16-May-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ):  କଅଁଳ ବୟସରେ ବା ଅଷ୍ଟମ ଶ୍ରେଣୀର ଶେଷ ଭାଗରେ ଡା. ଚିତ୍ତ ରଞ୍ଜନ ତ୍ରିପାଠୀଙ୍କ ଏକମାତ୍ର ଅଲିଅଳ ପୁଅ ସମ୍ବିତ( ଲିଙ୍କନ ) ର ମାଆଙ୍କ ଅକାଳ ବିୟୋଗରେ ସ୍ମଶାନଘାଟରେ  ଅନ୍ତିମ ସଂସ୍କାର କରିବାକୁ ପଡିଥିଲା  ଛାତ୍ର ଲିଙ୍କନକୁ l  ଶ୍ରୀ ରାମେଶ୍ୱର ସ୍ମଶାନ ଘାଟରେ ମା ଙ୍କୁ ମୁଖାଗ୍ନି ଦେଇ ସିଧା ଚାଲି ଆସିଥିଲା ଗ୍ରୀଡ଼କୋ କଲୋନୀ ଘରକୁ l  ଖୁବ ଅଳ୍ପ ଦିନ ପରୀକ୍ଷା ଅଛି l ସେପଟେ  ମା ସ୍ବର୍ଗୀ୍ୟା ଦୀପାରାଣୀ ମଧ୍ୟ ତାକୁ ସବୁବେଳେ ଗାଇଡ଼ କରି ତାଗିଦ ବି କରୁଥିଲେ ବାବୁ କ୍ଲାସ ଷ୍ଟାଣ୍ଡାର୍ଡ ସିକ୍ସ ରୁ ସ୍କୁଲ ରେ ଯେମିତି ଟପ୍ପର ହୋଇ ଆସୁଛୁ, ଷ୍ଟାଣ୍ଡାର୍ଡ ଟେନ୍ ଯାଏ ସେଣ୍ଟ ଆନି ସ୍କୁଲ ରେ ତୋର ଟପ୍ପର  ପୋଜିସନ ଆମେ ଦେଖିବାକୁ ଚାହୁଁଛୁ l ଶୁଣିଲେ ଆଶ୍ଚର୍ଯ୍ୟ ହେବେ ମା ଙ୍କୁ ମୁଖାଗ୍ନି ଦେଇ  ଘର କୁ ଫେରିଲା ପରେ ଆଦୌ ବିଶ୍ରାମ ନ ନେଇ ସବୁ ଦୁଃଖ କୁ ଲୁହ କୁ ଚାପି କମ୍ପୁଟର ଧରି ବସି ପଡିଲା ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କରିଦେଲା l ଆଉ ପରିବାର ଆତ୍ମୀୟ ସ୍ୱଜନଙ୍କୁ କହିଲା ମୁଁ ମା ଙ୍କ ସ୍ବପ୍ନ କୁ ପୁରା କରିବି l ଆଇ ସି ଏସ ଇ କୋର୍ସ ରେ ସବୁ କ୍ଲାସ ରେ ଏପରିକି ଜ଼ିଲ୍ଲାରେ ମାଟ୍ରିକ ଟପ୍ପର ହେବାକୁ ସେଦିନ ଠୁଁ ସଂକଳ୍ପ ନେଇଥିଲା ଲିଙ୍କନ l ଟପ୍ପର ହେଉଥିଲା ମଧ୍ୟ l ଆଉ ଏକଲବ୍ୟ ଭଳି ହୃଦୟ ଧାରଣ କରି ନିଜର ସାଧନାରୁ ବିରତ ନ ହୋଇ ଦିବଂଗତା ମାଆ ଦୀପାରାଣୀଙ୍କ ସ୍ବପ୍ନ କୁ ସାକାର କରିଛନ୍ତି  ସୁବର୍ଣ୍ଣପୁର ସେଣ୍ଟ ଆନି କନଭେଣ୍ଟ ସ୍କୁଲର ଦଶମ ଶ୍ରେଣୀ କୃତୀ ଛାତ୍ର ସମ୍ବିତ

ତ୍ରିପାଠୀ l ଆଉ ୯୭.୦୪ ସତକଡା ମାର୍କ ସହ  ଦ୍ଵିତୀୟ ସ୍ଥାନ ରେ ଉତ୍ତୀର୍ଣ ହୋଇ ଛନ୍ତି l ସେହିପରି ପି, ଆର୍ଯ୍ୟନ ତନ୍ମୟ କ୍ରିଷ୍ଣା ୯୮ ଶତକଡା ମାର୍କ ରଖି ଜ଼ିଲ୍ଲା ଟପ୍ପର ହୋଇଥିବା ବେଳେ, ରୋହନ ମେହେର ମଧ୍ୟ   ୯୭.୦୪  ଶତକଡା ମାର୍କ ରଖି  ସମ୍ବିତ ଙ୍କ ସହିତ ଦ୍ବିତୀୟ ସ୍ଥାନ ରଖିଛନ୍ତି l ଏଭଳି ମା ଓ ମାତୃଭୂମି କୁ ଗରୀୟାନ କରିବା ଲାଗି ପ୍ରତ୍ୟେକ ବିଦ୍ୟାର୍ଥୀ ସବୁ ପ୍ରକାର ପରିସ୍ଥିତି କୁ ସାମନା କରି ନିଜ ସାଧନା ରେ ବ୍ରତୀ ରହିବା ଓ କୃତି ହାସଲ କରିବା ସମ୍ବିତ ଏଭଳି ଏକ ଉଦାହରଣ ଅଟନ୍ତି l ଯେମିତି କଥାରେ ଅଛି ଉର୍ଦ୍ଧ୍ୱମୁଖି ମନ ଓ ନିମ୍ନମୁଖି ଜଳକୁ କେହି ରୋକି ପାରନ୍ତି ନାହିଁ l