16-May-2023

ଗାଈ ଗୋରୁ ଛେଳି ମେଣ୍ଢା ରଖିଥିବା ବ୍ୟକ୍ତିଙ୍କ ପାଇଁ ସରକାର ମନରେଗା ଯୋଜନାରେ ଆଦର୍ଶ  ଗୁହାଳ ନିର୍ମାଣ କରିବାକୁ ଷାଠିଏ ହଜାର ରୁ ଉର୍ଦ୍ଧ୍ବ ଟଙ୍କା ଦେଉଥିବା ବେଳେ ବ୍ଳକ ଓ ପଞ୍ଚାୟତ ଅଧିକାରୀ ମାନେ ହିତାଧିକାରୀ ମାନଙ୍କ ଠାରୁ ପାଞ୍ଚ ରୁ ଦଶ ହଜାର ଟଙ୍କା ଲାଞ୍ଚ ନେଉଥିବା ଶୁଣିବାକୁ ମିଳୁଛି। କିନ୍ତୁ ଆଦର୍ଶ ଗୁହାଳ ନିର୍ମାଣ କରୁଥିବା ବ୍ୟକ୍ତି ଙ୍କ ଠାରୁ ଅଧା ଟଙ୍କା ଗ୍ରାମ ରୋଜଗାର ସେବକମାନେ ହଡ଼ପ କରୁଥିବା ମଧ୍ୟ ଅଭିଯୋଗ ଆସୁଛି। ସୂଚନା ଅନୁସାରେ ବଲାଙ୍ଗୀର ଜିଲ୍ଲା ମୁରିବାହାଲ ବ୍ଳକ ଚଣାବାହାଲ ପଞ୍ଚାୟତ କୁମ୍ଭାରୀ ଗାଁ ର ଘନଶ୍ୟାମ ମହାକୁର ପିତା, ହରିବନ୍ଧୁ ମହାକୁର ମୁରିବାହାଲ ବ୍ଳକ ଠାରୁ ୨୨/୦୪/୨୧ ତାରିଖ ରେ ଗାଈ ଗୁହାଳ ନିର୍ମାଣ ପାଇଁ ଆଦେଶ ପାଇଥିଲେ। ସିଧାସଳଖ ତାଙ୍କ ନାଁ ରେ ୬୬୦୦୦ ହଜାର ଟଙ୍କା ପ୍ରଦାନ କରାଯାଇଛି ବୋଲି ଆଦେଶନାମା ରେ ଦର୍ଶାଯାଇଛି। ନିୟମ ମୁତାବକ ସେ ଗାଈ ଗୁହାଳ ନିର୍ମାଣ କାର୍ଯ୍ୟ ଶେଷ କରିଥିବା ବେଳେ ତାଙ୍କୁ ମାତ୍ର ତିରିଶ ହଜାର ଟଙ୍କା ପ୍ରଦାନ କରାଯାଇଥିବା ସେ କହିଛନ୍ତି ଓ ଆହୁରି ଛଅଷଠି ହଜାର ଟଙ୍କା ତାଙ୍କୁ ମିଳିନଥିବାରୁ ସେ ନ୍ୟାୟ ପାଇଁ ଜିଲ୍ଲାପାଳ ଙ୍କୁ ଲିଖିତ ଅଭିଯୋଗ କରିଛନ୍ତି। ଦୁଇ ବର୍ଷ ପରେ ସେ ପାଉଣା ନପାଇବା ଯୋଗୁଁ ବାରମ୍ବାର ପଞ୍ଚାୟତ ଓ ବ୍ଲକ ପ୍ରଶାସନ ର ଦ୍ବାରସ୍ଥ ହୋଇ ହଇରାଣ ହେଉଛନ୍ତି ‌। ପ୍ରକୃତରେ କିଏ ତାଙ୍କ ବକେୟା ଟଙ୍କା ହଡ଼ପ କରିଛି ତାହା ପ୍ରତି ବଲାଙ୍ଗିର ଜିଲ୍ଲାପାଳ ସ୍ବତନ୍ତ୍ର ଦୃଷ୍ଟି ଆକର୍ଷଣ କରି ଉଚିତ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି।

(ପୂର୍ଣ୍ଣ ଶଶୀ ଶେଖର ରାଓ ଙ୍କ ରିପୋର୍ଟ)