21-May-2023

ସିନ୍ଧେକେଲା (ଅନୀଲ କୁମାର ତ୍ରିପାଠୀ ): ଶୁକ୍ରବାର କାଳବୈଶାଖି ଜନିତ ଝଡବର୍ଷା ଯୋଗୁଁ ସିନ୍ଧେକେଲା ଅଞ୍ଚଳରେ ବ୍ଯାପକ କ୍ଷୟକ୍ଷତି ହୋଇଥିବାର ଜଣାପଡିଛି। କୋଉଠି ବିଦ୍ୟୁତ ପୋଲ ଭାଙ୍ଗିଛି ତ କୋଉଠି ଗଛ ଉପୁଡି ପଡିଛି । ସିନ୍ଧେକେଲାରେ ବହୁ ଘଣ୍ଟା ଧରି ବିଦ୍ୟୁତ ସରବରାହ ବନ୍ଦ ରହିଥିବାରୁ ଲୋକେ ପ୍ରବଳ ଗରମରେ ଛଟପଟ ହେଉଥିଲେ।

ସେହିପରି ଜାମଖୁଣ୍ଟା ପଲ୍ଲୀ ପ୍ରଗତି ଉଚ୍ଚ ବିଦ୍ୟାଳୟ ପରିସରରେ ଥିବା କୋଡ଼ିଏ ରୁ ଉର୍ଦ୍ଧ୍ବ ବିରାଟ ବୃକ୍ଷ ପାଚେରୀ ଉପରେ ପଡି ପାଚେରୀ ସମ୍ପୁର୍ଣ୍ଣ ନଷ୍ଟ ହୋଇ ଯାଇଛି। ଖବରପାଇ ଅଗ୍ନିଶମ ବିଭାଗ ଆସି ଗଛ କାଟି ବିଦ୍ୟାଳୟ ପରିସରକୁ ସଫା କରିଥିଲେ। ୫ ଟି ଅଧିନରେ ବିଦ୍ୟାଳୟର ରୁପାନ୍ତରିତ କାର୍ଯ୍ଯ ଚାଲୁଅଛି। ପଛପଟେ ବାଡ ନ ଥିବାରୁ ଗାଇ ଗୋରୁ ବିଦ୍ୟାଳୟକୁ ଅବାଧ ପ୍ରବେଶ କରି ସୌନ୍ଦର୍ଯ୍ୟକରଣ କୁ ନଷ୍ଟ କରିବାର ସମ୍ଭାବନା ଅଛି। ତେଣୁ ଉଚ୍ଚ କର୍ତ୍ତୃପକ୍ଷ ତୁରନ୍ତ ପଦକ୍ଷେପ ଗ୍ରହଣ କରି ପାଚେରୀ ନିର୍ମାଣ କରିବା ପାଇଁ ଜନସାଧାରଣ ଦାବୀ କରିଛନ୍ତି।