21-May-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା  ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ଡୁମୁରି ଗ୍ରାମରେ ପୂର୍ବତନ ବିଧାୟକ ସ୍ବର୍ଗତ ବୈଷ୍ଣବ ପଧାନଙ୍କ ୨୦ ତମ ‌ ଶ୍ରାଦ୍ଧବାର୍ଷିକୀ ଅବସରରେ ଅଷ୍ଟପ୍ରହରୀ ନାମ ଯଜ୍ଞ ପାଇଁ କଳସ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି।  ସକାଳୁ ଗୋଧନେଶ୍ଵର ମହାନଦୀ ପଠାରେ ରୀତିନୀତି ଅନୁସାରେ ପୂଜାର୍ଚ୍ଚନା କରି ଗଙ୍ଗା ମାତାଙ୍କୁ ଆବାହନ କରାଯାଇଥିଲା।

ଶତାଧିକ ମହିଳା ଓ ପୁରୁଷ ‌ପୂର୍ଣ କଳସି ଧରି  ଏକ ଆଧ୍ୟାତ୍ମିକ ପରିବେଶରେ ଶଙ୍ଖ ହୁଳହୁଳି ଧ୍ୱନିରେ ନଗର ପରିକ୍ରମା କରାଯାଇ ଯଜ୍ଞ ମଣ୍ଡପ ସ୍ଥାପନ କରାଯାଇଥିଲା।‌ ଏଥିରେ ସଦାନନ୍ଦ ପଣ୍ଡା ପୂଜା କାର୍ଯ୍ୟ ତୁଲାଇଥିବା ବେଳେ ଖଣ୍ଡହତା ‌ସମିତିସଭ୍ୟ  ବିନୋବା ନନ୍ଦ ପଧାନ ଓ ଧର୍ମପତ୍ନୀ ସ୍ଥାନୀୟ ସରପଞ୍ଚ  ସୁନିତା ପଧାନ କର୍ତ୍ତା ଦାଇତ୍ୱ ତୁଲାଇଥିଲେ। ଏଥିରେ ଗ୍ରାମବାସୀ ଉପସ୍ଥିତ ରହି ସହଯୋଗ କରିଥିଲେ।