ ହୋଇଥିବା ଅଷ୍ଟ ପ୍ରହରୀ ନାମ ଯଜ୍ଞ ସୋମବାର ଉଦଯାପିତ ହୋଇଯାଇଛି। ସ୍ବର୍ଗତ ବିଧାୟକ ବଡ ପୁଅ ବିବେକାନନ୍ଦ ପଧାନଙ୍କ ତତ୍ବାବଧାନରେ ଅନୁଷ୍ଠିତ ନାମ ଯଜ୍ଞ ରେ ଖଣ୍ଡହତା ପଞ୍ଚାୟତ ସମିତି ସଭ୍ୟ ତଥା ସମାଜସେବୀ ବିନୋବାନନ୍ଦ ପଧାନ ଓ ଧର୍ମପତ୍ନୀ ସ୍ଥାନୀୟ ସରପଞ୍ଚ ସୁନୀତା ପଧାନ କର୍ତ୍ତା ଦାଇତ୍ୱ ତୁଲାଇଥିଲେ। ନାମ ମଣ୍ଡପରେ ପଣ୍ଡିତ ସଦାନନ୍ଦ ପଣ୍ଡା ଓ ଯଜ୍ଞ ମଣ୍ଡପ ଠାରେ ସାଧୁ ଚରଣ ପଣ୍ଡା ସହ ପପୁ ପଣ୍ଡା  ପୂଜା କାର୍ଯ୍ୟ ତୁଲାଇଥିଲେ।‌ ଉକ୍ତ ନାମ ଯଜ୍ଞ ରେ ୩୦ ରୁ ଅଧିକ ମହିଳା ଓ ପୁରୁଷ ସଂକୀର୍ତ୍ତନ ଦଳ  ଯୋଗଦେଇ ଥିଲେ। ଏହି ଅବସରରେ ବୀରମହାରାଜପୁର ବିଧାୟକ ପଦ୍ମନାଭ ବେହେରା, ବୀରମହାରାଜପୁର ବ୍ଲକ ଅଧ୍ୟକ୍ଷା ଶାନ୍ତି ଲୁହା, ପୂର୍ବତନ ଅଧ୍ୟକ୍ଷ ତଥା 'ଓଡ଼ିଶା ମୋ ପରିବାର'ଜିଲ୍ଲା ସଂଯୋଜକ ରଞ୍ଜିତ କୁମାର ରଥ, ଉପାଧ୍ୟକ୍ଷ ନାରାୟଣ ଲୁହା, ହିଲୁଙ୍ଗ ସମିତି ସଭ୍ୟ ଶୈଳରଞ୍ଜନ ବାଦି, ଚମ୍ପାମାଳ ସମିତି ସଭ୍ୟ ଲକ୍ଷ୍ମୀ ନାରାୟଣ ପୁରୋହିତ, ଜଟେସିଂହା ସମିତି ସଭ୍ୟ ରଶ୍ମିତା ପାଣ୍ଡେ, ସଂଗ୍ରାମପୁର ସମିତି ସଭ୍ୟ ସ୍ବପ୍ନା କର୍ମୀ, ଖଣ୍ଡହତା ସରପଞ୍ଚ ଜୟଶ୍ରୀ  ଦେହୁରୀ,ପିତାମହୁଲ ସରପଞ୍ଚ ଆକସ୍ମିତା ବଢିଆ ଓ ବଡ଼ଖମାର ମଠର ବାବାଜୀ ସଦାନନ୍ଦ ଦାସ ପ୍ରମୁଖ ଅତିଥି ଭାବେ ଯୋଗଦେଇ ଥିଲେ। ସକାଳୁ ରୀତିନୀତି ଅନୁସାରେ ପୂଜାର୍ଚ୍ଚନା କରି ପୂର୍ଣ୍ଣାହୁତି  ସହ ନଗର ପରିକ୍ରମା କରାଯାଇଥିଲା।‌ ଏଥିରେ ଗ୍ରାମବାସୀ ଉପସ୍ଥିତ ରହି ସହଯୋଗ କରିଥିଲେ।