17-May-2023

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ) ଜିଲ୍ଲାପାଳ ଙ୍କ ସମ୍ମିଳନୀ କକ୍ଷରେ ଜିଲ୍ଲା ସଡକ ସୁରକ୍ଷା କମିଟି ବୈଠକ ଅନୁଷ୍ଠିତ ହୋଇଯାଇଛି l  ଜିଲ୍ଲାପାଳ ସୁବର୍ଣ୍ଣପୁର ଶ୍ରୀଯୁକ୍ତ ସୂର୍ଯ୍ୟନାରାୟଣ ଦାଶ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ  ସମ୍ମାନନୀୟ ଅତିଥିଭାବେ ଆରକ୍ଷୀ ଅଧିକ୍ଷକ ସୁବର୍ଣ୍ଣପୁର ଶ୍ରୀଯୁକ୍ତ ଅମରେଶ ପଣ୍ଡା ଯୋଗଦାନ କରିଥିବା ବେଳେ ବୈଠକରେ ଜିଲ୍ଲାର ଅନ୍ୟାନ୍ୟ ସମ୍ପୃକ୍ତ ପଦସ୍ଥ ଅଧିକାରୀ ଙ୍କ ସହ କମିଟିର ସଦସ୍ୟ ସଦସ୍ୟା ପ୍ରମୁଖ ଅଂଶଗ୍ରହଣ କରିଥିଲେ। ଜିଲ୍ଲାପାଳ ଶ୍ରୀ ଦାଶ ଦୁର୍ଘଟଣା ଜନିତ ମୃତ୍ୟୁ ର ପ୍ରକୃତ କାରଣକୁ ସଠିକ ଭାବରେ ଅନୁଧ୍ୟାନ କରିବା ପାଇଁ ଏମଭିଆଇ ଓ ପୋଲିସ ବିଭାଗ କୁ ନିର୍ଦେଶ ଦେଇଥିଲେ । ଆରକ୍ଷୀ ଅଧିକ୍ଷକ ସୁବର୍ଣ୍ଣପୁର ତାଙ୍କ ବକ୍ତବ୍ୟରେ କହିଲେ ଯେ, ବିନା ହେଲମେଟ ପରିଧାନ କରି ଦୁଇ ଚକିଆ ଗାଡି ଚଲେଇବା କୁ ଦୁର୍ଘଟଣା ଜନିତ ମୃତ୍ୟୁହାର  ବୃଦ୍ଧିର ପ୍ରକୃତ କାରଣ  ବୋଲି କହିଛନ୍ତି । ତେଣୁ ଯେଉଁ ଦୁଇ ଚକିଆ ଗାଡି ଚାଲାକ ମାନେ ବିନା ଲାଇସେନ୍ସ ଏବଂ ବିନା ହେଲମେଟ ରେ ଗାଡି ଚଲେଇବେ, ସେମାନଙ୍କ ଗାଡି କୁ ଜବତ କରାଯାଇ  ଚାଲାଣ ମୁତାବକ ଜରିମାନା ଆଦାୟ କରାଯିବ ।
ତତ୍ପରେ ଜିଲ୍ଲାର ବିଭିନ୍ନ ବ୍ଲକ ରେ ଦୁର୍ଘଟଣା ଜନିତ ଆହତ ମାନଙ୍କୁ ଠିକ ସମୟରେ ମେଡିକାଲ ରେ ପହଞ୍ଚାଇ ଉପଯୁକ୍ତ ଚିକିତ୍ସା ର ବ୍ୟବସ୍ଥା କରିଥିବା ୯ ଜଣ ଗୁଡ଼ ସାମରିଟନ ମାନଙ୍କୁ ମାନ ପତ୍ର ସହ ପ୍ରତ୍ୟକ କେଶ ପାଇଁ  ୨୦୦୦ ଟଙ୍କା ହିସାବ ରେ ୨୪୦୦୦ ଟଙ୍କା ର ଚେକ ରାଜକୁମାର ମେହେର, ଅନିଲ  କୁମାର  ମେହେର, ଅକ୍ରୁର ପଧାନ,   ଶତ୍ରୁଘନ ପଧାନ, ଶିବଶଙ୍କର  ନାଏକ, ଗୁଜୁନୁ ସିଂ, ମୁନା ଜମିଦାର, ସାବନ ନାୟକ ଓ ମୋହନ ବନଛୋର ଙ୍କୁ ପ୍ରଦାନ କରାଯାଇଥିଲା l