17-May-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ମଙ୍ଗଳବାର ଅନୁଷ୍ଟିତ ସପ୍ତମ ରାଉଣ୍ଡର ଦ୍ଵିତୀୟ ମ୍ୟାଚରେ ପିସିସିକୁ ହରାଇ ଅତୁଳ ବିଜୟୀ ହୋଇଛି । ଟଚ ଜିଣି ଅତୁଳ-୧୧ ପ୍ରଥମେ ବ୍ୟାଟିଂ କରି ୧୦ଓଭରରେ ୫ୱିକେଟ ହରାଇ ୮୫ରନ କରିଥିଲା ତାର ଜବାବରେ ପିସିସି ୬ୱିକେଟ ହରାଇ ମାତ୍ର ୭୦ରନ କରି ପରାଜିତ ହୋଇଥିଲା । ମ୍ୟାଚକୁ ସପଲିନ ପଣ୍ଡା ଓ ସବ୍ୟସାଚୀ ମିଶ୍ର ପରିଚାଳନା କରିଥିବା ବେଳେ ସ୍କୋରର ଭାବେ ଆନନ୍ଦ ବଢେଇ ଏବଂ ମ୍ୟାଚର ଧାରାବିବରଣୀ ଶଶାଙ୍କ ଶେଖର ଦାସ ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ କୋଷାଧ୍ୟକ୍ଷ ହିମାଂଶୁ ଶେଖର ପୁଟେଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବରେ ବିନିକା ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ,ସମ୍ମାନିତ ଅତିଥି ଭାବେ ବିନିକା-ଫୁଲମୁଠୀ ମହିଳା ଜୁନିଅର କଲେଜ ଗୃହ ବିଜ୍ଞାନ ବିଭାଗ ଅଧ୍ୟାପିକା ବୈଜୟନ୍ତୀ ସାହୁ,ଖେଳ ଶିକ୍ଷୟତ୍ରୀ ବିନ୍ଦୁଲତା କର,ବିଶିଷ୍ଟ କବିୟତ୍ରୀ ଗୀତାଞ୍ଜଳି ମିଶ୍ର,ବିନିକା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରର ଜନସ୍ବାସ୍ଥ୍ୟ ସମ୍ପ୍ରସାରଣ ଅଧିକାରୀ ବିନ୍ଦୁ ଲୋହାର ପ୍ରମୁଖ ଯୋଗଦେଇ ବିଜେତା/ଉପ ବିଜେତା ଓ ମ୍ୟାନ ଅଫ ଦି ମ୍ୟାଚ ଅଜୁ ପୁରୋହିତ,ବେଷ୍ଟ ବ୍ୟାଟ୍ସମ୍ୟାନ ଭରତ ମହାକୁର,ବେଷ୍ଟ ବୋଲଲ ବାବୁଲା ଝାଙ୍କର ପ୍ରମୁଖଙ୍କୁ ମାନପତ୍ର

ଓ ପୁରସ୍କାର ଦେଇ ସମ୍ମାନିତ କରାଯାଇଥିଲା ।ବୁଧବାର ବାଦୀ ବ୍ରଦରସ ବନାମ ସାଗର-୧୧ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ସେମାନଙ୍କୁ ପୁରସ୍କାର ପ୍ରଦାନ ପାଇଁ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲା ଶାରୀରିକ ଶିକ୍ଷା ଅଧିକାରୀ(ଏଲପିଇ) ସତ୍ୟ ନାରାୟଣ ତ୍ରୀପାଠୀ,ସ୍ଵତନ୍ତ୍ର ଅତିଥି ଭାବେ ଯୁବ ଆଇନଜୀବୀ ଠଣସୁନ୍ଦର ଭେସେରା,ସମ୍ମାନିତ ଅତିଥି ଭାବେ ପୂର୍ବତନ କ୍ରିକେଟ ତାରକା ରଞ୍ଜନ ବଢେଇ,ଯୁବ ବ୍ୟବସାୟୀ ଅନିଲ କୁମାର ମାହାର,ଧରିତ୍ରୀ ସ୍ପୋର୍ଟୀଙ୍ଗ ଓନର ସୁଶାନ୍ତ ବାଘ ପ୍ରମୁଖ ଯୋଗଦେବେ ବୋଲି ଆୟୋଜକଙ୍କ ସୁତ୍ରରୁ ପ୍ରକାଶ ।