19-May-2023

 ବୌଦ୍ଧ(ଦୁର୍ଯ୍ଯୋଧନ ବିଶି ): ଓଡିଶା ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ମାଟ୍ରିକ ପରୀକ୍ଷାର ଫଳ ସାରା ରାଜ୍ୟରେ ପ୍ରକାଶ ପାଇଛି । ଏହି ପରୀକ୍ଷାରେ ଅର୍ପିତା ପ୍ରିୟଦର୍ଶନୀ ବୌଦ୍ଧଜିଲ୍ଲା ଟପର ହୋଇଛନ୍ତି । ଜିଲ୍ଲାର ୭୫ ବିଦ୍ୟାଳୟର ୬୫୧୦ ଜଣ ଛାତ୍ରଛାତ୍ରୀ ଫର୍ମ ଫିଲପ କରିଥିବା ବେଳେ ୧୧୨ ଜଣ ଛାତ୍ରଛାତ୍ରୀ ଅନୁପସ୍ଥିତ ଥିଲେ । ମୋଟ ୬୨୯୯ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ସେଥିମଧ୍ୟରୁ ୨୯୪୧ ଛାତ୍ର ଓ ୩୩୫୮ ଜଣ ଛାତ୍ରୀ ପରୀକ୍ଷା ଦେଇଥିଲେ । ଏଥିରେ ଏ-୧ ଗ୍ରେଡରେ ୮ ଜଣ,ଏ-୨ ଗ୍ରେଡରେ୧୫୪ ଜଣ,ବି-୧ ଗ୍ରେଡରେ୬୨୯ଜଣ, ବି-୨ଗ୍ରେଡରେ ୧୦୭୭,ସି ଗ୍ରେଡରେ ୧୪୬୭ ଜଣ, ଡିଗ୍ରେଡରେ ୧୭୧୦ଜଣ , ଇଗ୍ରେଡରେ ୧୨୫୪ ଜଣ ପାଶ କରିଥିବା ବେଳେ ୯୮ ଜଣ ଫେଲ ହୋଇଥିବା ଜଣାପଡିଛି । ଜିଲ୍ଲାର ୯୬.୭୬ ପାଶ ହାର ଅଛି । ଏ୧ ଗ୍ରେଡରେ ୮ ଜଣ ପାଶ କରିଥିବା ଛାତ୍ରଛାତ୍ରୀଙ୍କ ମଧ୍ୟରୁ ବୌଦ୍ଧ ସରସ୍ୱତୀ ଶିଶୁ ବିଦ୍ୟାମନ୍ଦିରର ଦୁଇଜଣ ଛାତ୍ରୀ ଏ୧ ପାଇଛନ୍ତି । ସେମାନେ ହେଲେ ଅର୍ପିତା ପ୍ରିୟଦର୍ଶନୀ ୫୫୮ ମାର୍କ ଓ ଅପର୍ଣ୍ଣା ମହାପାତ୍ର  ୫୫୬ ମାର୍କ ପାଇଛନ୍ତି । କଣ୍ଟାମାଳ ବ୍ଲକର ତିନି ଜଣ ଛାତ୍ରଛାତ୍ରୀ ଏ୧ରେ ପାଶ କରିଛନ୍ତି । ସେମାନଙ୍କ ମଧ୍ୟରୁ ଘଣ୍ଟାପଡା ସମଲେଶ୍ୱରୀ ସରକାରୀ ଉଚ୍ଚ ବିଦ୍ୟାଳୟର ଛାତ୍ର ସାଗର ମଲିକ ୫୪୦ ମାର୍କ ପାଇଥିବା ବେଳେ ଆମ୍ବଗାଁ ଗ୍ରାମର ଜନତା ସରକାରୀ ଉଚ୍ଚ ବିଦ୍ୟାଳୟର ଛାତ୍ର ପପୁ ପ୍ରଧାନ ୫୪୦ ମାର୍କ ପାଇଥିବା ବେଳେ ଇନ୍ଦିରା ବାଳିକା ଉଚ୍ଚ ବିଦ୍ୟାଳୟ, ମନମୁଣ୍ଡାର ଛାତ୍ରୀ ସାନିଆ ଦେହୁରୀ ୫୪୮ ମାର୍କ ପାଇଛନ୍ତି । ସେହିପରି ହରଭଙ୍ଗା ବ୍ଲକର ରାଜେନ୍ଦ୍ର ନାରାୟଣ ହାଇସ୍କୁଲ, ଧଳପୁରର ଯାଅଁଳା ଭାଇ ଓମ ପ୍ରସାଦ ହୋତା ୫୫୦ ନମ୍ବର ରଖିଥିବା ବେଳେ  ତାଙ୍କର ଭାଇ ସତ୍ୟ ପ୍ରସାଦ ହୋତା ୫୪୦ ମାର୍କ ପାଇଛନ୍ତି । ସେହିପରି ବୌଦ୍ଧ ବ୍ଲକର ବାଉଁଶୁଣୀ ବାଳିକା ଉଚ୍ଚ ବିଦ୍ୟାଳୟର ଛାତ୍ରୀ ଅଲିଭା ମହାକୁଳ ୫୪୬ ମାର୍କ ପାଇ ପାଶ ହୋଇଛନ୍ତି ।